KALAQAMA 3:22 - Qullaawa Maxaafa

²² Kaaliiqi Maganu, «Kuneeti mannu bushanna dancha bade afate ninke giddonni mittu gedeeha ikkino; xaano heeshshote haqqicho laalo adhe ite, hegerera heeshshonniha ikke hee'ra dihasiissannosi» yii.

KALAQAMA 3:22 ပူးပေါင်းရင်းမြစ်များ

KALAQAMA 1:26

Hakkunni gedensaanni Maganu, «Manna daninkenninna suudinkenni kalanqo; mannuno baaru giddo hee'ranno qulxu'me, iima buubbanno cea, saadatenna baattote aana godowunni ha'ranno kalaqama, hattono baatto baala gashshona» yii.

KALAQAMA 2:9

Kaaliiqi Maganu illete biiffinota sagalimmate dancha ikkitinota addi addi haqqe mu'risi. Gennetete mereerono heeshsho uyitanno haqqicho no; danchanna busha badde leellishshannoti wole haqqichono no.

KALAQAMA 3:21

Kaaliiqi Maganu Addaamiranna Heewanira gogu uddano seekke uddisiisinsa.

KALAQAMA 3:23

Kunnira, Kaaliiqi Maganu manna Edeni Gennetete darginni fushshi; kalaqamino baatto loose shaqqishanno gede assisi.

KALAQAMA 3:5

Maganu hatto yiinohu, hattenne haqqicho laalo ittinanni barra ille'ne fa'nitannotanna isi gede danchanna busha baddine affinannire ikkitinannita afinohuraati» yiise.

FAARSO 22:26

Buxane duubba geeshsha ittanno; Kaaliiqa hasidhannori galattannosi; insa, heeshshonsa diri baalunkunni qawaaxxidhe heedho!

LAWISHSHA 3:18

Egenno heeshsho uyitanno; ise cu'mi'rinohu ba'raa'rinoho.

ERMIYAASI 22:23

Ati Libaanoosinni abbinoonni daguwinni minnoonni mine hee'rattohu, iltanno mancho amaddanno game gedeeti amaddannohe woyite, hiitto ikkite uratto ikka?

YOHAANNIS AJUUJA 2:7

« ‹Qullaawu Ayyaani beetekiristaannate yaannore macca noohu macciishsho. Qeelinohura Maganu qixxeessino gannatera noota heeshshote haqqicho laalo itara fajjeemmosi› yiino» yite borreessite soyi.

YOHAANNIS AJUUJA 22:14

Heeshshote haqqicho laalo itatenna waalchuwate widoonni hige katama ea dandiitanno gede, uddanonsa hayishshidhannori ba'raadhinoreeti.

YOHAANNIS AJUUJA 22:2

Kuni wayi katamunnita lowo doogo hige lolahanno. Waaho lamenka widoonni dirunni tonaa lame higge aganu aganunkunni laaltannoti heeshshote haqqicho no; haqqichote daro gosa hursitannote.