KALAQAMA 6:6 - Qullaawa Maxaafa

⁶ Manna baattote aana kalaqasira gaabbi; wodanisinnino dadilli.

KALAQAMA 6:6 ပူးပေါင်းရင်းမြစ်များ

KALAQAMA 6:7

Kaaliiqi, «Kalaqoommonsahura gaabboommona konne manna, saada, godowunni ha'ranno kalaqamanna cea baattote aaninni huneemmo» yii.

LAYINKI SAAMUEELI 24:16

Kaaliiqi Sokkaasinchi Yerusaalame hunara angasi diriirsi yannara, Kaaliiqi mannaho abbino qoricha uurrisara hede, manna gudanni noo sokkaasincho, «Xaate ikkinona aguri» yii. Hatte yannara sokkaasinchu Yabuusichu Oorina ayiddummera uurre no.

UMI DUDUWO 21:15

Hakkiinni aanche Kaaliiqi Yerusaalame hunanno gede Sokkaasincho soyi. Ikkollana Kaaliiqi mannu shetto lae marare, manna gudanni noo Sokkaasincho, «Xaate ikkinona aguri» yii. Hatte yannara sokkaasinchu Yabuusichu Oorina ayiddumme mule uurre no.

FAARSO 106:45

Insara yee gondoorosi qaagino; bagamannokkihu baxillisinni kainohunni mararinonsa.

FAARSO 110:4

Kaaliiqi, «Melketsedeqi gede hegerera, qeesicha ikkatto» yee xaarino; xaarosino soorrantannokkite.

FAARSO 119:158

Qaalekki ayirrissannokki daafira, ate ammantinokkiriwa aana dibaxeemmo.

FAARSO 78:40

Halallitte baattora batinye higge hajajama gibbinosi; moola gobbara duucha higge dadillissinosi.

FAARSO 81:13

Manni'ya macciishshoommero, Israeeleno doogo'ya ha'runsitoommero,

FAARSO 95:10

Hattanne ilamara 40 diro hanqoommo; kunnira, «Ki'ne galata diafidhinoonnireeti; ani yoommotano ikka gibbinoonni» yuummonsa.

FULO 32:14

Kaaliiqino hanqosi agure, mannu goofannokki gede assi.

ISAYAASI 48:18

Hajajo'ya seekkitine macciishshitinoonniha ikkoommero, keeru moolannokki wayi gede, keeraanchimmano baaru dambali gede ikkite heedhanno'ne.

ISAYAASI 63:10

Insa kayinni Qullaawa Ayyaanasi dadillissino; kunnira isinni qole diina ikke gawajjinonsa.

ERMIYAASI 18:7

Ani mitte gosa woy mitto gashshoote, buqqise woy diige hunate kaummoro,

ERMIYAASI 26:19

Moote Hiziqiyaasinna Yihudu manni Mikiyaasi shiinosiyya? Hiziqiyaasi Kaaliiqa waajjino; baxillesi afi'rara huucci'rino. Kaaliiqino abbara hedino bao aaninsanni hoolino. Ninke kayinni, uminke aana shetto abbi'nammoraati» yitu.

HIZIQEELI 33:11

Ani Mootichu Kaaliiqi heeshshote Magano ikka'yanni xaareemmona, cubbaataamu manchi, cubbo loosa agure lubbotenni hee'ranno gede ikkinnina cubbisinni reyanno gede horonta hasi'reemmokkita kulinsa. Kunnira, ‹Israeele, busha looso'ne agurre; reyo mayira hasidhinanni?› yite kulinsa.

HOOSEI 11:8

«Israeele! Ate hiitto asse agureemmohe? Hiitto asseno sayise eemmohe? Adaamanna Tseboyimi assummo gede, hiitto huneemmohe? Ate lowo geeshsha baxeemmohe daafira, konne baala assammora wodani'ya diaannoe.

IYUEELI 2:13

Wodana'ne ikkinnina uddano'ne dartinoonte» yaanno. Kaaliiqi Magani'ne shaqqadohonna maarannoho; rahe dihanqannoho. Bagamannokkihu baxillisino bati'raho; hunateno dimuddamannohona, isiwa higge.

YOONAASI 3:10

Maganu, Nennewe manni assinorenna bunshe agure higinota lai; kunnira, marare abbara hedino bao aguri.

MILKIYAASI 3:6

«Ani Kaaliiqi disoorrameemmo. Kunnira, ki'ne Yaiqoobi sirchino diba'inoonni.

KIIRO 23:19

Maganu mannu gede dikaphanno; mannu gede coyi're digaabbanno. Uyino hexxono wonshanno; coyi'rinore baala assanno.

ROOMU SOKKA 11:29

Maganu doorihunna eltosi uyihu gedensaanni assino coyira digaabbanno.

EFESOONI SOKKA 4:30

Wodamate barrira sumudantinoonniha Qullaawa Maganu Ayyaana dadillissinoonte.

MARRO 32:29

Wodancha noonsaha ikkoommero, konne coye buuxxanno; marte gawa'litannowano affanno.

MARRO 32:36

Wolqa noonsakkitanna mannu goofita afe, mannasi keereensanno; soqqantannosire baala mararannonsa.

MARRO 5:29

Wo'manka woyite hattoo wodani he'roommensaro, ayirrissoomme"eronna hajajo'ya baala wonshitoommero, insaranna sirchinsara geedote geeshsha wo'munku coyi qinaannonsahu baino.

IBIRAAWOOTA 3:10

Kunnira, hattenne ilamara hanqe, ‹Wodaninsa wo'ma woyite so'ranno; doogo'yano diaffino› yiino.

IBIRAAWOOTA 3:17

Magano shoyilloo diro wo'ma hanqissuri ayeooti? Cubbo loossurenna reeshshinsa halalli gobbara uwe gatire di"ikkitino?

YAIQOOBI 1:17

Dancha eltonna wo'mu atooti baalu Maganuwiinniiti. Kuni daannohu caalu gede doyannokkihu woy soorramannokkihu xawaabbu Anni Maganuwiinniiti.

UMI SAAMUEELI 15:11

«Saaooli moohisiisa'yara dadilloommo. Isi ane agurino; hajajo'yano diwonshino» yii. Saamueelino yaade, hashsha wo'ma Kaaliiqa huuccanni gali.

UMI SAAMUEELI 15:29

Ayirradu Israeelete Magani dikaphanno; yiinoreno disoorranno. Yiinore soorrate isi mannu gedeeha di"ikkino» yiisi.

UMI SAAMUEELI 15:35

Hakko barrinni kayise reya geeshsha Saamueeli Saaooli illetenni diafino; ikkollana mararinosi daafira wi'lanni keeshshino. Kaaliiqino Saaooli Israeelete moohisasira dadilli.