KIIRO 11:17 - Qullaawa Maxaafa

¹⁷ Anino dirre ate ledo hasaaweemmo; atera oommo Ayyaana insarano eemmo. Mannu qarra callikki duqqattokki gede kaa'litannohe.

KIIRO 11:17 ပူးပေါင်းရင်းမြစ်များ

UMI SAAMUEELI 10:6

Hatte yannara Kaaliiqi Ayyaani dirre wolqa wonshanno. Atino kukkubbitanni insa ledo himana coyi'ratto; soorrante wole mancho ikkatto.

KIIRO 11:25

Hakkunni gedensaanni Kaaliiqi gomichunni dirre Muse ledo hasaawi. Isira uyino Ayyaanano lamalawunku roorrootira uyi. Insano Ayyaanu aanansa dirranni hee'reennanni himana coyidhu. Hakkunni gedensaanni kayinni ledde dicoyidhino.

UMI QORONTOOSI 2:12

Maganu uyinonke coye baala anfeemmo gede, adhinoommohu Maganu Ayyaanaati ikkinnina tenne gobbaha di"ikkino.

LAYINKI MOOTOOLLA 2:9

Fultuhu gedensaanni Eeliyaasi Elsaira, «Atewiinni baxxe ha'rammora albaanni maricho assammohera hasi'rattoro kulie!» yee xa'misi. Elsaino daware, «Ayyaanikki anera lame ero ikkannoe gede huucci'reemmohe!» yii.

IYUEELI 2:28

«Kunni gedensaanni Ayyaana'ya, mannu baalunku aana duneemmo. Ooso'ne labballunna seennu himana coyidhanno. Geerri'neno haaqee haaqii'ranno. Aju manni'neno ajuuja afanno.

LAYINKI MOOTOOLLA 2:15

Iyyaarkonni dagginori 50 himanaano iso affe, «Eeliyaasi ayyaani Elsaira saino» yitu. Insano isiwa shiqqi yite albasiinni ubbe keere haadhe,

ROOMU SOKKA 8:9

Maganu Ayyaani giddo'ne hee'rannoha ikkiro, Ayyaanu hedo ikkinnina maalu hedo diamaddanno'ne. Kiristoosi Ayyaani noosikkihu, Kiristoosi fiixa di"ikkino.

UMI TESELONQE 4:8

Kunnira tenne seejjo giwannohu, manna giwannoha ikkikkinni Qullaawa Ayyaanasi aanno'neha Magano giwinoho.

NEHIMIYA 9:20

Danchummakkinni assate hasiisannore baala kuloottonsa; ittannota ‹Menna› yinanni sagalenna agganno waano uyittonsa.

FULO 18:22

Insano mannu coyi'ramanno yanna baalantera coye affanno gede assi; atewa qarrisino coye calla haadhe abbitona; shiima coye kayinni insa la'ona; insa kunni garinni beeqqiteenna, atera duhu shotannohe.

YIHUDA 1:19

Insa manna babbaddannoreeti; maalu yorto hoode hadhannoreeti; Qullaawu Ayyaani noonsakki mannaati.

UMI PHEEXIROOSI 1:22

Ammanaano taalu baxillinni baxxinanni gede, halaaleho hajajamatenni lubbo'ne keereensidhinoonni. Kunnira mimmiti'ne ledo xalalu wodaninni seekkitine baxamme.

KIIRO 12:5

Kaaliiqino gomichu heelliichonni dirri. Dukkanu waalchira uurre, Aarooninna Maariyaami woshshi. Insano isiwa shiqqi yiteenna,

FULO 19:20

Kaaliiqi Siina Ilaali aanira dirre, Muse ilaalu umi aanira maranno gede woshshisi; Museno kae mari.

KALAQAMA 11:5

Hakkunni gedensaanni, Kaaliiqi mannu mininoha katamanna gordo iillino mine la"ara dirre,

YOHAANNISI 7:39

Yesuusi konne coye coyi'rinohu iso ammantinori adhitannohu Qullaawu Ayyaani daafiraati. Yesuusi hatte yannara ayirrinyunniwa einokki daafira, Qullaawu Ayyaani ammanaasinenniwa didayino.

YOHAANNISI 3:13

Gordunni dirrinoha Manchi Beetto agurranna gordu iimira fulinohu wolu dino» yii.

ISAYAASI 44:3

«Goodhino baattora waa eemmo; moola baattorano xashshu lolahanno gede asseemmo; oosokki aana Ayyaana'ya duneemmo; oosokki oosorano maasso lolaaseemmo.

KIIRO 27:18

Kaaliiqino Musera, «Ayyaani'ya noosihura Newe beettira Iyyaasura angakki aanaho wori.

KIIRO 12:8

Ani isi ledo xawoho hasaaweemmota ikkinnina, go'lino garinni dicoyi'reemmosi; isino ane illesinni la"anno. Ki'ne soqqamaancho'ya Muse hiitto seyattine, kunni garinni coyidhinisi?» yiinsa.

FULO 34:5

Kaaliiqi gomichu giddoonni hige dirre hakko isi ledo uurre, ani Kaaliiqaati yee qullaawa su'masi kulisi.

FULO 19:11

Sayikki barra mannu wo'munku la"anna Siina Ilaali aanira dirreemmo daafira qixxaawona.

KALAQAMA 18:33

Kaaliiqino Abirihaami ledo hasaawa gudihu gedensaanni ha'ri. Abirihaamino minisira higi.

KALAQAMA 17:22

Maganu Abirihaami ledo hasaawa gudihu gedensaanni agure ha'ri.

KALAQAMA 17:3

Abiraamino alba hige gombisame Maganoho kumbuuli. Maganuno,

FULO 18:18

Kuni coyi callikkira bati'rannohe daafira, atino mannuno daafurtinanni; konne baala callikki assattora didandaatto.

ISAYAASI 63:11

Hakkunni gedensaanni albita Muse yanna qaaggu; saadansa ledo baaru giddoonni qole sayisinsahu hiikki? Qullaawa Ayyaanasi giddonsa wori Magani hiikki?

KIIRO 7:89

Muse Kaaliiqi ledo hasaawara Dukkanu giddora ei yannara, Kaaliiqi kirubeeli mereero noohura Gondooru Taabooti tuani aana hee're coyi'ranna macciishshi.