KALAQAMA 4:7 - Qullaawa Maxaafa

⁷ Dancha assoottoha ikkoommero albikki xawanno; dancha assa hoogittoro kayinni cubbu waalchikkira rie agarannohe; hasattosino ate amadateeti; ati kayinni qeelattora hasiisannohe» yiisi.

KALAQAMA 4:7 ပူးပေါင်းရင်းမြစ်များ

KALAQAMA 19:21

Mittu sokkaasinchi, «Maahoyye yoottota haa'roommo; konne ati yaatto katama dihuneemmo.

KALAQAMA 3:16

Manchono, «Godowatta yannara, qarrakki lowo geeshsha batiseemmo; qarrunni ilatta; kuni ikke hee'reennanni, ayiddaannakki yora diaguratta; isino gashshannoheha ikkanno» yiise.

LAYINKI SAAMUEELI 24:23

Maganikki Kaaliiqi kakkalokki adhannohe gede halchanni konne baala ate mootichi'yara oommo» yii.

LAYINKI MOOTOOLLA 8:28

Akaaziyaasino Akiaabi beettira Iyoraamira ha'le Sooriyu moote Azaheeli qasate Geleaadira Raamooti Katama gaadi. Olu aana heedheenna Iyoraami madi'ri.

IYYOOBI 11:14

Cubbo loosa aguri; minekki sao heedhoonke.

IYYOOBI 11:15

Hatte yannara, halaalinta haxokki gotti yitanno; bashshi assittokkinni hee'ratto.

IYYOOBI 29:4

Maganu gamba yee nooe waro, mine'ya agareenna, baalunkuri wo'meennae qawaaxxi're hee'roommo.

IYYOOBI 42:8

Xa kunnira lamala boottanna lamala ge'reewu gocca haadhine, borojjichi'ya Iyyoobiwa marre. Shilqote kakkalono umi'nera shiqishshe; borojjichi'ya Iyyoobi ki'ne daafira huuccannona, anino hambe'ne daafira qorichisheemmo'nekki gede, huuccattosi macciishsheemmo. Ki'ne borojjichi'ya Iyyoobi gede ane daafira taalo coye dicoyidhinoonni» yii.

LAWISHSHA 18:5

Keeraanote halaali dawanno gede, cubbaataammaho golama didanchate.

LAWISHSHA 21:27

Cubbaataammu kakkalo battete; busha hedonni heedhe shiqishshanno woyite roore giwissanno.

ERMIYAASI 3:12

Xa aliyye widira ha're Israeelete mannira, «Ammanantinannikki Israeele, ane Kaaliiqiwa higge! Ani maaro batidhinoha ikkoommo daafira dihanqeemmo; ki'nera hegere geeshsha hanqoommo gedeenni dihee'reemmo.

ERMIYAASI 6:20

Ki'ne Yihudu manna! Saaba gobbanni hixaana, fafo gobbannino su'niitanno qimame abbitinoonnie; addi addi kakkalono kakkaltinoonnie; kuni anera ma assannoe? Konne abbitinoonnie afansha baala giwoommo.

MIKIYAASI 7:18

Cubbo agurannohu, gattinorira saonsa sayisi'rannohu, maaro aannohunna hegere baxille leellishate yee koma amadannokkihu ate gedee Magani nooni?

MILKIYAASI 1:10

Kakkalo'ya darga haafu kakkalo shilqishshinantenni, ki'ne giddonni Qullaawa Mine cufannohu mayi mittu hee'ra! Ki'nenni hagiidheemmokki daafira anera shiqishshinanni fushshaate diadheemmo.

MILKIYAASI 1:13

Qoltineno, ‹Kuni mayi qarraati!› yitinanni ceeggifattinoonni. Kakkalo'ya darga mishshinoonni. Kakkalote moorroonnita, dhiwantinotanna naaffino saada abbitinanni. Hattoo kakkalo ani Olantote Mootichi Kaaliiqi anga'nenni adheemmoha lawanno'neni?

MILKIYAASI 1:8

Ballitinota, dhiwatinotanna naaffino saada kakkalote shiqisha bunshe assitinoonniha dilabbanno'ne? Hattoo saada gashshaanchi'nera afansha assitine uyitinanniha ikkiro, hagiidhe adhanno'nehanna galatanno'neha lawanno'neni?» yii.

KIIRO 32:23

«Hakkunni ka'a kayinni Kaaliiqi aana sao assitinanni; assitinoonni cubbino amadanno'neta egenne.

SOQQAMAASINETE LOOSO 10:35

Aye gosano ikkiro Maganu waajjannosihanna dancha loosannoha baxanno.

ROOMU SOKKA 12:1

Xa roduuwa'ya, mannimma'ne lubbotenni noo kakkalo gede, Magano hagiirsiissannotanna qullaawa assitine shiqishshinara huucci'reemmo'ne. Hatto assa hasiissanno'nehu, Maganu maaro uyino'ne daafiraati. Magano magansi'nanniti halaalaancho doogo hattenneeti.

ROOMU SOKKA 14:18

Kunni garinni Kiristoosira soqqamanno manchi, Magano hagiirsiisannohonna mannuno galatannosiho.

ROOMU SOKKA 15:16

Maganu tenne elto uyinoehu Dancha Duduwo Dagate kulanni, qeesichu gede ikke Yesuusi Kiristoosira soqqamammoraati. Kunnira, Daga Qullaawu Ayyaaninni qullaawoota ikkite Magano hagiirsiissanno kakkalo ikkitanno gede assateeti.

ROOMU SOKKA 6:12

Kunnira, cubbu reyitanno mannimma'ne aana wolqa afi'raranna maalu yorto angara qola'nera wortine la'inoonte.

ROOMU SOKKA 6:16

Mittu manchira borojje ikkitine hajajantiniro, hakkunni hajajantinannisi manchi borojje ikkitinannita diaffinoonni? Cubboho hajajantiniro reyo abbanno cubbira borojje ikkitinanni; Maganoho hajajama kayinni keeraanchimma abbitanno'ne.

EFESOONI SOKKA 1:6

Baxannoha Beettosi calla uyinonketera ayirrado eltosi daafira Magano galanto!

UMI XIMOOTEWOOSI 5:4

Galte shiidhino manchora ooso woy oosote ooso heedhusero, hatti ooso balaxxe mininsa manni daafira diinaggaabbannorenna iltinonsariranna ahaahinonsarira galata qola rossinore ikka hasiissannonsa. Kuni Magano tashshi assanno coyeti.

IBIRAAWOOTA 11:4

Aabeeli, Qaayeelita roortino kakkalo Maganoho shiqishinohu amma'natenniiti. Maganu Aabeeli kakkalo hagiidhe adhi yannara, Aabeeli amma'nasinni kainohunni keeraa'minota farci'noonni. Aabeeli reyirono, amma'nasi widoonni hige xaano coyi'ranni no.

YAIQOOBI 1:15

Hakkunni gedensaanni yorto godobbe cubbo iltanno; cubbu lophiro reyo qalanno.

UMI PHEEXIROOSI 2:5

Mootichu Yesuusiwa shiqqinannihuno, heeshshote kinna gede ayyaanaamo mine ikkitine minamateeti. Kunni garinni Yesuusi Kiristoosi widoonni tashshi assitannota ayyaanaame kakkalo Maganoho shiqishate qullaawa qeesoota ikke.