KALAQAMA 37:8 - Qullaawa Maxaafa

⁸ Roduuwisino, «Ninkera roorricha ikkite aananke moohattora hedootto?» yitusi. Haaqeesinninna coyisinni kainohunni ledde gibbusi.

KALAQAMA 37:8 ပူးပေါင်းရင်းမြစ်များ

KALAQAMA 27:41

Annisi maassi'rinosi daafira Eesawu Yaiqoobi murci're giwi; wodanisinnino, «Anni'ya muli barra reyanno; hakkunni gedensaanni rodoo'ya Yaiqoobi sheemmo» yee hedi.

KALAQAMA 37:4

Roduuwisi anninsa insanni roorse baxannosita affe gibbusi; garunnino dicoyidhannosi.

KALAQAMA 37:9

Qoleno wole haaqee haaqii're roduuwisira, «Kuneeti wole haaqeeno haaqii'roommo; arrishsho, aganunna 11 beeddahe umonsa heeshshi assite ayirrissannae afoommo» yee kulinsa.

KALAQAMA 42:10

Insa kayinni, «Mootichanke, ninke hattoore di"ikkinoommo; ninke soqqamaanokki gide hidhinammoralla dangoommo.

KALAQAMA 44:18

Yihudino isiwa shiqqi yee, «Mooticha'ya ballo, ani soqqamaanchikki mitto coye calla coyi'reemmona macciishshie; ati Feriooni gedeeha ikkittorono, ane soqqamaanchikkira hanqitootie.

KALAQAMA 49:26

Albinni kayisse kaajjite heedhanno ilaallanninna, hegerera heedhanno gaarranni afi'nanni maasso baalantenni, ane annikki maasso roortanno. Tini baalanti maasso ate Yooseefi umi aanaanni daaddo. Roduuwikki mereero roorricha ikkoottohu albi aana lolakko.

KALAQAMA 50:18

Hakkunni gedensaanni, roduuwisi saonsa agurannonsa gede dagge albasiinni gombisante, «Kuneeti ninke ate borojjeeti» yite eegantu.

FAARSO 118:22

Mine mintannori mishshe agurtino kinchi, wo'munkura umo ikkino.

FULO 2:14

Manchuno, «Ninkera roorrichanna yoo yaattoha asse worinohehu ayeti? Woy Gibitsicha shiitto gede aneno shaattoera hasi'roo?» yiisi. Museno lowo geeshsha waajje, «Hada assoommore mannu afe kaino» yee hedi.

LUQAASI 19:14

Gobbasi manni kayinni giwannosi daafira, ‹Kunni manchi ninkera moote ikkara dihasi'neemmo› yite, isi ha'rihu gedensaanni manna sokku.

LUQAASI 20:17

Yesuusi insa widira hige lae, « ‹Mine mintannori mishshe agurtino kinchi, mineho dhaawa ikkino› yine borreessinoonnihu mayira lawanno'ne?

SOQQAMAASINETE LOOSO 7:35

«Israeelete manni Muse, ‹Ate ninke aana gashshaanchonna yoo yaattoha assihehu ayeti?› yite gibbinosi. Maganu kayinni hakko Musenni citi giddo leellisi sokkaasinchi widoonni qole gashshaanchonna wolassannoha asse insawa soyino.

MARRO 33:16

Buwanni noo citi giddo hee're coyi'rinohunniti, Kaaliiqiwiinni dagganno maasso, baatto'nera danchu coyi baalu wo'manno gede assito. Yooseefi roduuwisira roorricha ikkino daafira, tini maasso baala isi ga'rera ikkito.

IBIRAAWOOTA 10:29

Maganu Beetto mishinohu, keereensitinosita gondooru mundee battete gede asse kiirinohura, eltote Ayyaana xoninohura, mageeshshi geeshsha roore qoricha adha ikka!

UMI SAAMUEELI 10:27

Mitu mitu garimalooti kayinni, «Kuni manchi hiitto asse gatisannonke?» yite mishshinosi daafira afanshano diuyitinosi. Saaooli kayinni cuqqi diyiino.

UMI SAAMUEELI 17:28

Bayiriidi rodiisi Eeliyaabi, Daawiti mannu ledo hasaawanni noota afe lowo geeshsha hanqe, «Konniicho ma"assitanni nootto? Hakkonne ge'reewo halalla ayera agurte dayotto? Naaxxakkinna wodanikki bunshe afoommo; dayottohu ola la"attoraatillana» yiisi.

UMI SAAMUEELI 18:8

Saaooli yinoonnita baxinokki daafira lowo geeshsha hanqi. Kunnira, « ‹Daawiti tonne kume shiino!› ane kayinni, ‹Mitto kume calla shiino!› yiina, tenne ane darga dimoohisalla gattinonsa?» yii.