KALAQAMA 27:29 - Qullaawa Maxaafa

²⁹ Atera daga kumbuultohe; gosa soqqantohe; roduuwikki baalunkura roorricha ikki; amakki oosono kumbuultohe; runtannoheri rumantinore ikkito; maassidhannoheri maassantinore ikkito» yii.

KALAQAMA 27:29 ပူးပေါင်းရင်းမြစ်များ

KALAQAMA 12:3

Maassidhannohere maassi'reemmo; runtannohere rumeemmo; baattote aana heedhanno daga baalanti ate widoonni higge maassantanno.

KALAQAMA 25:33

Yaiqoobino, «Hanni maahoyyena, ‹Bayirroonye oommohe› yite xaariexa» yiisi. Eesawuno bayirroonyesi xaare Yaiqoobira hire aguri.

KALAQAMA 27:30

Yisihaaqi maassi're kaisihu gedensaanni Yaiqoobi fule ha'ri; isi fulanni hee'reennanni, Eesawu ugaaxetewiinni dayi.

KALAQAMA 27:37

Yisihaaqi qole Eesawura, «Balaxe iso ate mooticha asse kaoommo; ayiddisi baalunku isira soqqamanno gede assoommo; gidunna woyine batidhannosi gede yoommo; beetto'ya hanni atera ma"assohe?» yii.

KALAQAMA 27:40

Bagadaancho ikkatto; rodiikkirano borojjicho ikkatto; giwittoro kayinni gadadishshisiwiinni fulatto» yiisi.

KALAQAMA 37:10

Roduuwisira kulino haaqee annisirano kulisi. Annisino, «Tini haaqii'rootto haaqee mayinnite? Halaalinta aninna amakki roduuwikkino umonke heeshshi assine ate ayirrinsammohera hedootto?» yee rufisi.

KALAQAMA 37:7

Ninke gate qamade minde nadala nadala assine usurranni hee'neenna, ane nadala hossi yite uurritu; ki'neri kayinni aneta ayirrise doyisse uurre umo heeshshi yee kumbuulino» yiinsa.

KALAQAMA 9:27

Maganu Yaafeeti baatto halashsho; Yaafeeti sirchi Seemi sirchi ledo mitteenni hee'ro; Kana"aani Yaafeeti borojjicho ikko» yii.

UMI MOOTOOLLA 22:47

Hatte yannara Edoomi gobbara moote dino. Kunnira Yihudu moote lekkasi asse worinohu gashshino.

UMI MOOTOOLLA 4:21

Selemooni Efiraaxisi Wayinni kayise, Filisxeemete gobba geeshsha, hakkiinnino sae Gibitsete danni geeshsha noo gobba baala gashshino. Tenne gobba baalantera hee'ranno manni Selemooni anga gale isi lubbotenni noo geeshsha isira gabbaranni hee'rino.

UMI DUDUWO 5:2

Ikkollana wo'munkunni roore jawaatunna ga're baalantera albisa ikkannohu Yihudu ga're giddonni fulanno.)

FAARSO 72:8

Baarunni kayise baaru geeshsha, Efiraaxisi Wayinni kayise baattote qacce geeshsha gashsho.

ISAYAASI 45:14

Kaaliiqi Israeelete, «Gibitsennitinna Itiyophiyu jiro ateta ikkitanno; hojjaameeyye Saaba manni daye ki'nera borojje ikkanno; anga uyite, ‹Maganu ki'newalla no; iso agurranna wolu magani dino› yitanno» yii.

ISAYAASI 49:23

Mootoolla annuwa ikkite lossitannonsa; mootete meentino amate gede awuutannonsa. Aterano borojju gede umo heeshshi yee kumbuule, lekkakki buko laaxanno; kunninni ani Kaaliiqa ikkoommota afatta; ane hexxitannori disaalfattanno» yii.

ISAYAASI 49:7

«Daga mishshinohehuranna gibbinohehura, gashshaanote soqqamaancho ikkoottohura atera, ani gatisaanchu Israeelete Qullaawi Kaaliiqi yeemmore macciishshi: Ani Maganikki Kaaliiqi assoommohere affe, mootoolla ate ayirrisse ofoltinowiinni ka'anno; gashshaanono ate ayirrisse umo heeshshi yitanno» yii.

ISAYAASI 60:12

Atera hajajantannokki gosanna, gashshootu baalu co'o yee ba"anno.

ISAYAASI 60:14

Gadadissannoheri ooso atewa dagganno yannara, umo heeshshi yite ayirrissannohe. Mishshinoheri baalu lekkakki hunda guluphitanno; ateno, ‹Israeelete Qullaawa ikkinohunnihu Kaaliiqi Katami Tsiyooni› yitannohe.

ISAYAASI 9:7

Wolqasira gawalo dino; gashshootisira hegere keeri wo'mino. Isino Daawiti mootimma amade, taashshe halaalunni gashshanno. Olantote Mootichi Kaaliiqi laala, konne coye assitanno.

KIIRO 23:8

Maganu ruminokkire, ani hiitto asse rumeemmo? Kaaliiqi xiiwinokkire, ani hiitto asse xiiweemmo?

KIIRO 24:18

Edoomi qeelamanno; Diinisi Seiirino isi angara higanno. Israeele kayinni qeeltino gedeenni heedhanno.

KIIRO 24:9

Tini gosa wolqaataamu doobbiichi gede ri'e agartanno; kisannonsahu ayeti? Maassi'rannonsahu maassamanno; rumannonsahu rumamanno!» yii.

MAATEWOOSI 25:40

«Mooteno, ‹Halaale kuleemmo'nena, kuri maa'nuullu roduuwi'ya giddonni mittoho nafa assitinoonnihu baalu anera assitinoonniho yaate› yee qolinsa.

MAATEWOOSI 25:45

«Mooteno, ‹Halaale kuleemmo'nena, kuri maa'nuullu roduuwi'ya giddonni mittoho nafa assitinoonnikkihu baalu anera assitinoonnikkiho yaate› yee qolannonsa.

ROOMU SOKKA 9:12

Maganu Ribiqara, «Bayiru maa'neho soqqamaancho ikkanno» yiinose.

YOHAANNIS AJUUJA 19:16

Uddanosinna giwoodisi aana, «Mootoollate Mootenna Mootoollete Mootichi» yinanni su'mi borreessame no.