KALAQAMA 4:4 - Qullaawa Maxaafa

⁴ Abeeli qole ge'reewu giddonni umihanna coominoha kakkalo asse shiqishi; Kaaliiqi Abeelinna kakkalosi widira lae, shiqishi'rinore adhi.

KALAQAMA 4:4 ပူးပေါင်းရင်းမြစ်များ

KALAQAMA 15:17

Arrishsho e'eenna tunsihu gedensaanni, booso wiliilenna buwanno caabbichi lamewa beenki maali mereeroonni hige sai.

KALAQAMA 4:3

Mitto barra Qaayeeli loosi'rinohunni baattote laalchinni Kaaliiqira kakkalo shiqishi.

UMI MOOTOOLLA 18:24

Hakkunni gedensaanni Ba"aali himanaano maganinsawa higge woxarattona. Anino Kaaliiqi su'ma woshshi'reemmo; giiratenni dawaro qolannohu, Magano hakku ikko» yii. Mannu baalunkuno, «Yootto coye banxoommo» yee coyi'ri.

UMI MOOTOOLLA 18:38

Hakkunni gedensaanni Kaaliiqiwiinni giira dirrite kakkalo, haqqe, kinnanna bushshano itte, balete giddo noo waano mooshshitu.

UMI DUDUWO 21:26

Daawiti hakkiicho Kaaliiqira kakkalote darga seekke shilqonnitanna mittimmate kakkalo shiqishi. Kaaliiqano huucci'reenna kakkalo ittanno giira gordunni soye huuccattosira dawaro qolisi.

LAYINKI DUDUWO 7:1

Selemooni huuccattosi gudanni hee'reennanni gordunni giira dirrite shilqote kakkalonna wole kakkalo ittu. Kaaliiqihu ayirrinyu xawaabbino Mine wo'mi.

FAARSO 20:3

Fushshaatekki adhohe; shilqote kakkalokkinni hagiidhohe.

FULO 13:12

bayira beetto Kaaliiqira uyitinanni; saada'neti umi qallono Kaaliiqita ikkitanno.

LAWISHSHA 3:9

Jirokki aaninninna baattokkiha umi laalcho baala fushshaate assite aatenni Kaaliiqa ayirrisi.

ROSIISAANCHO 4:4

Qoleno mannu halchinore afi'rate daafure loosanno gara baala laoommo; mannu hatto ikkannohu olliichosi hinaasino daafiraati. Kunino haafaho; diilallo cu'mate gedeeti.

LEEWAAWOOTA 9:24

Kaaliiqi hedeweelcho giira soyenna, kakkallanni darga nooha shilqote kakkalonna cooma baala ittu. Mannuno konne lae ilillisanni, umunni baatto kisanni Kaaliiqa ayirrisi.

KIIRO 16:15

Museno lowo geeshsha hanqe Kaaliiqira, «Kuni manni aannohe fushshaate adhitooti. Ani kunni manni giddonni mittono dimiicoommo; insawiinni wole agurranna harricho nafa diadhoommo» yii.

KIIRO 16:35

Giirano Kaaliiqiwiinni dirrite hixaana giiranni nooha 250 manna ittu.

KIIRO 18:12

«Israeele umi laalcho assite anera shiqishshannore fila ejersu zayite, fila haaro woyinete xajjenna gide baala ki'nera oommo'ne.

KIIRO 18:17

Umi qallo lalunnita, ge'reewunnitanna meunnita kayinni diwondanni; tini saada co'onta aneta ikkitinohura kakkalote shiqinshona. Mundeensano kakkalote uduunnichi aana dunnona. Coomansano anera su'naannoe gede assine giirate shilqinshona.

IBIRAAWOOTA 11:4

Aabeeli, Qaayeelita roortino kakkalo Maganoho shiqishinohu amma'natenniiti. Maganu Aabeeli kakkalo hagiidhe adhi yannara, Aabeeli amma'nasinni kainohunni keeraa'minota farci'noonni. Aabeeli reyirono, amma'nasi widoonni hige xaano coyi'ranni no.

IBIRAAWOOTA 9:22

Muse Seeri garinni shiima coye calla agurranna hakkuyi ka'i coyi baalu mundeetenni keeraa'manno. Mundee du'nantukkinni cubbunni dikeeraa'minanni.

YOHAANNIS AJUUJA 13:8

Kalqe kalaqantara albaanni, gorramino Ge'rechi maxaafi heeshshonnihu giddo su'mansa borreessinoonnikkiri, baattote aana heedhannori baalu moyicho magansidhanno.

EJJEETTO 6:21

Sokkaasinchuno amadino siqqo birxenni maalanna tima kisi. Kinchu giddonni giira fulte maalanna tima ittu. Hakkunni gedensaanni Kaaliiqi sokkaasinchi mulisinni ha'ri.

UMI SAAMUEELI 15:22

Saamueeli, «Kaaliiqi, hajajamantenni roore fushshaatenna kakkalo baxannoha lawannoheni? Hajajama kakkalotenni, macciishsha ge'rechu goci coominni roortanno.