KALAQAMA 4:14 - Qullaawa Maxaafa

¹⁴ kuneeti techo baattote aaninni shorroottoe; albikkinni ho'leemmo; baattote aana tultaawanna raataawoommoha ikkeemmo; afiehu baalu shaannoe» yiisi.

KALAQAMA 4:14 ပူးပေါင်းရင်းမြစ်များ

KALAQAMA 3:24

Manna shorrihu gedensaanni, Edeni Gennetete soojjaati ragaanni kirubeeli yinanni sokkaasinenna raga baala falaqqi yitanni giirate gede wala yitanno bise heeshshote haqqichowa massitanno doogo agartanno gede wori.

KALAQAMA 4:13

Qaayeeli Kaaliiqira, «Cubbi'ya qorichi duqqammora dandeemmokkihonna lowoho;

LAYINKI SAAMUEELI 14:7

Kune fiixu baalu aana'ya kae, ‹Rodiisi rabbara shineemmona hakkonne rodoosi shiinoha fushshi› yiinoe. Ragi'rannoehu nookkiha mulla gatissaeraati; gatinoha caabbicho'ya xoyissitaraati; ayiddaanni'ya su'mi hawamannokki gede assannohu hoogaeraati» yitusi.

FAARSO 109:10

Oososi minu nookkire huucci'raano ikkito; xa noo oninni nafa shorranto.

FAARSO 109:12

Mararannosi manni horonta hee'roonke; buxosi towatannohu hee'roonke.

FAARSO 143:7

Kaaliiqa'ya ballo, hexxo'ya baala ba'inona, keeshshittokkinni macciishshie; alba go'littoero, jeennaate dirritinori ledo karsama'yaati.

LAWISHSHA 14:32

Bushuullu bunshensanni ubbanno; keeraano kayinni reyote yannara nafa irkidhannowa afidhanno.

LAWISHSHA 28:1

Bushu manchi shorrinikkinni xooqanno; keeraanchu kayinni doobbiichu gede bashshi assikkinni hee'ranno.

ISAYAASI 8:22

Uulla hige la"anno woyiteno shetto, waajjishannohunna beeshshe amadanno tunsichi callu leellannonsa; insano beebbu tunsichira tugantanno.

ERMIYAASI 52:3

Kunnira, Kaaliiqi Yerusaalametenna Yihudu manna albisinni shorre huni. Moote Sedeqiyaasino Baabilooni moote Nabukadanatsoorira mokkookki.

HOOSEI 13:3

Kunninni kainohunni insa guto guunjo gede ikkite ba'anno; soodo loji gede ikkite giggiltanno. Ayiddummete aaninni hombobolatte fiite kayissanno kuri gede woy minu giddoonni higge fulte gooffanno wiliile gede ikkitanno.

LEEWAAWOOTA 26:17

Diinna'ne qeeltanno'ne gede badhe wodheemmo'ne; gibbinanniti diinna'ne gashshitanno'ne; waajjitinoonni daafira, shorrini'nekkinni xooqqinanni.

LEEWAAWOOTA 26:36

«Ki'ne giddonni gatte diinna'ne gobbara heedhannorira masille soyemmonsa; milli yaanno darchi dammassannonsa; shorrannonsahu nookkiha bagado xooqqannori gede ikkite xooqqanni ubbanno.

KIIRO 35:19

Hakkonne mancho reyinohura fiixa ikkannohu shaa hasiissannosi. Illesira xaadi yannara shoona.

KIIRO 35:21

woy afanni hee're angatenni ganeenna reyiro, isono shinona. Manna shiino daafira shinoonnihura fiixa ikkannohu illetenni xaadi yannara shaa hasiissannosi.

KIIRO 35:27

rabbisanno manchi afiro shaasira dandaanno; shaasirano dixa'mamanno.

MAATEWOOSI 25:41

«Hakkunni gedensaanni guraanni noorirano, ‹Ki'ne rumantinoonniri! Anewiinni xeertidhe! Sheexaanehonna sokkaanosira qixxeessinoonnitewa hegere giirawa hadhe!

MAATEWOOSI 25:46

«Kunni daafira, ki'ne hegere qorrichiwa, keeraano kayinni hegere heeshshowa hadhanno» yiinsa.

MARRO 28:64

«Hakkiinnino Kaaliiqi gobbate qaccenni qaccete geeshsha gosa baalate mereero billaallisanno'ne. Hakkiicho ki'neno annuwa'neno affinoonnikkita haqqetenninna kinnatenni seekkinoonnita wole maganna magansidhinanni.

MARRO 28:65

Hattenne gosa mereero keere diafidhinanni. Ninkeho yitine fooliishshidhinanni dargi dihee'ranno'ne. Hakkiicho Kaaliiqi qarrissanno hedonna surre, hattono hexxo nookki wodana aanno'ne.

LAYINKI TESELONQE 1:9

Insa Mootichu albinninna wolqaataamu ayirrinyisiwiinni baxxite, hegere qoricha adhitanno.