KALAQAMA 22:1 - Qullaawa Maxaafa

¹ Hakkunni gedensaanni, Maganu Abirihaami jife laisi. Qoleno, «Abirihaami!» yee woshshisi; isino, «Mooticha'ya macciishsheemmona coyi'ri» yee dawari.

KALAQAMA 22:1 ပူးပေါင်းရင်းမြစ်များ

KALAQAMA 15:1

Hakkunni gedensaanni Kaaliiqi Abiraamira ajuujatenni, «Abiraami! Waajjitooti; wonqo ikke dano baalantenni agareemmohe; lowo maassono eemmohe» yaanna macciishshi.

KALAQAMA 21:11

Ismaeelino beettosi ikkino daafira kuni coyi Abirihaami lowo geeshsha qarrisisi.

KALAQAMA 22:11

Billawa haa're hee'reenna, Kaaliiqi sokkaasinchi gordoho hee're, «Abirihaami! Abirihaami!» yee woshshisi. Isino, «Mooticha'ya macciishsheemmona coyi'ri» yii.

KALAQAMA 22:7

Yisihaaqi annasi Abirihaami, «Annaanna!» yee woshshi. «Annisino maaho beetto'ya?» yiisi. Yisihaaqino, «Kune giiranna haqqe noonke; kakkalote ikkanno ge'rechi hiikko nooyya?» yee xa'mi.

KALAQAMA 37:13

Israeeli Yooseefira, «Roduuwikki Sekeemi ge'reewonna me"e allaaltanni no; insawa soyemmohena amo ha'ri» yiisi. Yooseefino, «Maahoyye ha'reemmo» yii.

KALAQAMA 46:2

Maganu hashsha ajuujatenni, «Yaiqoobi! Yaiqoobi!» yee woshshisi. Isino, «Mooticha'ya macciishsheemmona coyi'ri» yii.

LAYINKI SAAMUEELI 24:1

Kaaliiqi galagale Israeelete mannira hanqino daafira, Daawiti kakkayise qarru iillannonsa gede, «Marte Israeelenna Yihudu manna kiiri» yii.

LAYINKI DUDUWO 32:31

Ikkollana Baabilooninni sonkoonni manni dhaggete malaati gobbasihu daafira xa'mara dayi yannara, Maganu wodanisi giddo noore fonqole afara yee facci asse agurinosi.

FAARSO 11:5

Kaaliiqi keeraanonna cubbaataamma fonqole la"anno; bunshenna beebba assa baxxannore kayinni giwanno.

FULO 16:4

Kaaliiqi Musera, «Hajajo'ya agadhitannoronna hooggannoro afate iiminni sagale dirriseemmona, mannu barru barrunkunni fule hakko barrira ikkitannota calla gamba assi'rona.

FULO 3:4

Kaaliiqi Muse la"ara shiqqi yiinota afihu gedensaanni citu giddo hee're, «Muse! Muse!» yee woshshisi. Isino, «Yee!» yii.

LAWISHSHA 17:3

Birranna culka giiratenni daashshinanni. Mannu wodana kayinni Kaaliiqi fonqole la"anno.

ISAYAASI 6:8

Hakkunni gedensaanni Kaaliiqi, «Aye soqqo? Soqqamannonkehu ayeti?» yaanna macciishshoommo. Anino, «Ani ha'reemmona, ane soqqie» yoommo.

UMI QORONTOOSI 10:13

Mannaho iillitinokki jifama di"iillitino'ne. Maganu ammanaminoho; wolqa'nera aleenni ikkitino jifama iillita'nera wore dila"anno. Jifantinanni woyite cincitine sa"a dandiitinanni gede, fultinanni doogo qixxeessanno'ne.

MARRO 13:3

Magani'ne Kaaliiqi wo'mu wodani'nenninna wo'ma lubbo'nenni baxxinannisi gedeenni jife la"a'nera assino coye ikkino daafira, hakkunni himanaanchinna haaqii'raanchi coye macciishshitinoonte.

MARRO 8:16

Gedensaannino seyanno'neta affinanni gede assa'neranna jife la"a'nera, annuwa'ne affe egentinokki sagale menna halallitte baattora itisino'ne.

MARRO 8:2

Magani'ne Kaaliiqi hajajosi agadhitinannitanna hoogginannita afara, affinanni gede assa'neranna jife la"a'nera kunni shoyilluu diri giddo tenne halallitte baatto baalate asse haa're ha'rino'ne gara qaagge.

IBIRAAWOOTA 11:17

Abirihaami fonqolami yannara Yisihaaqi kakkalote shiqishinohu amma'natenniiti. Hexxote qaale adhinohu afi'rinoha mitto beettosi kakkalanno gedeeti.

YAIQOOBI 2:21

Anninke Abirihaami beettosi Yisihaaqi kakkalote shiqishi yannara, keeraa'minohu diloosunniiti?

UMI PHEEXIROOSI 1:7

Hakku qarri iillanno'nehu ammana'ne halaalaanchimma buuxateeti. Ba"anno culka nafa giiratenni fonqolle la'nanni; culkunni roore ayirrado ammana'neno hattonni fonqolama hasiissannose. Tini fonqolantinoti ammana'ne Yesuusi Kiristoosi daanno barra galata, ayirrinyenna gaamaarre uyitanno'ne.

EJJEETTO 2:22

Hoola giwoommohu, annuwansa gede hajajantannoeronna hooggannoro afate, tenne gosanni fonqolammonsara yeeti» yii.

UMI SAAMUEELI 3:4

Kaaliiqi Saamueeli woshshisi. Saamueelino, «Yee» yii.