KALAQAMA 6:7 - Qullaawa Maxaafa

⁷ Kaaliiqi, «Kalaqoommonsahura gaabboommona konne manna, saada, godowunni ha'ranno kalaqamanna cea baattote aaninni huneemmo» yii.

KALAQAMA 6:7 ပူးပေါင်းရင်းမြစ်များ

KALAQAMA 6:6

Manna baattote aana kalaqasira gaabbi; wodanisinnino dadilli.

KALAQAMA 7:21

Baattote aana lubbo afi'rinori baalu, cea, saada, dubbu moyichi, baattote aana godowunni ha'rannorinna mannu baalunku goofi.

KALAQAMA 7:4

Lamalu barri gedensaanni, 40 barranna 40 hashsha baattote aana xeena dirrise, kalaqoommo kalaqama baalanka huneemmo» yiisi.

KALAQAMA 8:21

Kaaliiqi shilqonniha dancha foole su'niissi'ri; wodanisinnino, «Manchu wodani hedo anjesinni kayisse bushate; ikkirono isinni kainohunni baatto dirumeemmo; xa assummo gede lubbo nooha baala layinkimeeshsho dihuneemmo.

FAARSO 37:20

Bushuullu kayinni gooffanno; Kaaliiqi baarigaarra daraarote gede giggiltanno; wiliilete gede ikkite ba'anno.

LAWISHSHA 10:27

Kaaliiqa waajja diro seedissanno; bushuullu kayinni yanni-male reyitanno.

LAWISHSHA 16:4

Baalanka coye Kaaliiqi hajasira yee assino; bushuulleno baote barrira worino.

ISAYAASI 27:11

Haqqichote sinna mooltuhu gedensaanni hiiqqaqqante ubbanno; meentuno daye giirate adhanno. Wodancha nookki manna kalaqaanchu Magani dimararanno; horonta dimaarannonsa.

HOOSEI 4:3

Kunninni kainohunni baattote aana moolle dagganno. Aanase hee'rannori baalu goofanno. Saada ceanna baaru giddo qulxu'mi baalu reyanno» yiino.

AMOOTSI 7:3

Kaaliiqino marare hedinota agure, «Kuni laitto coyi di"ikkanno» yiinoe.

AMOOTSI 7:6

Kaaliiqino marare hedinota agure, «Kuni coyino di"ikkanno» yiinoe.

SOFFOONIYAASI 1:18

Kaaliiqi hanqosi leellishanno barra, manna birrisinna culkisi gatisasira didandaanno. Giirate gede bubbanno laalasinni baatto hunanno. Baattote aana noori baalunku hedeweelcho giiramanno.

SOFFOONIYAASI 1:2

Kaaliiqi, «Baalanka coye baattote aaninni co'o asse huneemmo;

SOFFOONIYAASI 1:3

mannanna saada, iimi ceanna baaru qulxu'me huneemmo. Haxawarroota galcheemmo; mittu nafa gatikkinni mannu sircho baattote aaninni gudeemmo. Konne coyi'roommohu ani Kaaliiqaati.

MARRO 28:63

Kaaliiqi ki'ne duroonsatenninna kiiro'ne batisatenni hagiidhinte gede, ki'ne hunatenninna heedhinannikki gede assatenni hagiidhanno. Ragidhinara e'inanni gobbanni buqqisanno'ne.

MARRO 29:20

Kaaliiqi konne mancho dimaaranno. Giirannoha hanqosi isi aana bushshanno. Kunni maxaafira borreessinoonni rumo baalanti aanasi dirritanno. Kaaliiqino su'masi baattote aaninni co'o asse hunanno.

UMI SAAMUEELI 15:11

«Saaooli moohisiisa'yara dadilloommo. Isi ane agurino; hajajo'yano diwonshino» yii. Saamueelino yaade, hashsha wo'ma Kaaliiqa huuccanni gali.