KALAQAMA 21:14 - Qullaawa Maxaafa

¹⁴ Layinki soodo Abirihaami gute kae, shiima sagalenna waa maaqqete wonshe Aggaarara bayisiise qaaqqise ledo mininni fushshe ha'risise; iseno hakkiinni fulte Bersaabehi yinannitera molo baattora raataabbanni heedhu.

KALAQAMA 21:14 ပူးပေါင်းရင်းမြစ်များ

KALAQAMA 16:7

Kaaliiqi sokkaasinchino halallitte gobbara wayi buicho mule afise; buichono Suurira massitanno doogo aana no.

KALAQAMA 19:27

Abirihaamino soodo gute kae, Kaaliiqi ledo hasaawi darga mari.

KALAQAMA 21:13

Borojjichokki beettino ateha ikkino daafira lowo gosa ikkanno gede sirchosi batiseemmo» yiisi.

KALAQAMA 21:15

Maaqqete noo wayi goofita, qaaqqo shiimu citi giddo worte agurtu.

KALAQAMA 21:31

Lamunku xaarte sheemaate e'inowa ikkino daafira hakkonne darga Bersaabehi yini.

KALAQAMA 21:33

Hakkunni gedensaanni Abirihaami Bersaabehira Tamaarisiki kaase Hegere Magano Kaaliiqa magansi'ri.

KALAQAMA 22:19

Hakkunni gedensaanni Abirihaami soqqamaasinesiwa higeenna mitteenni galagalte Bersaabehi hadhu. Abirihaamino Bersaabehi hee'ri.

KALAQAMA 22:3

Abirihaami soodo gute kae kakkalote ikkitanno haqqe boce, harrichoho hogowi; lame soqqamaanosinna beettosi Yisihaaqi anga adhe Maganu kulinosiwa ha'ri.

KALAQAMA 24:54

Hakkunni gedensaanni Abirihaami soqqamaanchinna ledosi noori sagale itte agge hakko galtu. Abirihaami soqqamaanchino soodo gute kae, «Xaate mootichi'yawa ha'reemmona fajje"e» yiinsa.

KALAQAMA 25:6

Wolu meenti ilinosi oosorano lubbotenni hee're mitore uyinsahu gedensaanni wole ooso Yisihaaqiwiinni faffe soojjaato higge hadhe heedhanno gede assinsa.

KALAQAMA 26:31

Layinki soodo gutte ka'e mimmitu ledo gondooro e'u; Yisihaaqi geegiisseennansa, «Keerunni» yite hadhu.

KALAQAMA 26:33

Isino hatte buera su'ma, «Saabehi» yee su'ma fushshi. Kunni daafira katamu su'ma techo geeshsha «Bersaabehi» yine woshshinanni.

KALAQAMA 28:18

Yaiqoobi gute kae barki're noo kincho haa're sooddicha asse uurrisi; Maganoho baxxinoha assate aanaho zayite duni.

KALAQAMA 37:15

Yooseefi halalli baattora raataawanni hee're mittu manchinni xaadi; manchuno, «Maricho hasi'ratto?» yee xa'misi.

KALAQAMA 46:1

Yaiqoobi noosire baalanka adhe ha'ranni Bersaabehi iille, annisi Yisihaaqi Maganira kakkalo kakkali.

UMI MOOTOOLLA 19:3

Eeliyaasino waajjino daafira lubbosi gatisi'rate soqqamaanchisi ledo Bersaabehi yinanniha Yihudu katama xooqi. Soqqamaanchosino hakko agure,

LAYINKI DUDUWO 29:20

Layinki soodo guto, moote Hiziqiyaasi katamu roorroota gamba asse hoodete adhe Qullaawu Minira ha'ri.

FAARSO 107:4

Mitu mitu faro habbe, halallitte gobbara raataabbu; heedhanno katama massitannonsa doogo affara didandiitino.

FAARSO 119:60

Keeshshummokkinni rahotenni hajajokki wonsheemmo.

LAWISHSHA 27:14

Gute kae qoonqosi naggi asse olliichosi keere haa'rannohu, rumannohu gede kiiramanno.

LAWISHSHA 27:8

Dargasi agure ha'ranno manchi, minese agurte buubbanno ceicho gedeeho.

ROSIISAANCHO 9:10

Reyittohu gedensaanni marattowa loosu, hedo, egennonna hayyo dinona, nootto geeshsha noohe wolqa baalantenni loosi.

ISAYAASI 16:8

Haseboonihu loosi'nannihunna Sibimahu woyinete kaashshi dargi diigamino. Kuni woyinete kaashshi dargi dagate gashshaano aggannota dimbissannota woyinete xajje qixxeessinanniwaati. Hakkunnira albaanni hattennehu woyinete xajje kaashshi Yaizeeri Katami geeshsha hala'linoho. Qoleno galchimaanni Reyino Baarira widoonninna soojjaatoonni halalli geeshsha iillanno.

YOHAANNISI 8:35

Borojjichu mini beetto di"ikkanno; illoonnihu kayinni geedote geeshsha minella hee'ranno.

IYYAASU 3:1

Layinki soodo Iyyaasunna Israeelete manni baalunku gutte ka'u. Shixiimi qacha agurte Yordaanoosi Wayiwa martu. Waa fultara albaanni, hakkiicho shiima yanna keeshshitu.

UMI SAAMUEELI 15:12

Saamueelino soodo gute kae Saaooliwa mari. Maranno woyite, «Saaooli Qermeloosi ha'rino. Bareendesira qaaggote ikkanno sooddicha kaase galagale Galgala dirrino!» yine kullisi.