KALAQAMA 22:18 - Qullaawa Maxaafa

¹⁸ Anera hajajamoottohura baattote aana noo manni baalunku sirchikkinni maassamanno» yiisi.

KALAQAMA 22:18 ပူးပေါင်းရင်းမြစ်များ

KALAQAMA 12:2

Wolqaataame gosa asseemmohe; maassi'reemmohe; su'makki egennaminoha asseemmo; wolootahono maasso ikkatto;

KALAQAMA 12:3

Maassidhannohere maassi'reemmo; runtannohere rumeemmo; baattote aana heedhanno daga baalanti ate widoonni higge maassantanno.

KALAQAMA 18:18

Abirihaamino halaalinta jawanna wolqaataame gosa ikkanno; gobbate aana noo manni baalu isi widoonni hige maassamanno.

KALAQAMA 18:19

Keeraanchimmanna sumbe assatenni Kaaliiqi doogo agadhitanno gede oososinna insa gedensaanni dagganno ilama baala rosiisara dooroommosi; hatto assituro, Abirihaamira coyi'roommo coye baalanka wonsheemmo» yii.

KALAQAMA 22:10

Abirihaamino beettosi gorrara billawa haa'ri.

KALAQAMA 22:3

Abirihaami soodo gute kae kakkalote ikkitanno haqqe boce, harrichoho hogowi; lame soqqamaanosinna beettosi Yisihaaqi anga adhe Maganu kulinosiwa ha'ri.

KALAQAMA 28:14

Sirchokkino baattote shaafi gede asse batiseemmo; soojjaatinna galchimi, aliyyenna wodiidi geeshsha hala'latto; daga baalano atenninna sirchikkinni maassantanno.

FAARSO 72:17

Su'misi hegerera maassaminoha ikko; su'misi arrishsho heedhanno geeshsha hee'ro; baattote aani daga baala isinni maassanto; daga baala, «Isi maassammoho» yitanno.

FULO 7:6

Musenna Aaroonino Kaaliiqi yiinonsare baala wonshitu.

ERMIYAASI 4:2

‹Heeshshote Magani halaaleeti› yitine halaalunni, taalotenninna sumbetenni xaartiniro, xaaro'ne garaho. Wole gosa baalantino galattannoe; maassi'reemmonsa gedeno huuccidhannoe» yaanno.

ERMIYAASI 7:23

Kayinnilla, ani Magano'ne ikkeemmo gedenna ki'neno manna'ya ikkitinanni gede ani yoommore macciishshe. Hajajoommo'ne gede ikkitiniro baalunku coyi qinaanno'ne yoommonsa.

MAATEWOOSI 1:1

Daawitinna Abirihaami sircho ikkinohu Yesuusi Kiristoositi ilamate kiiro aante noote.

SOQQAMAASINETE LOOSO 3:25

Ki'ne himanaanote ragi'raasineeti. Maganu Abirihaamira, ‹Baattote aana noo manni baalu sirchikkinni maassamanno› yee annuwankera eino gondoorono ragidhinanni.

ROOMU SOKKA 1:3

Kuni Danchu Duduwi Maganu Beetti mannimmate danisinni, Daawiti sirchinni ilaminota kulanno.

GALATIYU SOKKA 3:16

Abirihaami sirchisira hexxo uyinoonnita afe, Maganu qaali lowo mannira coyi'noonnihu gede asse, «Sirchuwakkira» diyaanno. Mitto calla kullannihu gede, «Sirchikkira» yaanno. Hatto yinoonnihu Kiristoosaati.

GALATIYU SOKKA 3:18

Maganu afansha Seera agadhatenni afi'nanniha ikkoommero, Maganu aanno hexxo agadha dihasiissanno. Maganu kayinni Abirihaamira afansha uyinohu hexxote qaali widoonniiti.

EFESOONI SOKKA 1:3

Gordu gobbara Kiristoosinni ayyaanaame maasso baala ee maassi'rinonkehu Mootichinke Yesuusi Kiristoosi Maganinna Anni galatamo!

UMI SAAMUEELI 2:30

« ‹Ani Israeelete Magani Kaaliiqi, minikkinna ilamakki hegerera soqqantannoe yee hexxoommo. Xa kayinni dihasi'reemmo'ne. Ani ayirrissannoere ayirriseemmo; mishshannoerino mishantanno.