KALAQAMA 21:8 - Qullaawa Maxaafa

⁸ Qaaqquno lophe unuuna qana aguri; qaaqqoho unuuna hoollisi barra Abirihaami lowo jila jili.

KALAQAMA 21:8 ပူးပေါင်းရင်းမြစ်များ

KALAQAMA 19:3

Isi kayinni lowo geeshsha huuccinonsa daafira, ledosi minisira hadhu; isino dancha sagale worsiisinsa; shiishinokki timano gasiiseennansa ittu.

KALAQAMA 21:7

Qolteno, « ‹Saara Abirihaamira ooso ilte qansidhanno› yee hedinohu nooni? Xa kayinni kune geedhimmasi yannara labbaa beetto iloommasi» yitu.

KALAQAMA 21:9

Mitto barra Saara Gibitsitte Aggaara Abirihaamira iltinosihu Ismaeeli, qaaqqise Yisihaaqi ledo godo'lanna affu.

KALAQAMA 26:30

Hakkunni gedensaanni, Yisihaaqi jila jileennansa itte aggu.

KALAQAMA 29:22

Laabano jila jile aanino manna baala woshshi.

KALAQAMA 40:20

Hakku sayikki barri Ferioonira ilamino barra ikkino daafira, ledosi gashshaano baalantera jila jili. Feriooni woyinete xajje xorshannohanna sagalete mini murricha usuru mininni fushshiishe, ledosi gashshaano albira shiqqanno gede assi.

LAYINKI SAAMUEELI 3:20

Abeneeri Daawitiwa Kebirooni ha'ri woyite 20 manna anga adhe ha'rino. Daawitino Abeneeriranna ledosi mannira jila jili.

UMI MOOTOOLLA 3:15

Selemooni goxanotenni baqqi yii yannara, Kaaliiqi haaqeete daye hasaawisinosita wodanchi. Hakkunni gedensaanni galagale Yerusaalame hige, Kaaliiqi Taabooti albaanni uurre shilqonnitanna mittimmate kakkalo Kaaliiqira shiqishi. Ledosi gashshaano baalanterano jila jili.

ASTEERI 1:3

Isi moohihunni sayikki diro amaalaasinesiranna ledosi gashshaano baalate lowo jila jilino. Hakko jilira Faarisinna Medooni gobbari olu hajajaano, awuraajjunna woradu gashshaasine baala daggino

FAARSO 131:2

Anenee dogisiise, harshammonna keere afi'roommo; ama hanqaffe noo qaaqqi gede ikkoommo; wodani'yano fooliishshi'rino.

HOOSEI 1:8

Gomeeri qaaqqosera unuuna hooltuhu gedensaanni galagalte godobbe labbaa beetto iltu.

EJJEETTO 14:10

Annisino beetto la"ara mari. Samisoni seerinsa garinni hakkiicho agattote jila jili.

EJJEETTO 14:12

Samisonino, «Mitte hibbo xa'meemmo'ne; lamalunku jilu barri giddo hibbote tiro kultiniero, 30 shaalado fuuttu imaana maareekote uddano ledo eemmo'ne.

UMI SAAMUEELI 1:22

Haanna kayinni mine gattino. Iseno ayiddaannisera, «Qaaqqu unuuna agurihu gedensaanni haa're Kaaliiqi Minira masseemma. Lubbotenni noo geeshshano hakkiicho hee'ranno» yitusi.

UMI SAAMUEELI 1:24

Saamueeli unuuna aguri yannara, qaaqqo ikkiro nafa Seelora Kaaliiqi Minira haadhe hadhinosi. Iso haadhe hadhu woyite, sasu diri middicha, tonne kiilo bulleenna mitte maaqqe wo'mitannota woyinete xajje haadhe massitino.

UMI SAAMUEELI 25:36

Abigiya minira iillitu yannara, Naabaali moote jiltanno gedee jili aana no; lowo geeshsha dimbe noo daafira isonoo diafino. Kunnira sooda geeshsha mittoreno dicoyidhinosi.