KALAQAMA 25:6 - Qullaawa Maxaafa

⁶ Wolu meenti ilinosi oosorano lubbotenni hee're mitore uyinsahu gedensaanni wole ooso Yisihaaqiwiinni faffe soojjaato higge hadhe heedhanno gede assinsa.

KALAQAMA 25:6 ပူးပေါင်းရင်းမြစ်များ

KALAQAMA 21:14

Layinki soodo Abirihaami gute kae, shiima sagalenna waa maaqqete wonshe Aggaarara bayisiise qaaqqise ledo mininni fushshe ha'risise; iseno hakkiinni fulte Bersaabehi yinannitera molo baattora raataabbanni heedhu.

EJJEETTO 6:3

Israeele wixa wixidhanno yanna baalate Midiyaamootu, Amaaleqootunna wolootu soojjaati gosa dagge gobba horritu.

SOQQAMAASINETE LOOSO 14:17

Ikkollana shaqqado Magano ikkasi leellishannoha dancha looso loosa diagurino. Gordunni xeena soyanno'ne; gideno yannatenni aanno'ne; sagaletenninna hagiirrunni wodana kassi assanno'ne» yitu.

MAATEWOOSI 5:45

Hatto assitiniro gordoho hee'ranno Anni'nera oososi ikkitinanni. Isi bushuullehonna danchuulleho arrishsho fushshanno; keeraanotenna cubbaataammaho xeena gananno.

IYYOOBI 1:3

Afi'rino jirono 7,000 ge'reewooti, 3,000 gaalaati, 500 handate waaxaati, 500 harreeti; qolteno lowo soqqamaano noosi. Hatte yannara, jirotenninna jawaantetenni isi geeshsha ikkanno manchi soojjaati gobbara dino.

IYYOOBI 1:1

Uutsi yinanni gobbara mittu Iyyoobi yinanni manchi no. Iyyoobi bunshetewiinni fafe Magano waajjannohonna sao nookki keeraanchooti.

EJJEETTO 19:4

Beettote annino hakkiicho keeshshanno gede huuccisi; isino itanninna aganni 3 barra ledosi keeshshi.

KALAQAMA 35:22

Israeeli hattenne gobbara hee'ri yannara, Roobeeli mare annisira irkote galte Biliha ledo goxi; Israeelino konne coye macciishshi. Yaiqoobi ooso kiiro tonaa lameho.

KALAQAMA 32:22

Hakkonne hashshanni Yaiqoobi kae, lamenta meentosi, lamenta irkote meentosi, tonaa mitenta oososi adhe Yaabooqi waa widoonni fuli.

KALAQAMA 25:1

Abirihaami Kexura yinannita wole galte adhi.

KALAQAMA 16:3

Abiraamino Kana"aani Gobbara 10 diro hee'rihu gedensaanni, Saarayi Gibitsitte borojjichose Aggaara haadhe ayiddaannisera Abiraamira galte assite uyitusi.

KALAQAMA 30:9

Liyano ledde ila afidhannokkita affe, borojjichose Zilfa galte ikkitannosi gede Yaiqoobira uyitusi.

KALAQAMA 30:4

Borojjichoseno galte ikkitannosi gede uyitusi. Yaiqoobi iseno adhe galte assi'ri.

LAYINKI DUDUWO 11:21

Roobiaamira mitteenni 18 meentinna 60 irkote meenti noosi. Insano 28 labballonna 60 seenne ilino. Roobiaami baalunku meenti giddonni Maaka roorse baxanno.

KALAQAMA 29:1

Yaiqoobi kae soojjaati gobba ha'ri.