KALAQAMA 45:3 - Qullaawa Maxaafa

³ Yooseefi roduuwisira, «Ani Yooseefiiti; anni'ya xaa geeshsha lubbotenni nooni?» yiinsa. Roduuwisi kayinni masse jalli yite mittoreno coyi'ra hooggu.

KALAQAMA 45:3 ပူးပေါင်းရင်းမြစ်များ

KALAQAMA 37:20

xa amme shine mitte balera tunge, ‹Moyichu itino› yineemmona; haaqeesino marte fultannowa anfeemmona» yitu.

KALAQAMA 42:21

Qolteno mimmitinsara, «Ninkera eegamanna lubbosi qarrantanna la'nanni hee'nenni macciishsha gimbe, halaalintanni rodiinke aana sao assinoommo; kuni qarri amadinonkehu iseraati» yitu.

KALAQAMA 42:22

Roobeeli qole, «Beettu aana sao assitinoonte diyoommo'ne? Ani yoommota ki'ne kayinni dimacciishshitinoonni. Kuneeti xa mundeesi hassanni noonke» yiinsa.

KALAQAMA 43:27

Isino keere haa're kae, «Kultiniehu geerchu anni'ne keere no? Lubbotenni no?» yee xa'minsa.

IYYOOBI 23:15

Kunni daafira, iso lowo geeshsha waajjeemmo; isinni xaadeemmota hedeemmo woyite maseemmo.

IYYOOBI 4:5

Xa kayinni kuni coyi ate aana dayenna, cinca hoogootto; kuni coyi iilleennahe hexxo ba'inohe.

ZAKKAARIYAASI 12:10

«Daawiti sirchiranna gattinorira Yerusaalamete mannira mararrotenna huuccattote wodana qoleemmonsa; kunnira, qassinoha illetenni la'e, afi'rino mitto shii'rino manchi gede ikkite wi'litannosi; bayiru beetti reyinosi manchi gede hururante wi'litannosi.

MAARQOOSI 6:50

Baalunku iso affe, lowo geeshsha jajjartu. Isi hakkawoyintenni, «Galfatte! Aneetina waajjitinoonte» yiinsa.

LUQAASI 5:8

Simiooni Pheexiroosi tenne ikkito lae Yesuusi albaanni guluphe, «Mooticha, ani cubbaataamohona anewiinni ho'li» yiisi.

SOQQAMAASINETE LOOSO 7:13

Layinkimeeshsho Gibitse hadhu yannara Yooseefi roduuwisira isonoo egensiisino. Ayiddesino Ferioonira egensiisino.

SOQQAMAASINETE LOOSO 9:5

Saawulino, «Mooticha'ya, ati ayeti?» yii. Isino, «Xiiwattoehu ani Yesuusaati.

YOHAANNIS AJUUJA 1:7

Kuneeti, gomichunni daanni no! Qassusiri nafa gattukkinni, mannu baalu ille la"annosi; baattote aana noo manni baaluno, iso lae hururame wi'lanno. Yinoonnirino ikkanno. Hamii'ni!