KALAQAMA 3:1 - Qullaawa Maxaafa

¹ Hamashshu Maganu kalaqino moyichi baalunkunni roore xagaraamoho; hamashshu manchote, «Halaalintanni Maganu Edeni Gennetete noo haqqe baalante laalo ittinannikki gede hoolino'neni?» yee xa'mise.

KALAQAMA 3:1 ပူးပေါင်းရင်းမြစ်များ

ROSIISAANCHO 4:10

Mittu uwiro mittu kayisanno. Uweenna kayisannosihu nookkihura aanne'e!

ISAYAASI 27:1

Hatte yannara Kaaliiqi kaajjado, jawanna wolqaataame bisesinni shalaalannohanna xaaxamannoha Lewaataani yinanni hamashsho qorichishanno; baaru giddo ga'ranno dhudhuufa shaanno.

MAATEWOOSI 10:16

Yesuusi, «Kuneeti ani ge'reewu gede hiyyeeyyete giddora soyemmo'ne. Kunni daafira hamashshu gede busuloota, lembooli gede joogaadda ikke.

MAATEWOOSI 4:3

Hatte yannara jifannohu Yesuusiwa daye, «Hanni ati Maganu Beettootiro, tini kinna timma ikkitanno gede hajaji!» yiisi.

MAATEWOOSI 4:6

«‹Lekkakki kinchu gane gawajjannohekki gede, angansa woroonni worte irkissahera, Maganu sokkaasinesi hajajannohe› yine borreessinoonnina, hanni ati Maganu Beetto ikkoottoro kawiichinni umokki eela qolte tugi!» yiisi.

MAATEWOOSI 4:9

«Anera kumbuulittoero konne baala eemmohe» yiisi.

LAYINKI QORONTOOSI 11:14

Kuni maala'linanni coye di"ikkino; Sheexaanu nafa xawaabbu sokkaasincho lawate isonoo soorranno.

LAYINKI QORONTOOSI 11:3

Hamashshu Heewani xagare so'risiisinte gede, miteekkite ki'ne hedono ba'eenna Kiristoosira noo'neta taalonna xalala ammanama'ne agurtinanni yee waajjeemmo.

UMI PHEEXIROOSI 3:7

Ki'ne labballuno meenti'ne ledo wodanchatenni heedhe; ki'nenni roore wolqiweelo kalaqama ikkinohuranna ki'ne ledo heeshshote elto ragi'ranno daafira ayirrissensa. Hakko garinni heedhiniro, huuccatto'ne macciishsha hoolannori dihee'ranno.

YOHAANNIS AJUUJA 12:15

Hakkunni gedensaanni hamashshu mancho lolahu adhe ha'ranno gede badheseenni qole lolahanno waa afiisinni tufi.

YOHAANNIS AJUUJA 12:9

Lowo dhudhuufi woro hige tugami; isi Daawuloosiiti woy Sheexaaneho yinannihu kalqe baala so'risiisannohu bi're albi hamashshooti. Iso uullara tungi; sokkaasinesino isi ledo tugantu.

YOHAANNIS AJUUJA 20:2

Dhudhuufano amade kume diro usuri. Kuni dhudhuufi Daawuloosi, woy Sheexaane yinannihu bi're albi hamashshooti.