KALAQAMA 37:9 - Qullaawa Maxaafa

⁹ Qoleno wole haaqee haaqii're roduuwisira, «Kuneeti wole haaqeeno haaqii'roommo; arrishsho, aganunna 11 beeddahe umonsa heeshshi assite ayirrissannae afoommo» yee kulinsa.

KALAQAMA 37:9 ပူးပေါင်းရင်းမြစ်များ

KALAQAMA 20:3

Ikkollana kayinni mitto hashsha Maganu haaqeetenni Abemeleekira leelle, «Tini mancho ayiddaanna afidhinota ikkitinohura ise adhakkira ateri geeshshaho» yiisi.

KALAQAMA 37:10

Roduuwisira kulino haaqee annisirano kulisi. Annisino, «Tini haaqii'rootto haaqee mayinnite? Halaalinta aninna amakki roduuwikkino umonke heeshshi assine ate ayirrinsammohera hedootto?» yee rufisi.

KALAQAMA 37:7

Ninke gate qamade minde nadala nadala assine usurranni hee'neenna, ane nadala hossi yite uurritu; ki'neri kayinni aneta ayirrise doyisse uurre umo heeshshi yee kumbuulino» yiinsa.

KALAQAMA 37:8

Roduuwisino, «Ninkera roorricha ikkite aananke moohattora hedootto?» yitusi. Haaqeesinninna coyisinni kainohunni ledde gibbusi.

KALAQAMA 41:25

Yooseefino Ferioonira, «Lamente haaqee tiro mittete; Maganu assara hedinore kulinohe.

KALAQAMA 41:32

Atera haaqee lamu daninni leeltinohehu, kuni coyi Maganu yiinohanna mulenni wo'mannoha ikkino daafiraati.

KALAQAMA 42:6

Hatte yannara Yooseefi gobba gashshe no; gobba baalatenni daanno mannira gide hirannohuno isooti. Yooseefi roduuwino hakkiira iillite uminsanni baatto kissanni iso keere haadhusi.

KALAQAMA 43:26

Yooseefi minisira dayita, angansa noo afansha uyitusi; albinsanni baatto kissanni heeshshi yite keere haadhusi.

KALAQAMA 43:28

Insano, «Soqqamaanchikki anninke keerella no» yite, ayirrisse umo heeshshi yitu.

KALAQAMA 44:14

Yihudino roduuwisi ledo Yooseefiwa ei; e'anno woyite Yooseefi wona darginni dikaino; insano baattote aana diriirte ubbu.

KALAQAMA 44:19

Mootichi'ya ati ninke soqqamaanokki, ‹Annu woy roduu noo'neni?› yite xa'mittonke yannara,

KALAQAMA 45:9

Xa rakkine anni'yawa hadhine, ‹Beettikki Yooseefi, Maganu wo'ma Gibitsete gashshaancho assinoe; kunnira keeshshittokkinni rakke anewa amo;

KALAQAMA 46:29

Yooseefi annisi ledo xaadara faradi gaare gulufe hakkiira mari; Yooseefi annisi ledo xaade goowisira marmarame lowo yanna wi'li.

KALAQAMA 47:12

Yooseefino annisiranna roduuwisira, annisi mini manni baalunkura oosonsa batinyi garinni hasiisannonsa gide uyinsa.

DAANIEELI 8:10

Gordu olantonna beeddahe iilla geeshsha jawaate lophi. Insa giddonnino gamisa dirrise baattote aana kakkadi.

KIIRO 12:6

Kaaliiqi, «Ani yeemmore macciishshe. «Kaaliiqi himanaanchi giddo'ne hee'riro, ajuujatenni leelleemmosi; haaqeetennino coyi'reemmosi.

FILIPHISIYUSI SOKKA 2:15

Hatto ikkiro, bushanna shokkashsho ilama mereero saalsiisannorinna mishiishannori nookkiha fayyaaleeyye Maganu ooso ikkitine gobba baalate aana beeddahimma xabbinanni.