KALAQAMA 26:4 - Qullaawa Maxaafa

⁴ Sirchokkino gordu beeddahe gede asse batiseemmo; tenne baatto baalano sirchikkira eemmo; baattote aana heedhanno gosa baala insanni maassantanno.

KALAQAMA 26:4 ပူးပေါင်းရင်းမြစ်များ

KALAQAMA 13:16

Sirchokki baattote shaafi gede asse batiseemmo; baattote shaafa kiira dandaannohu hee'riro, ate sirchono kiira dandiinanni.

KALAQAMA 15:18

Hakko barra Kaaliiqi Abiraami ledo gondooro eanni, «Gibitsete danninni lowohu Efiraaxisi Wayi geeshsha noo baatto sirchikkira eemmo.

KALAQAMA 15:5

Hakkiinnino gobbara haa're fushshesi, «Iima higge gordo lai; beeddahe kiirattora dandaattoha ikkiro kiiri; sirchikki hatto ikke bati'ranno» yiisi.

KALAQAMA 18:18

Abirihaamino halaalinta jawanna wolqaataame gosa ikkanno; gobbate aana noo manni baalu isi widoonni hige maassamanno.

KALAQAMA 26:24

Hakko hashsha Kaaliiqi Yisihaaqira leelle, «Ani annikki Abirihaami Maganooti; ani ate ledo noommona waajjitooti! Maassi'reemmohe; soqqamaanchi'ya Abirihaami daafira yee sirchokki batiseemmo» yiisi.

KALAQAMA 28:14

Sirchokkino baattote shaafi gede asse batiseemmo; soojjaatinna galchimi, aliyyenna wodiidi geeshsha hala'latto; daga baalano atenninna sirchikkinni maassantanno.

KALAQAMA 28:3

Wo'manka Dandaanno Magani maassi'rohe; lowo oosono oohe; lowo daga annano assohe.

KALAQAMA 35:12

Abirihaamiranna Yisihaaqira oommo baatto aterano eemmo; ate gedensaannino sirchikkira eemmo» yiisi.

KALAQAMA 47:27

Israeelootu Gibitsete gobbara Geeseemi heedhe, lowo jiro afidhu; ilanteno lowo geeshsha batidhu.

UMI DUDUWO 27:23

Kaaliiqi, «Israeelete manna gordu beeddahe gede asse batiseemmo» yee coyi'rino garinni moote Daawiti 20 diri woroonni noo manna kiirote giddora dieessino.

FAARSO 72:17

Su'misi hegerera maassaminoha ikko; su'misi arrishsho heedhanno geeshsha hee'ro; baattote aani daga baala isinni maassanto; daga baala, «Isi maassammoho» yitanno.

FULO 32:13

‹Sircho'ne gordu beeddahe gede batiseemmo; tenne kulummo'ne baatto baala sirchi'nera hegere iqqa asse eemmo› yite su'mikkinni xaarte soqqamaasinekkira Abirihaamira, Yisihaaqiranna Yaiqoobira oottonsa hexxo qaagi» yii.

FULO 6:4

Manni gobba manni gede ikkite heedhinota Kana"aani gobba ragisiiseemmonsa gede hexxo oommonsa.

SOQQAMAASINETE LOOSO 3:25

Ki'ne himanaanote ragi'raasineeti. Maganu Abirihaamira, ‹Baattote aana noo manni baalu sirchikkinni maassamanno› yee annuwankera eino gondoorono ragidhinanni.

GALATIYU SOKKA 3:16

Abirihaami sirchisira hexxo uyinoonnita afe, Maganu qaali lowo mannira coyi'noonnihu gede asse, «Sirchuwakkira» diyaanno. Mitto calla kullannihu gede, «Sirchikkira» yaanno. Hatto yinoonnihu Kiristoosaati.

GALATIYU SOKKA 3:8

Maganu qaali, Maganu daga amma'nansanni keereensannota balaxe afino. Abirihaamirano, «Daga baala atewidoonni higge maassantanno» yee Dancha Duduwo balaxe kulino.

MARRO 13:17

Kaaliiqi kaajjadu hanqisinni higanno gede, batte ikkinorichi giddonni mittore nafa adhitinoonte. Isino maarosi leellishanno'ne; mararanno'ne. Annuwa'nera uyino hexxo garinni kiiro'ne batisanno gede,

MARRO 9:5

Baattonsa martine ragidhinannihu keeraanchimma'nenni woy wodani'ne sumbenni kainohunni ikkikkinni, annuwa'nera Abirihaamira, Yisihaaqiranna Yaiqoobira aansara xaarino qaale wonshara Magani'ne Kaaliiqi tenne daga bunshensanni kainohunni albi'nenni shorrannohuraati.

IBIRAAWOOTA 11:2

Albi manna janjoonnihu amma'nansanni kainohunniiti.