KALAQAMA 37:10 - Qullaawa Maxaafa

¹⁰ Roduuwisira kulino haaqee annisirano kulisi. Annisino, «Tini haaqii'rootto haaqee mayinnite? Halaalinta aninna amakki roduuwikkino umonke heeshshi assine ate ayirrinsammohera hedootto?» yee rufisi.

KALAQAMA 37:10 ပူးပေါင်းရင်းမြစ်များ

KALAQAMA 27:29

Atera daga kumbuultohe; gosa soqqantohe; roduuwikki baalunkura roorricha ikki; amakki oosono kumbuultohe; runtannoheri rumantinore ikkito; maassidhannoheri maassantinore ikkito» yii.

KALAQAMA 37:7

Ninke gate qamade minde nadala nadala assine usurranni hee'neenna, ane nadala hossi yite uurritu; ki'neri kayinni aneta ayirrise doyisse uurre umo heeshshi yee kumbuulino» yiinsa.

KALAQAMA 37:9

Qoleno wole haaqee haaqii're roduuwisira, «Kuneeti wole haaqeeno haaqii'roommo; arrishsho, aganunna 11 beeddahe umonsa heeshshi assite ayirrissannae afoommo» yee kulinsa.

KALAQAMA 43:26

Yooseefi minisira dayita, angansa noo afansha uyitusi; albinsanni baatto kissanni heeshshi yite keere haadhusi.

KALAQAMA 43:28

Insano, «Soqqamaanchikki anninke keerella no» yite, ayirrisse umo heeshshi yitu.

KALAQAMA 44:14

Yihudino roduuwisi ledo Yooseefiwa ei; e'anno woyite Yooseefi wona darginni dikaino; insano baattote aana diriirte ubbu.

ISAYAASI 60:14

Gadadissannoheri ooso atewa dagganno yannara, umo heeshshi yite ayirrissannohe. Mishshinoheri baalu lekkakki hunda guluphitanno; ateno, ‹Israeelete Qullaawa ikkinohunnihu Kaaliiqi Katami Tsiyooni› yitannohe.