KALAQAMA 7:11 - Qullaawa Maxaafa

¹¹ Nohira 600 diro ikkisihunni layinki aganira tonaa lamalki barra, hakko barranni lowo diimenni bu'a baala burqitu; gordu dukkani masikooteno fa'nantu;

KALAQAMA 7:11 ပူးပေါင်းရင်းမြစ်များ

KALAQAMA 1:7

kunni garinni Maganu gordo dukkanu gede asse seekki; qoleno dukkanu gede ikkino gordira aleenninna woroonni noo wayibba badantanno gede assi; yiino gedeno ikki.

KALAQAMA 6:17

Ani, baattote aana hee'rannoha lubbo afi'rino kalaqama duuchanka hunate baattote aanira baote waa dirriseemmo; baattote aana noohu baalunku ba"anno.

KALAQAMA 7:6

Baote wayi baattote aana lolahi yannara Nohi 600 diri manchooti.

KALAQAMA 8:14

Layinki aganira lemiina lamalki barra baatto co'o yite mooltu.

KALAQAMA 8:2

Burqanni noo baari tuami; gordu masikootta cufantu; xeenuno uurri;

LAYINKI MOOTOOLLA 7:19

Hakku reyi manchi kayinni, «Kaaliiqi gordo fane gide xeenimma dirriseenna nafa kuni ikkara didandaanno» yiino. Elsai qole, «Kuni coyi ikkanna illekkinni la"atto. Ati kayinni mittoreno suumekkinni dikisatto» yiinosi.

LAYINKI MOOTOOLLA 7:2

Hakko mereero mootete gamba yiino amaalaanchi Elsaira, «Kaaliiqi gordu waalcho fane gide xeenimma dirrisiro nafa kuni ikkara didandaanno!» yii. Elsaino, «Kuni coyi ikkanna illekkinni la"atto. Ati kayinni mittoreno suumekkinni dikisatto» yiisi.

IYYOOBI 12:15

Maganu xeena hoo'liro, baattote aana moolle dagganno. Xeena batise ganirono, baattote aana noore baala hunanno.

IYYOOBI 28:4

Mannu hee'ranno darginni fafe, lekkatenni kande egenninoonnikkiwa iillanno; hakkiicho qile bale ume, siibbate aana rarrae, callisi loosanno.

IYYOOBI 38:16

«Baaru diime marte, buichosi laoottoni? Jawu baari hundira marte, ka'anna kawa ha'rante egennoottoni?

IYYOOBI 38:37

Ogimmasinni gomicho kiirara dandaannohu ayeti? Gomichu waa galche xeena lolaasannohu ayeti?

FAARSO 33:7

Baara mittowa gamba assino; lowo baarirano ga'rannowa qixxeessino.

FAARSO 74:15

Xo'annokki bu'anna xashshuwa lolaasootto; jajjabba lagga kayinni mooshshootto.

LAWISHSHA 3:20

Isi egennonni baaru beehamino; gomichuno xeena lolaasino.

ISAYAASI 24:18

Waajjishanno luulo xooqannohu, balete giddo uwanno; balete giddonni fule xooqannoha woshshaado amaddanno; iiminni wolqaataame barada dirritanno; baattote xinti shafamanno.

ISAYAASI 24:19

Baatto shafante, daddadhante addi addinni fultanno.

ERMIYAASI 5:22

Ane Kaaliiqa waajja mayira gibbini? Ane albaanni qece yaa mayira hooggini? Ani waa sae ha'rannokki gede assoommo. Wayi ayee geeshshano shafamiro, dambaluno kae luuliro, danna sa"ara didandaanno.

ERMIYAASI 51:16

Ati hajajatto yannara gordoho noo wayibba luultanno; baattote qaccennino gomicho gamba assite abbatto; xeenu yannarano banqo beleqqanno gede assatto; bubbeno maaxoottowiinni fushshatto.

HIZIQEELI 26:19

Mootichu Kaaliiqi, «Ayino hee'rara dandaannokki katamma diigantinote gede, mullicho asseemmohe; lowo baari egemmannohe gede asseemmo.

MILKIYAASI 3:10

Mine'ya intanniri hala'lanno gede uyitinanniha tonnunni mitto gudissine abbitine gootaraho worre. Hatto assitineenna, ani qole waalcho fane dancha attote batise aa hoogummo'nero tennenni affe"e. Konne coye coyi'roommohu ani Olantote Mootichi Kaaliiqaati.

MAATEWOOSI 24:38

Hakka waro baote wayi daara albaanni Nohi markaawe ei barri geeshsha, mannu itanninna aganni, adhanninna adhamanni no.

UMI TESELONQE 5:3

Mannu, «Keereho; qarru dino» yaanna, godowinni noo mancho amaddanno game gede, bao hedeweelcho daggannonsa; gatteno diaffanno.

LAYINKI PHEEXIROOSI 3:6

Hatte yannara noo baatto wayinni egemmante ba'ino.