18 «Kaaliiqa'ya! Gatisaanchimmakki agadheemmo.
Daani, ati doogote gami hamashshi gedeeho; sa'nanni doogora noo buute gedeeho. Farashshunnita kotte qasatto; farashshaannino badhera hige uwanno.
Kaaliiqa'ya, gatisaanchimmakki hexxotenni agadheemmo; hajajokkino wonsheemmo.
Kaaliiqa'ya, gatisaanchimmakki quqquxameemmo; seerikkino tashshi yaannoe.
Kaaliiqa! Bagamannokkiha baxillekki leellishie; hexxonnihu qaalikki garinni gatisie.
Faantichu mootichisi anga, faantitteno mootittese anga la'annonte gede, Ninkeno maarattonke geeshsha ate Maganinke kaa'lo agadhineemmo.
Kaaliiqi kaa'lo quqquxamatenni agadheemmo; qaalesino addaxxeemmo.
Israeelete gato Tsiyooninni daggo! Kaaliiqi mannisira kaayyo qolanno yannara, Yaiqoobi mini hagiidhanno; Israeeleteno tashshi yaannonsa.
Kaaliiqa cincatenni agadhoommo; isino caaqqi yiinoe; raare'yano macciishshie.
Gatisannoehu Magano calla ikkinohura, cince iso agadheemmo.
Hexxeemmohu isootina, lubbo'ya, ati sammi yite Magano calla agadhi.
Kaaliiqa ballo, bagamannokkiha baxillekki leellishinke; kaa'lite gatisinke.
Kaaliiqa faarseemmohu wolqa'ya ikkinohuraati; diini'ya anganni gatisinoehuno isooti. Isi Magano'yaatina galaxxeemmosi; anni'ya Maganootina, ayirrisi'reemmosi.
Bushuullu bunshensanni ubbanno; keeraano kayinni reyote yannara nafa irkidhannowa afidhanno.
Kuni coyi ikkanno waro mannu, «Isi Maganonkeeti; hexxinoommosi daafira gatisinonke. Gatisinonkehu isootina, amme isinni hagiidhinona» yaanno.
Tenne giddoonni kayinni, Kaaliiqi maara'nera qixxaawe no. Kaaliiqi taashshanno Magano ikkino daafira, mararino'ne; kunnira Kaaliiqa hexxitannori ba'raadhinoreeti.
Kaaliiqa, mararinke! Ninke ate hexxineemmo. Barru baala agarinke! Qarru yannarano wodinke!
Ani kayinni Asoori moote su'minni woyyannohe coye kuleemmohe. Gulufa dandaanno manni hee'rihero 2,000 farado eemmohe.
Albasi Yaiqoobi mininni shawwu assiha ikkiro nafa, Kaaliiqa agadheemmo; isolla hexxeemmo.
Kaaliiqi hasidhannosiriranna, hexxitannosirira shaqqadoho.
Kaaliiqi, «Israeelete manni Kana"aanootu gede hexxinannikkiha ikkino; kaphu keenaasinchinni manna doganno.
Ani kayinni Kaaliiqa agadheemmo. Gatisaancho'ya Magano hexxeemmo. Isino macciishshannoe.
Ise labbaa beetto iltanno; isi mannasi cubbunni gatisanno daafira su'masi Yesuusa yite fushshatto» yiisi.
Ayihudete Aliidi Yoo Gaamo miili, mittu ayirradu manchi Armaatichu Yooseefi kae dayi. Isino Maganu Gashshooti daa galaalchanni hee'ranno manchooti. Ruxxi yiikkinni Philaaxoosiwa mare, Yesuusi reeshsha aannosi gede huucci'ri.
Sokkaasinchu, «Maariyaami, Maganu albaanni ayirrinye afi'roottana waajjitooti!
Hatte yannara Yerusaalamete Simiooni yinannihu mittu manchi no. Isi Maganoho galino keeraanchooti. Israeelennita gatote hexxo agadhanni hee'rino; Qullaawu Ayyaanino ledosi no.
Gatisaanchimmakki ille'yanni afoommo;
Ikkollana Ayihudootu amaaleranna ganonsara dikarsamino. Isi Maganu gashshoote hexxotenni agadhanni noo manchooti.
Kalaqamu baalu, Maganu ooso la"ate quqquxame agadhe no.
Illete leellannokkire hexxinummoro kayinni, cincine agadhineemmo.
Ninke kayinni, Maganu Ayyaani amma'nate widoonni qole keeraanchimmate hexxo agadhineemmo gede assannonke.
Hattono Maganu reyotenni kayisinohunnita, daanno hanqinni gatisannonkehunnita, Beettisi Yesuusita gordunni daasi agadhitine heedhinoonnita farcidhanno.
