KALAQAMA 38:14 - Qullaawa Maxaafa

¹⁴ Kunnira, Taamaari gunnimmate uddano soorridhe alba uddanotenni diphite Temina massitanno doogo gama Enayimi Katama e'nanniwa marte ofoltu. Hatto assitinohu Sheela adhate iille hee'reennanni Yihudi adhannota hasi'rinokkita affinohuraati.

KALAQAMA 38:14 ပူးပေါင်းရင်းမြစ်များ

KALAQAMA 24:65

«Kuu"u xawoho ninkewa hige daanni noohu ayeti?» yite Abirihaami soqqamaancho xa'mitu. Isino, «Mooticha'yaati» yee dawarise. Ribiqano rakke uddanotenni umo guggu'litu.

KALAQAMA 38:15

Alba uddanotenni diphite noo daafira, Yihudi afi yannara foortanno mancho labbusi.

KALAQAMA 38:19

Hakkiinnino ka'e hadhe, uddano albisenni hoo'lite gunnimmate uddano uddidhu.

KALAQAMA 38:26

Yihudino uduunnu umisiha ikkinota afe, «Beettiya Sheela adhannosekki gede hooloommo daafira, so'ro anete; ise halaalaanchotena agurrese» yii. Isino hakkunni ka'a ise ledo digalino.

LAWISHSHA 7:10

Hakkunni gedensaanni hatti mancho isinni xaaddara fultu. Imaaniseno foora mancho ikkase leellishannoho; manna so'risiissanno hedo noose.

LAWISHSHA 7:12

Manna woshshaadate mito woyite doogo, mito woyite gudumaaleho, madde baalate uurrite agartanno.

ERMIYAASI 3:2

Hanni hakka gaaru widira qolte lai; kaphu magannakki ledo fooroottakki dargi nooni? Mulqi'rara dubboho maaxame agaranno addi-fuli gede, atino doogote gama ofolte ellase agadhitanno mancho gede bunshekkinninna ammanama hoogakkinni baatto batteessootta.

HIZIQEELI 16:25

Kunni garinni jajjabba doogga gama kaphu maganna magansi'nanni darguwa qixxeessidhe atenee shollishootta; dayi baalira manninatekki sayisse ootta; barru barrunkunni foorrekki batisootta.