KALAQAMA 42:22 - Qullaawa Maxaafa

²² Roobeeli qole, «Beettu aana sao assitinoonte diyoommo'ne? Ani yoommota ki'ne kayinni dimacciishshitinoonni. Kuneeti xa mundeesi hassanni noonke» yiinsa.

KALAQAMA 42:22 ပူးပေါင်းရင်းမြစ်များ

KALAQAMA 4:10

Kaaliiqi Qaayeelira, «Togo mayira assitto? Macciishshi; du'nantinoti rodiikki mundee rabbate baattotenni anewa higge raartanni no.

KALAQAMA 42:23

Wolu tiranna hasaawisinonsa daafira, Yooseefi qaalensa egenninoha dilawinonsa.

KALAQAMA 45:3

Yooseefi roduuwisira, «Ani Yooseefiiti; anni'ya xaa geeshsha lubbotenni nooni?» yiinsa. Roduuwisi kayinni masse jalli yite mittoreno coyi'ra hooggu.

KALAQAMA 50:15

Yooseefi roduuwi anninsa reyihu gedensaanni, «Miteekke Yooseefi xaa geeshsha koma amade noonkeha ikkiro, assinoommosi bunshe baalate bado qo'lanke ikka» yite yaaddu.

UMI MOOTOOLLA 2:32

Anni'ya Daawiti afikkinni beebbaataamo manna shiino daafira Kaaliiqi qorichishannosi. Iyoaabi isiwiinni woyyitannore beebbaataamma Israeelete olanto hajajannoha Abeneerinna Yihudu olanto hajajannoha Amaasa shiino.

UMI MOOTOOLLA 2:33

Konne manna shiino daafira, isira uyinanni qorichi isinna oososi aaninni kaoonke! Daawitira, minisiranna isi darga amadde mookkannorira sirchisira kayinni, hegerehu Kaaliiqi keeri ledonsa hee'ro!

LAYINKI DUDUWO 24:22

Iyoaasi Zakkaariyaasi anni Yoodahe assinosi galata hawe beettosi shii. Zakkaariyaasi reyanni hee're, «Assittoe beebbara Kaaliiqi yoohe» yiino.

FAARSO 9:12

manna shitannore rabbisanno Magani, qarraataamma qaaganno; raarensano macciishsha digiwanno.

HIZIQEELI 3:18

Bushu manchi cubbisinni kainohunni reyannota kuleemmosi yannara, reyotenni gatate bushu loosisinni higanno gede qorophisiisa hoogittosiro, isi cubbisinni reyanno. Isi reyora ate xa'meemmohe.

LUQAASI 23:41

Ninke assinoommo saora malinonke qoricha adhinoommo; kuni manchi kayinni mitte saono diassino» yee rufi.

SOQQAMAASINETE LOOSO 28:4

Maalta Giddicho manni buute Phaawuloosi anga aana qa'mite noota afe mimmitoho, «Kuni manchi halaalinta manna shiinoho. Baaru dambaliwiinni gate fulirono, halaaluwiinni gate fula didandiino» yii.

ROOMU SOKKA 2:15

Ikkitonsa Muse Seeri yaannore baala wodaninsara borreessinoonnita leellishshanno. Tii"insano farci'rannonsa; mito mito woyiteno hayi yaannonsa; mito woyite kayinni sumuu yaannonsa.

YOHAANNIS AJUUJA 13:10

Qafadamanno gede hendoonnihu qafadamanno; bagadunni reyanno gede hendoonnihu bagadunni reyanno. Hatto yaa, Maganu manni cincanna amma'na hasiissannosi yaate.

YOHAANNIS AJUUJA 16:9

Mannano iibbillu giiri. Tenne qoomamma aana roorre afi'rino Magani su'ma xontu. Cubbinsanni gaabbite higanna Maganoho ayirrinye aano gibbu.

UMI SAAMUEELI 19:4

Yoonaataani annisi Saaoolira Daawiti danchumma hasaawanni, «Ati soqqamaanchikki Daawitira busha maltooti; isi atera lowo danchumma assinota ikkinnina huninoheri dino.