KALAQAMA 31:54 - Qullaawa Maxaafa

⁵⁴ Ilaalu aanano kakkalo kakkale, fiixasi kakkalote sagale itanno gede woshshi. Insano dagge sagale itte ka'e, hakko ilaalaho galtu.

KALAQAMA 31:54 ပူးပေါင်းရင်းမြစ်များ

KALAQAMA 21:8

Qaaqquno lophe unuuna qana aguri; qaaqqoho unuuna hoollisi barra Abirihaami lowo jila jili.

KALAQAMA 26:30

Hakkunni gedensaanni, Yisihaaqi jila jileennansa itte aggu.

KALAQAMA 37:25

Hakkunni gedensaanni sagale ittara ofoltu; ittanni heedhe xeertote Ismaeelete daddalaasine Gibitse hadhara Geleaadinni dagganna affu; insano gaallansara shitto, hixaananna kaarbe hogophite no.

FULO 18:12

Hakkunni gedensaanni, Yootoori shilqote kakkalonna wole kakkalono Maganoho qixxeessi. Aarooninna Israeelete geerri baalunku Maganu albaanni Yootoori ledo sagale ittara gamba yitu.

HIZIQEELI 44:3

Ikkirono, gosate gashshaanni kakkalote sagale itate hakkiicho ofollara dandaanno. E'nanniwa noo kifile widoonni hige eanna fula dandaanno» yiie.

UMI SAAMUEELI 9:12

Seennuno, «Ee; hakkuneeti alba'neenni noona rakkine iille. Mannu gaaru aana kakkalo shiqishi'ranno daafira, katamanke techolla dayino.