KALAQAMA 22:7 - Qullaawa Maxaafa

⁷ Yisihaaqi annasi Abirihaami, «Annaanna!» yee woshshi. «Annisino maaho beetto'ya?» yiisi. Yisihaaqino, «Kune giiranna haqqe noonke; kakkalote ikkanno ge'rechi hiikko nooyya?» yee xa'mi.

KALAQAMA 22:7 ပူးပေါင်းရင်းမြစ်များ

KALAQAMA 22:8

Abirihaamino, «Beetto'ya! Shilqote kakkalora ikkanno ge'recho Maganu qixxeessanno» yiisi. Lamunku mitteenni doogonsa hadhu.

KALAQAMA 8:20

Nohi Kaaliiqira kakkallanni darga seekki; maala intanni saadanna maala intanni cea baalante giddonni danu danunkunni mitto mitto haa're, shilqote kakkalo asse shiqishi.

FULO 12:3

Israeelete songo baalantera tenne woga rosiisse: Kuni agani eihunni tonnikki barra, mittu mittunku manchi minisi manni daafira, mitto ge'rechu woy meichu wilii'licho fushshona.

FULO 29:38

«Barru barrunkunni 2 mittu dirita ge'reewu gocca abbite kakkallanni darga kakkalatto.

MAATEWOOSI 26:39

Insawiinni alba hige shiqqi yee, uulla uwe, «Anna'ya, dandaamannoha ikkiro, kuni qarri anewiinni saona! Kayinnilla, ate hedo gede ikko ikkinnina ane hedo gede ikkoonke» yii.

MAATEWOOSI 26:42

Galagale Yesuusi layinkimeeshsho xeerti're ha're, «Anna'ya, kuni qarru finiinchi anewiinni sa"annokkiha ikkiro, ate hedo gede ikkona» yaanni huucci'ri.

YOHAANNISI 1:29

Layinki soodo Yohaannisi Yesuusi isiwa hige daanna afe, «Kune alamete cubbo haa're hoolannohu Maganu Wilii'lichi isooti» yii.

YOHAANNISI 1:36

Yohaannisi, Yesuusi hakkaanni hige sa"anna afe, «Maganu Wilii'lichi kuneeti» yii.

YOHAANNISI 18:11

Yesuusi kayinni, «Bisekki kou giddora qoli. Anni'ya uyinoehunni qarru finiinchinni ageemmokkiha lawinohe?» yii.

ROOMU SOKKA 8:15

Kunnira, «Anna Annaanna» yitine woshshidhinanniha oosichimmate Ayyaana adhitinoonni ikkinnina, galagaltine waajjatenni heedhinanni gede borojjimmate ayyaana diadhitinoonni.

YOHAANNIS AJUUJA 13:8

Kalqe kalaqantara albaanni, gorramino Ge'rechi maxaafi heeshshonnihu giddo su'mansa borreessinoonnikkiri, baattote aana heedhannori baalu moyicho magansidhanno.