KIIRO 11:2 - Qullaawa Maxaafa

² Mannuno Musewa hige raari; Museno Kaaliiqa huucceenna giira xo'u.

KIIRO 11:2 ပူးပေါင်းရင်းမြစ်များ

FAARSO 106:23

Maganu mannasi hunara kaita, doorinosihu Muse mereeroho uurre, hunannonsakki gedenna hanqosino aguranno gede Magano huucci.

FULO 10:18

Museno Feriooni albinni fule ha're, Kaaliiqa huucci.

FULO 34:9

«Mooticha'ya ballo, baxattoeha ikkiro, kuni manni mokkookka ikkirono, ledonke fulatto gede huucci'reemmohe; cubbonkenna saonke agurte mannakki assi'rinke» yii.

ISAYAASI 37:4

Asoori moote Heeshshote Magano xonara roorricha soyino. Maganikki Kaaliiqi konne coye macciishshe xoninoha qorichishannoha ikkanno. Kunnira hanni manninke giddonni gatte lubbotenni heedhannori daafira huuccinke» yitue.

ERMIYAASI 15:1

Kaaliiqi, «Musenna Saamueeli huucciteennae nafa konne manna dimaareemmona, albi'yanni ho'lanno gede assi.

ERMIYAASI 37:3

Moote Sedeqiyaasi kayinni, «Maganonke Kaaliiqa huuccinke» yee Shelemiya beetto Yehukaalinna qeesicha Maiseya beetto Soffooniyaasi anewa soyi.

ERMIYAASI 42:2

«Ninke alba kiiro lowo mannaati; xa kune la"attonte gede shiimu manni callu gantoommo. Kunnira eeggatena, doogo kulannonke gedenna ikkineemmo gara xawisannonke gede Maganokki Kaaliiqa huuccinke» yitue.

KIIRO 12:11

Isino Muse, «Mooticha'ya eeggatena gowwimmankenni assinoommo sao kiirtootinke.

KIIRO 12:13

Museno, «Magano'ya ballo! Eeggatena hursise» yee Kaaliiqiwa hige woxarati.

KIIRO 21:7

Mannuno Musewa daye, «Kaaliiqinna ate aana busha coye coyi'rankenni sayinsoommona, hamaso aaninkenni hoolanno gede Kaaliiqa huuccinke» yii. Museno Kaaliiqa huucci.

SOQQAMAASINETE LOOSO 8:24

Simioonino, «Xa coyi'ritto coyi giddonni mittuno iillannoekki gede Magano ki'nenni huucce"e» yii.

IBIRAAWOOTA 7:26

Qullaawu, mishamme nookkihu, fayyaaleessu, cubbaataammuwiinni baxxinohu, aliidi gordira aleenni noohu Qeesootu Qari ninkera malinohu isooti.

YAIQOOBI 5:16

Kunnira hurtinanni gede cubbo'ne ki'ne ki'neneewa aagintaabbe; ku'u ku'unnira huucco. Keeraanchu manchi huuccatto, lowo guma uyitannota jawa wolqa afidhino.

UMI YOHAANNISI 5:16

Ayino rodiisi reyote iillishannokki cubbo loosanna afiro, huuccatto assosina; cubbisi reyote iillishannoha ikka hoogiro, Maganu heeshsho aannosi. Reyote iillishanno cubbino no; hakkunnira, «Huuccona» diyeemmo.