KIIRO 10:12 - Qullaawa Maxaafa

¹² Israeelete mannino Siina Halallittenni kae, gomichu mare Faaraani Halallittera uurra geeshsha basetenni base sai.

KIIRO 10:12 ပူးပေါင်းရင်းမြစ်များ

KALAQAMA 14:6

Hoori mannano ilaalaame Seiiri Gobbara qeeltunsa; molo baatto mule noo dargi Elfaraani yinannihu geeshsha shorritunsa.

UMI MOOTOOLLA 11:18

Insano Midiyaami gobbanni ka'e Faaraani yinanniwa hadhu. Hakkiicho hee'ranno mannino insa ledo karsami. Hakkunni gedensaanni baalunku mitteenni Gibitsete gobba hadhu. Hakkiichono Gibitsete moote ledo xaaddu. Isino Hadaadira baatto, galanno minenna itanno sagale uyisi.

FULO 13:20

Israeele Sukootinni ka'e halalli qaccera Etaami yinanniwa marte baxxisidhu.

IMBAAQOOMI 3:3

Maganu Teemaaninni daanno; Qullaawu Maganino Faaraani Ilaalinni daanno; ayirrinyisi gordo guggushshino; galatisi baatto wo'mino.

KIIRO 1:1

Israeelete manni Gibitsete gobbanni fulihunni layinki diro, layinki aganira umi barra, Siina Halallittera heedheenna Qullaawu Dukkani giddo hee're Kaaliiqi Musera,

KIIRO 10:33

Hakkunni gedensaanni Siina Ilaali Kaaliiqihuwiinni ka'e sasu barri doogo hadhu. Kaaliiqi marte baxxisidhanno base leellishannonsa gede Leewaawootu Gondooru Taaboota balaxxe alba qolte haadhe hadhu.

KIIRO 12:16

Hakkunni gedensaanni mannu Hatserootinni kae Faaraani Halalla mare baxxisi'ri.

KIIRO 13:26

Dooyyaano Muse, Aarooninna Israeelete manni baalunku noowa Faaraani Halalla Qaadesi yinanniwa higgu. La'e dagginore baala insaranna Israeelete manni baalunkura kultu; haadhe abbitino laalchono leellishshunsa.

KIIRO 13:3

Museno Kaaliiqi hajajino garinni Faaraani Halallinni dooyyitannore 12 roorroota soyi.

KIIRO 2:34

Kunni garinni Israeelete manni Kaaliiqi Musera hajajinore baala wonshi. Mitte mittenti ga're sumudi sumudinsa mule baxxisidhu. Mittu mittunku boosaalli boosaallisi garinni gaammeenna ha'ri.

KIIRO 9:1

Gibitsete gobbanni fultuhunni layinki diro, umi aganira Siina Halallittera Kaaliiqi Musera,

KIIRO 9:17

Gomichu Dukkanu aaninni kae ha'ranno yannara, Israeeleno noo qachinni ka'e gomichu uurrinowa marte baxxisidhanno.

KIIRO 9:5

Umi aganira tonaa shoolki barra hawarro Siina Halallittera Mararrote Ayyaana ayirrissu. Mannuno Kaaliiqi Muse widoonni qole hajajinore baala wonshi.

MARRO 1:1

Yordaanoosira soojjaatoonni Areba Halallittera Suufi Katamira albaanni, Faaraaninna Xoofeeli, Laabaani, Hatserootinna Dizahaabi mereero heedheenna, Muse sa'u yannare marro hige qaagiissanni Israeelete manni baalaho coyi'rino qaali konneeti.

MARRO 1:19

«Hakkunni gedensaanni affininte gede Maganinke Kaaliiqi hajajinonke garinni, Siinanni ka'ne hattenne hala'ladonna waajjishshannota halallitte gobba sa'ne, gaaraame Amooraawotu gobba ragaanni hinge Qaadesi Berne dangoommo.

MARRO 1:7

Galtinanni darga diiggine gaaraame Amooraawootu gobba hadhe. Hakkiichinnino Yordaanoosi Lagichira, ilaalaame gobbara gammoojjittete Negebinna Mediteraaniyu Baari qaccera hee'ranno manniwa hadhe. Qoltineno Kana"aanootu gobbanna Libaanoosi, lowo Wayi Efiraaxisihu geeshsha iille.

MARRO 33:2

Kaaliiqi Siina Ilaalinni dayi; Edoominni soodo arrishsho gede ikke aanansa fuli; Faaraani Ilaalira hee're xawinsa. Tonnu kumi sokkaasine ledosi no; qiniiticho angasinni bubbanno giira fultanno.

UMI SAAMUEELI 25:1

Saamueeli reenna Israeelete manni baalunku gamba yee wi'lisi. Hakkunni gedensaanni Raama massite qaesira madaartusi. Daawiti noowiinni kae Maooni Halalla ha'ri.