KALAQAMA 48:1 - Qullaawa Maxaafa

¹ Shiima yanna gedensaanni Yooseefira, «Annikki dhiwamino» yine kullisi; Yooseefino lamenta oososi Minaasenna Efireemi anga adhe Yaiqoobi la"ara mari.

KALAQAMA 48:1 ပူးပေါင်းရင်းမြစ်များ

KALAQAMA 46:20

Yooseefi ooso: Minaaseetinna Efireemiiti; insa Yooseefira Gibitsete gobbara Ooni Katami qeesichi Phoxifeera beetto Asenaati iltinosireeti.

KALAQAMA 48:2

Yaiqoobira, «Kuneeti beettikki Yooseefi dayino» yine kullisi; Yaiqoobino jawaate kae, daallasisi aana ofolli.

KALAQAMA 48:5

«Atewa daammora albaanni Gibitsete gobbara ilantinoheri lamenti oosokki anere ikkito; Efireeminna Minaase anera Roobeelinna Simiooni gedeere ikkitoe.

KALAQAMA 50:23

Efireemi oosonna oososi oosono afi; Minaase beetti Makiiri ooso, ilasi gede asse kiidhi.

LAYINKI MOOTOOLLA 13:14

Himanaanchu Elsai lowo geeshsha dhiwame reyara rahe hee'reenna, Israeelete moote Yoaasi la"asira daye, «Anna'ya! Anna'ya! Ati Israeelete mannira hexxonsaatinna wonqonsaati!» yaanni wi'lisi.

LAYINKI MOOTOOLLA 13:20

Elsai reenna madaarrisi. Hakka waro Moaabootu diru dirunkunni dagganni Israeele horritanno.

IYYOOBI 42:16

Hakkunni gedensaanni, Iyyoobi 140 diro hee'ri. Oososi oosono 4 ilama geeshsha afi.

FAARSO 128:6

Oosokki oosono afi! Israeeleteno keeru ikko!

YOHAANNISI 11:3

Lamenti roduuwi, «Mooticha, ati baxattohu dhiwamino» yee Yesuusiwa soqqi.

IBIRAAWOOTA 11:21

Yaiqoobi reyanno yanna iillituta, Yooseefi ooso maassi'rinohu amma'natenniiti. Siqqicho siqqi're hee're Magano magansi'rino.