KALAQAMA 48:21 - Qullaawa Maxaafa

²¹ Hakkunni gedensaanni Yaiqoobi Yooseefira, «Kuneeti ani reyammoraati; Maganu kayinni ki'ne ledo hee're, galagalche annuwa'ne baatto massanno'ne.

KALAQAMA 48:21 ပူးပေါင်းရင်းမြစ်များ

KALAQAMA 12:5

Abiraami, galtesi Saarayinna rodiisi beetti Looxi Kaaraani heedhe afidhino jajjanna soqqamaasinensa baala adhite Kana"aani gobba hadhu. Kana"aani iillitu yannara,

KALAQAMA 15:14

Ani kayinni, insa borojje assi'ranno manna qorichisheemmo; hakkunni gedensaanni lowo jiro adhite hatte gobbanni fultanno.

KALAQAMA 15:16

Sirchikki kawiichira galagale higannohu 400 diri gedensaanniiti; hakkeeshsha keeshshitannohuno Amooraawoota cubbinsa bati'reenna qorichishe tenne gobbanni fushshe hunammo geeshshaati» yiisi.

KALAQAMA 26:3

Kawiicho hee'ri; anino ledokki hee'reemmo; maassi'reemmohe; tenne baatto baala ateranna sirchikkira eemmo; annikki Abirihaamira xaaroommo xaarono wonsheemmo.

KALAQAMA 28:15

Kune ani ledokki noommo; ha'ratto doogo baalate agareemmohe; galagalche tenne gobba higatto gedeno asseemmohe. Kuloommohere baala wonshammohe geeshsha diagureemmohe» yiisi.

KALAQAMA 37:1

Yaiqoobino annisi wosinchimma hee'rino gobbara Kana"aani hee'ri.

KALAQAMA 46:4

Ani Gibitse ledokki ha'reemmo; hakkiinnino qole sirchokki fushsheemmo; Yooseefino reyatto yannara amadannohe» yiisi.

KALAQAMA 47:29

Yaiqoobi reyanno yanna rakkinota afe beettosi Yooseefi woshshe, «Baxattoeha ikkiro giwooda'ya amadde, Gibitsete gobbara madaarattoekki gede taalu wodaninni xaarie.

KALAQAMA 50:24

Yooseefi roduuwisira, «Ani reyammoraatina, Maganu kayinni addintanni kaa'la'nera daanno; tenne baattonnino fushshe Abirihaamira, Yisihaaqiranna Yaiqoobira aansara xaarino baattono iillishanno'ne» yiinsa.

KALAQAMA 50:6

Ferioonino, «Xaarsiisinohe garinni annakki massite madaadhi» yiisi.

FAARSO 18:46

Kaaliiqi Heeshshonniho! Golo'ya ikkino Magani galatamo! Gatisannoe Magani ayirro!

LUQAASI 2:29

«Mooticha'ya, kuneeti oottoe hexxo wonshoottona, xaate ane borojjichokki keerunni geegiissie.

SOQQAMAASINETE LOOSO 13:36

Daawiti lubbotenni noo geeshsha Maganoho soqqamanni hee'rino. Hakkunni gedensaanni reenna annuwasiwa waammoonni; maalisi hakkiicho hoqino.

MARRO 30:3

Magani'ne Kaaliiqi mararanno'ne. Dagate mereero billaallisino'newiinnino galagalche gamba asse duroonsanno'ne.

MARRO 31:8

Albakkiinni ha'rannohu Kaaliiqaati. Isi ate ledo hee'ranno. Dicallachishannohena, horontanni yaaddooti; waajjitooti» yiisi.

LAYINKI XIMOOTEWOOSI 4:6

Ani kayinni kakkalamammora mule noommo; tenne gobba agure ha'reemmo yannano iillitino.

IBIRAAWOOTA 7:3

Melketsedeqira annunna ama, woy ilamate kiiro dinosi. Dirisirano hanafo, heeshshosirano gawalo dino. Kuni Melketsedeqi Maganu Beetti gede hegerera qeesicha ikke hee'ranno. Melketsedeqi Saalemi yinanni gobba mooteetinna ayirradu Magani kakkalaanchooti; kuni Melketsedeqi Abirihaami mootoolla qeele higi yannara doogo xaade maassi'rinosi.

IBIRAAWOOTA 7:8

Mitto widoonni tonnunni mitte anga haadhanno Lewaawooti reyitannoreeti; wole widoonni kayinni tonnunni mitte anga uyinannihu Melketsedeqi hee'rannota kulloonni.

IYYAASU 1:5

Ate Iyyaasu lubbotenni nootto geeshsha qeelannohehu ayino dihee'ranno. Ani Muse ledo hee'rummonte gede, ate ledono hee'reemmo. Wo'manka woyite ate ledo noommo; horontanni diagureemmohe.

IYYAASU 1:9

Ha'ratto darga baalaho ani Kaaliiqi Maganikki ledokki noommona, ‹Bashshi yitooti! Jawaati!› yee hajajummoheta habbooti. Horonta waajjitooti; hexxono mudhitooti» yee coyi'risi.

IYYAASU 23:14

«Kuneeti ani mannu aalo ikkeemmo yanna iillitinoe. Magani'ne Kaaliiqi uyino'ne hexxo garinni assino'neha dancha coye baalanka ki'ne mittu mittunku godowi'nenni seekkitine egentinoonni; isi uyino'ne hexxo giddonni mitteno gattukkinni baalanti wo'mitanno.

IYYAASU 3:7

Kaaliiqi Iyyaasura, «Techo barra ani alba'neenni asseemmo coyinni, Israeele baalanti ate jawu manchi gede assite ayirrissannohe gedenna Muse ledo hee'rummonte gede ate ledono noommota huwattanno gede asseemmo.

LAYINKI PHEEXIROOSI 1:14

Mootichinke Yesuusi Kiristoosi kulinoe garinni ikkiro, tenne gobbanni rahe baxxeemmota afoommo.