KALAQAMA 28:4 - Qullaawa Maxaafa

⁴ Abirihaami maassi'rinte gede atenna sirchokki maassi'rohe; tenne Abirihaamira uyinotanna atino wosinchimma dagge hee'rootto gobba iqqa asse oohe» yiisi.

KALAQAMA 28:4 ပူးပေါင်းရင်းမြစ်များ

KALAQAMA 12:7

Kaaliiqi Abiraamira leelle, «Tenne baatto sirchikkira eemmohe» yiisi. Kunnira, Abiraami leellinosi Kaaliiqira hakko darga kakkalote darga seekki.

KALAQAMA 15:8

Abiraami kayinni, «Kaaliiqa Mooticha'ya! Tenne baatto ragi'reemmota mayinni afeemmo?» yee xa'mi.

KALAQAMA 27:33

Yisihaaqino lowo geeshsha mase huxi'ranni, «Ikkina, wona ayi ugaaxe abbinohalla itummo? Ati daattora mule heedheenna sagale ite maassi're kaoommo; maassono hakkunnita ikkite ka'ino» yiisi.

KALAQAMA 37:1

Yaiqoobino annisi wosinchimma hee'rino gobbara Kana"aani hee'ri.

UMI DUDUWO 29:15

Kaaliiqa'ya, akaakkanke baalante gede ninkeno tenne gobbara wosinchimma hee'neemmoreeti. Dirinke caalu gede mulenni sa"annoho; ninkeno reyinummokkinni diganteemmoreeti.

FAARSO 39:12

Kaaliiqa'ya ballo, huuccatto'ya macciishshi; raare'ya hidhi; wi'la'ya lashshi assite la'ooti; ani tenne gobbaha di"ikkoommo; annuwa'ya gede anino shiima yanna wosinchooti.

FAARSO 72:17

Su'misi hegerera maassaminoha ikko; su'misi arrishsho heedhanno geeshsha hee'ro; baattote aani daga baala isinni maassanto; daga baala, «Isi maassammoho» yitanno.

FULO 6:4

Manni gobba manni gede ikkite heedhinota Kana"aani gobba ragisiiseemmonsa gede hexxo oommonsa.

GALATIYU SOKKA 3:14

Kuni ikkinohu, Maganu Abirihaamira uyino maasso Kiristoosi Yesuusi widoonni dagate iillitanno gedeetinna Maganu aara coyi'rinoha Qullaawa Ayyaana amma'natenni adhineemmo gedeeti.

GALATIYU SOKKA 3:8

Maganu qaali, Maganu daga amma'nansanni keereensannota balaxe afino. Abirihaamirano, «Daga baala atewidoonni higge maassantanno» yee Dancha Duduwo balaxe kulino.

EFESOONI SOKKA 1:3

Gordu gobbara Kiristoosinni ayyaanaame maasso baala ee maassi'rinonkehu Mootichinke Yesuusi Kiristoosi Maganinna Anni galatamo!