KALAQAMA 30:14 - Qullaawa Maxaafa

¹⁴ Roobeeli qamade mindanni aganira loonsanniwa mare, Inkoye yinanni haqqi laalo afi're, amasi Liyara abbe uyise. Raaheelino Liyara, «Beettikki abbiheta inkoyete laalo uyie» yituse.

KALAQAMA 30:14 ပူးပေါင်းရင်းမြစ်များ

KALAQAMA 25:30

«Hude shituena rakke tenne duume woxi iteemmona uyie» yiisi. Su'masi Edoomi yinoonnihu kunni daafiraati.

KALAQAMA 30:15

Iseno, «Ayiddaanna'ya adhoottati ajjeennahe, qolte xaano beetti'ya abbinoe inkoye adhattara kaitta?» yituse. Raaheelino, «Inkoyete laalo uyittaero techo hashsha Yaiqoobi ate ledo galara dandaanno» yituse.

KALAQAMA 30:16

Hatte hawarro Yaiqoobi loosuwiinni higanni hee'reennanni Liya fulte, «Beetti'ya inkoyenni baaxxoommahe daafira, techo anewa galatto» yitusi. Isino hakko hashsha ise ledo gali.

FAARSO ROORE FAARSO 7:13

Inkoyete laalo su'niillinna, baxissannoti addi addi laalo qaenkera wo'mite no. Baxillaancho'ya, hatte laalo giddonni, le'inotanna mule xinqinoonnita atera wodhoommahe.

HIZIQEELI 48:25

Yisaakoori ga're, soojjaatinni galchimi geeshsha Simiooni baattora aane wodiidoonni nooha mitto qeecha afidhino.