KALAQAMA 7:7 - Qullaawa Maxaafa

⁷ Isino, baote wayi lolahinni gatanno gede galtesi, oososinna oososi seenne haa're markaawete giddora ei.

KALAQAMA 7:7 ပူးပေါင်းရင်းမြစ်များ

KALAQAMA 6:18

Ate ledo kayinni gondooro e"eemmo; atinna galtekki, oosokkinna oosokki seenni mitteenni markaawete giddora e'e.

KALAQAMA 7:1

Kaaliiqi Nohira, «Ati maatekki baala haadhe amo markaawete giddora ei; kalqete manni mereero ati callu keeraancho ikkoottota afoommo.

LAWISHSHA 22:3

Egennaamu manchi bushare afiro maaxamanno; hawanyu kayinni e"e qarramanno.

MAATEWOOSI 24:38

Hakka waro baote wayi daara albaanni Nohi markaawe ei barri geeshsha, mannu itanninna aganni, adhanninna adhamanni no.

LUQAASI 17:27

Nohi yowolo ei barri geeshsha, mannu itanninna aganni, adhanninna adhamanni no. Hatte yannara baote wayi daye wo'manka gudino.

IBIRAAWOOTA 11:7

Illetenni leellinokki coyi're Maganu balaxe qorophisiise kulisi yannara Nohi Magano waajjatenni minisi manna gatisara markaawe seekkinohu amma'natenniiti. Amma'natenni alamete so'rose leellishino; amma'natenni afi'nanni keeraanchimmano ragi'rino.

IBIRAAWOOTA 6:18

Soorramannokkihanna Maganuno kapha dandaannokkire lamenka hexxosinna xaarosi uyinonke. Kunni lamunku coyi widoonni albankeenni noo hexxo seekkine cu'mi'rate dandiineemmo gede, golo ikkannonkehu widira hinge xoonqoommori ninke lowo jawaante afi'neemmo.

UMI PHEEXIROOSI 3:20

Kuri usuru mine noo lubbuwa bi're Nohi markaawe boci waro Maganu cince agare hee'reennansanni, hajajama gibbureeti. Hatte markaawe giddora e"e wayinni gatinohu kiiro shiimu sette mannaati.

LAYINKI PHEEXIROOSI 2:5

Keeraanchimmannire kulinoha Nohi wolu lamalu manni ledo gatise, albi alame mararikkinni cubbaataammu aana baote waa dirrisiro,