KALAQAMA 3:23 - Qullaawa Maxaafa

²³ Kunnira, Kaaliiqi Maganu manna Edeni Gennetete darginni fushshi; kalaqamino baatto loose shaqqishanno gede assisi.

KALAQAMA 3:23 ပူးပေါင်းရင်းမြစ်များ

KALAQAMA 2:5

Xeena ganinokki daafira, baattote aana mitturichi nafa dimu'rino. Baatto loosanno mannino nookkihura, baattote aana mittu haqqino difulino; mu'rinorino dino.

KALAQAMA 2:7

Kaaliiqi Maganu baattote aaninni bushsha haa're, manna bushshunni seekki; sanosirano lubbo aanno foole ufuufi; mannuno lubbo noosi kalaqama ikki.

KALAQAMA 2:8

Kaaliiqi Maganu soojjaati ragaanni Edeni Genneti yinanni darga qixxeessi; kalaqino mannano hakkiicho hee'ranno gede wori.

KALAQAMA 3:19

Dayotto baatto higatto geeshsha sagale hunkiikkinni itatto; ati bushshahona, galagalte bushsha higatto» yiisi.

KALAQAMA 3:22

Kaaliiqi Maganu, «Kuneeti mannu bushanna dancha bade afate ninke giddonni mittu gedeeha ikkino; xaano heeshshote haqqicho laalo adhe ite, hegerera heeshshonniha ikke hee'ra dihasiissannosi» yii.

KALAQAMA 3:24

Manna shorrihu gedensaanni, Edeni Gennetete soojjaati ragaanni kirubeeli yinanni sokkaasinenna raga baala falaqqi yitanni giirate gede wala yitanno bise heeshshote haqqichowa massitanno doogo agartanno gede wori.

KALAQAMA 4:12

Baatto loosi'ratto yannara mitto laalchono diuyitannohe; baattote aana tultaawanna raataawattoha ikkatto» yiisi.

KALAQAMA 4:2

Aanchite rodoosi Abeeli iltu. Abeeli ge'reewo allaalannoho; Qaayeeli baatto loosi'rannoho.

KALAQAMA 9:20

Nohi baatto loosi'rannoha ikkinohura woyinete haqqe kaasi'ri;

ROSIISAANCHO 5:9

Moote nafa baatto loonse gamba assinoonni jajjinni hee'ranno.