KIIRO 1:53 - Qullaawa Maxaafa

⁵³ Ayino Dukkanunniwa shiqqi yee ane hanqise Israeelete manna gudisiisannokki gede, Leewaawootu dukkannansa Qullaawu Dukkani gaangaawira qasidhe agartona» yii.

KIIRO 1:53 ပူးပေါင်းရင်းမြစ်များ

UMI DUDUWO 23:32

Kunnira Leewaawootaho Kaaliiqa magansi'nanni dukkaninna Qullaawu Mini haja baalate annimma uyinoonninsa. Qullaawu Mini giddo magansi'rate seera wonshitannore fiixansa ikkitinore qeesoota Aarooni sirchono kaa'litanno.

LAYINKI DUDUWO 13:10

«Ninkera kayinni xaano Maganinke Kaaliiqaati; iso diagudhinoommo. Aarooni sircho ikkitino qeesootino Kaaliiqira soqqama diagurtino. Leewaawootuno kaa'litanni noonsa.

LAYINKI DUDUWO 13:11

Soodonna hawarro wo'manka woyite tanni yee su'naanno hixaananna shilqote kakkalo Kaaliiqira shiqishshanno. Qullaawa Tima seeru garinni keereensinoonni xarapheezzi aana wortanno. Hawarro hawarro culkunni seekkinoonnihura caabbicho worranni uduunnichi aana noo caabbiyye xawissanno. Ninke Maganinke Kaaliiqi hajajo wonshineemmo; ki'ne kayinni agurtinoonni.

ERMIYAASI 23:15

Ki'ne Yerusaalamete himanaano, base baalate bunshe wixxinoonni. Qaraaranno haqqa itisatenna, shaanno waa hayikkisate, hedoommohu kunni daafiraati.

ERMIYAASI 5:31

Himanaano kaphu himana coyidhanno; qeesootuno insa yiture assitanno; manni'yano insa yitannore baxanno. Qarru daanno barra kaa'lote mamira martannoyya?» yii.

LEEWAAWOOTA 10:6

Muse Aarooniranna oososira Aliaazaariranna Itaamaarira, «Dadillitinoonnita leellishate, umo'ne meexxitinoonte; uddano'neno dartinoonte; hatto assitiniro, ki'neno reyitinanni; Kaaliiqino manna baalaho hanqanno. Kaaliiqiwiinni daggino giira itte shitinorira, fiixi'ne Israeele wi'la dandiitanno.

KIIRO 1:50

Insa Qullaawa Dukkananna giddo noo uduunne towattannore assi; Qullaawa Dukkananna giddo noo uduunne dukkanno gede, towattanno gedenna dukkannansano Qullaawu Dukkani qooxeessira qasidhanno gede assi.

KIIRO 1:54

Kunni garinni Israeele Kaaliiqi Muse widoonni qole hajajino coye baala wonshitu.

KIIRO 16:46

Muse Aaroonira, «Ateha hixaanu baccicho abbite kashilono kakkalote darginni haadhe wori. Kune Kaaliiqi hanqi dayino daafira qoomamu manna gudanni noona rahi. Kashilu aanano hixaana worte rakke marte kunni manni cubbo agursiisi» yii.

KIIRO 16:9

Israeelete Magani ki'ne wolootu Israeelootinni bade Kaaliiqi Dukkani giddo soqqantinara umisiwa gamba assi'netinna soqqantinannisi gede mannu albaanni uurrisino'neti ajju'neni?

KIIRO 17:7

Museno siqquwa haa're Dukkanu giddo Kaaliiqi Taabootira albaanni wori.

KIIRO 2:17

«Lame albiidi gaamonna lame badhiidi gaamo mereero Leewi ga're Qullaawa Dukkana dukke hadhanno. Mitte mittenti gaamo qachansa bande anfanni gede sumudansa anga adhite doyicho doyichonsa garinni hadhanno.

KIIRO 3:23

Kuni boosaalli Dukkanaho badheenni galchimi ragaanni dukka'ne hee'ranno.

KIIRO 3:29

Qehaati ilama Dukkanaho wodiidi ragaanni dukka'nite heedhanno.

KIIRO 3:35

Meraari ilama sooreessi Abieeli beetti Tsurieeliiti. Insa Qullaawu Dukkani mule aliyye ragaanni dukka'nite heedhanno.

KIIRO 3:38

Muse, Aarooninna oososi soojjaati ragaanni Qullaawu Dukkanira albaanni heedhanno. Insa Qullaawa Darga Israeelete manni daafira assinanni coye baala towattanno. Insa agurranna, hakkiira shiqqi yaannohu wolu manni kayinni reyanno.

KIIRO 31:30

Israeelete oottohu giddonnino manna ikko lalo, harre, ge'reewo woy me"e woy wole saada ontawu giddonni mitto mitto doorte, aneha Qullaawa Dukkana annimmatenni agartannorira Leewaawootaho uyi» yiisi.

KIIRO 31:47

Israeelete beehachi giddonni Muse Kaaliiqi hajajinosi garinni ontawu giddonni mitte beettonna saadate giddonnino mitto doore Kaaliiqi Dukkana annimmatenni agartannorira Leewaawootaho uyi.

KIIRO 8:19

Israeelete manni Qullaawu Dukkaniwa shiqqi yee qoomamannokki gede cubbo agursiisate, Israeelete manni giddonsanni Leewaawoota baxxino afansha asse eennae adhe Aarooninna oososi anga woreemmo» yiisi.

LAYINKI XIMOOTEWOOSI 4:2

Qaale kuli; injiiherono injaa hoogiherono wo'manka woyite jawaatte loosi. Xawisse kultanni, hayi yitanninna seejjitanni, cincatenninna rosiisatenni jawaati.

UMI SAAMUEELI 6:19

Kaaliiqi Taaboota fante la'ino daafira Maganu Beetesaamisaha 70 manna shiino. Kaaliiqi tenne bao aanansa abbino daafira mannu lowo geeshsha dadille wi'li.