KALAQAMA 39:3 - Qullaawa Maxaafa

³ Mootichisino Kaaliiqi Yooseefi ledo nootanna assiri baalu qiniinosita afe

KALAQAMA 39:3 ပူးပေါင်းရင်းမြစ်များ

KALAQAMA 21:20

Qaaqqu lophi geeshsha Maganu ledosi no; Ismaeeli halallitte gobbara Faaraani hee'rino; digaanunni ugaaxate egennaminoha ikkino. Amasino Gibitsete ilama ikkitino beetto haadhusi.

KALAQAMA 21:22

Hatte yannara Abemeleeki olantosi hajajaanchi Fiikooli ledo mare Abirihaamira, «Assatto coyi baalunkura Maganu ate ledo no.

KALAQAMA 21:23

Xa anera, ooso'yaranna ooso'ya oosora busha coye assattokki gede Maganu su'minni xaarie; qolteno, atera dancha assummohe gede, atino aneranna hee'ratto baattora dancha coye assattoe gede Maganu su'minni xaarie» yiisi.

KALAQAMA 26:24

Hakko hashsha Kaaliiqi Yisihaaqira leelle, «Ani annikki Abirihaami Maganooti; ani ate ledo noommona waajjitooti! Maassi'reemmohe; soqqamaanchi'ya Abirihaami daafira yee sirchokki batiseemmo» yiisi.

KALAQAMA 26:28

Insano, «Kaaliiqi ledokki noota seekkine anfoommo; kunnira ate ledo namoomme hee'rate gondooro e'nammora hendoommo; kunnira amo gondooro e'ne,

KALAQAMA 30:27

Laabano, «Kaaliiqi ate widoonni hige maassi'rinoeta kulotenni afoommona, ballo anewa hee'ri.

KALAQAMA 30:30

Ani daammora albaanni shiima saadalla noohe; techo kayinni lowo geeshsha batidhinohe; ane daanni Kaaliiqi maassi'rinohe; xaate ani mini'yara loosi'ra hasiissannoe» yiisi.

KALAQAMA 39:2

Kaaliiqi Yooseefi ledo noo daafira, heeshsho baala qiniitusi. Isino Gibitsaawichu mootichisi mine hee'ri.

KALAQAMA 39:21

Kaaliiqi ledosi hee're, bagamannokki baxillinni towatanni, usuru mini roorrichi albaanni gaacheena uyisi.

KALAQAMA 39:23

Usuru mini roorrichino Yooseefi anga noore mittoreno dila"anno. Kaaliiqi ledosi noo daafira, assannori baalu qiniisi.

LAYINKI MOOTOOLLA 18:7

Kaaliiqino ledosi noo daafira assiri baalu qiniinosi. Asoori mooterano hajajama giwe badhe wodhi.

UMI DUDUWO 22:13

Kaaliiqi Muse widoonni qole Israeelete uyino seera baala wonshittoro, baalunkuri qinaannohe. Jawaati; muratoottoha ikki; waajjitooti; hexxo mudhitooti!

UMI DUDUWO 9:20

Hakkunnira albaanni insa Aliaazaari beetti Finihaasi towatanno. Kaaliiqino ledosi no.

LAYINKI DUDUWO 1:1

Daawiti beetti moote Selemooni gashshootesi gudise angara qo'li. Maganisi Kaaliiqino ledosi hee're, lowo geeshsha maccaha assinosi.

LAYINKI DUDUWO 26:5

Zakkaariyaasi lubbotenni noo geeshsha, Kaaliiqa waajjanno gede amaalinosi daafira ammaname hee'rino. Ammanamatenni soqqami deerrinni Maganuno maassi'rinosi.

NEHIMIYA 2:20

Anino, «Gordu Magani loosonke qineessannonke; ninke isi soqqamaanooti; kunnira looso hananfeemmo. Ki'nera kayinni, Yerusaalamete gutu, doyichonna wogate karsi dino'ne» yee dawarummonsa.

FAARSO 1:3

Isino lolahanno wayi gama kaasante, gumaseno yanna yannantenni uyitanni, darchiseno giggilikkinni heedhanno haqqicho gedeeha ikkanno; assi'rannori baalu qinaannosi.

ZAKKAARIYAASI 8:23

Hakka waro, tonnu wole gobba manni mittu Yihudichiwa mare, uddanosi handaara amade, ‹Maganu ki'ne ledo noota macciishshinoommona, ninkeno ledo'ne ha'noni?› yite xa'midhanno» yii.

MAATEWOOSI 5:16

Mannu dancha looso'ne lae gordu Anna'ne galatanno gede, caabbichi'ne mannu albaanni xawo» yii.

UMI QORONTOOSI 16:2

Ani dayummohu gedensaanni fushshate kachaachammannikki gede, Sambatu Barra mittu mittunku noosi woxi aaninni afi'ri bikkinni kayise oona.

MARRO 2:7

Anga'nenni assitinoonni coyi baalunkura Magani'ne Kaaliiqi lowo atoote uyino'ne. Tenne hala'lado halallitte gobbara raataabbini yanna baalate towatanni agarino'ne. Kunni shoyilluu diri wo'mu giddo Kaaliiqi ki'ne ledo noo daafira, xeino'neri mitturino dino.

IYYAASU 1:9

Ha'ratto darga baalaho ani Kaaliiqi Maganikki ledokki noommona, ‹Bashshi yitooti! Jawaati!› yee hajajummoheta habbooti. Horonta waajjitooti; hexxono mudhitooti» yee coyi'risi.

YOHAANNIS AJUUJA 3:9

Ayihude ikkitukkinni, «Ninke Ayihudete» yitannori, Sheexaanu gaamo miilla ikkitino kaphaasine, albakkiinni dagge lekkakki hunda ubbe, ani baxoommoheta affanno gede asseemmo.

UMI SAAMUEELI 18:14

Kaaliiqi ledosi noo daafira assannori baalu qiniisi.

UMI SAAMUEELI 18:28

Saaooli, Kaaliiqi Daawiti ledo nootanna Melkoolino baxxinosita afe,

UMI SAAMUEELI 3:19

Saamueeli lophe lowoha ikki. Kaaliiqino ledosi noo daafira, coyi'ranno qaali mittuno uulla diuwanno.