KALAQAMA 47:12 - Qullaawa Maxaafa

¹² Yooseefino annisiranna roduuwisira, annisi mini manni baalunkura oosonsa batinyi garinni hasiisannonsa gide uyinsa.

KALAQAMA 47:12 ပူးပေါင်းရင်းမြစ်များ

KALAQAMA 45:10

anewa Geeseemi yinanni baattora hee'rattona, oosokki, oosokki ooso, ge'reewokki, me"ekki, wole saadakkinna noohere baalanka adhite amo.

KALAQAMA 45:11

Ontu hudete diri alba hige gate noona, atinna maatekki saadakkino hudidhannokki gede Geeseemi heedhinanna towateemmohena› yiino yitine kullesi?» yii.

KALAQAMA 45:7

Maganu baattote aana sircho gatiseemmo'ne gedenna lubbo'ne gattanno gede ki'nera alba asse soyinoe.

KALAQAMA 47:1

Yooseefino Feriooniwa mare, «Anni'yanna roduuwi'ya ge'reewonsa, me"ensa, saadansanna noonsare baalanka adhite Kana"aaninni dagge, Geeseemi no» yee kulisi.

KALAQAMA 47:21

Yooseefi qaccetenni qaccete geeshsha nooha Gibitsete manna baala Ferioonira borojje assi.

KALAQAMA 47:24

Gide gamba assidhinanni yannara, ontunni mitte anga Ferioonira uuyye; shoole anga kayinni wixaho, umi'nera, mini'ne manniranna ooso'nera sagalete wodhe» yiinsa.

KALAQAMA 50:21

Xaano ikkiro waajjitinoonte; ani ki'nenna ooso'ne itiseemmo» yee owaatu qaalinni coyi're wodana diggi assinsa.

FULO 20:12

«Magani'ne Kaaliiqi aanno'ne baatto aana diri'ne seedanno gede anna'nenna ama'ne ayirrisse.

ISAYAASI 22:24

Ikkollana minisi manninna fiixisi baalu ayirrite duha ikkitannosi. Mini uduunne baala suntanni dawe gede insa baalunku aanasi rarra'anno.

UMI TESELONQE 2:7

Kiristoosi soqqamaasine ikkankenni hasiisannonkere ki'newiinni adhineemmohu gatino. Ikkollana oosose seekkite towaxxitanno ama gede, giddo'ne kawajjotenni hee'noommo.

UMI XIMOOTEWOOSI 4:8

Manninate kaajjishi'rate rosi shiimarella kaa'lanno. Magano magansi'ra rosa kayinni xaarano dagganno heeshshorano hexxo noota ikkitino daafira, baalunkurira kaa'litanno.

UMI XIMOOTEWOOSI 5:4

Galte shiidhino manchora ooso woy oosote ooso heedhusero, hatti ooso balaxxe mininsa manni daafira diinaggaabbannorenna iltinonsariranna ahaahinonsarira galata qola rossinore ikka hasiissannonsa. Kuni Magano tashshi assanno coyeti.

UMI XIMOOTEWOOSI 5:8

Umisi fiixa, roorenka minisi manna kaa'lannokkihu, ammana agurinoho; ammaninokki manninni roore bushaho.

RUUTI 4:15

Beettikki beetto lowo geeshsha baxxannohe; lamala oosonni roortannoho; xa qolte heeshshokki haaroonasannohanna geedhimmakki yannara towatannoheha labbaa beetto iltinohe» yiise.