KALAQAMA 21:12 - Qullaawa Maxaafa

¹² Maganu kayinni Abirihaamira, «Qaaqqunna borojjichokki Aggaara daafira qarrantooti; sirchikki sirannohu Yisihaaqi widoonni ikkino daafira Saara yitannohere baala assi.

KALAQAMA 21:12 ပူးပေါင်းရင်းမြစ်များ

KALAQAMA 17:19

Maganuno, «Dee'ni! Addaho galtekki Saara labbaa beetto iltannohe; su'masino Yisihaaqi yite woshshatto; isi gedensaanni sirchisira hegerera ikkanno gede gondooro'ya isi ledo e"eemmo.

KALAQAMA 17:21

Gondooro'ya kayinni daanno diro tenne yannara Saara iltannohehu Yisihaaqi ledo e"eemmo» yiisi.

ISAYAASI 46:10

Ikkanno coye baala balaxe kuloommo; ikkara nooreno alba asse coyi'roommo; ani ikkanno yoommori ikkanno; anino hedoommore asseemmo.

GALATIYU SOKKA 4:30

Maganu qaali kayinni mayaanno? Maganu qaali, «Borojjicho iltinohu minaama iltino beetti ledo ragi'rannokki daafira, borojjicho mancho beettise ledo mininni fushshite ha'risi» yaanno.

IBIRAAWOOTA 11:18

Maganu, «Sirchikki sirannohu Yisihaaqi widoonniiti» yiinosi.

UMI SAAMUEELI 8:7

Kaaliiqino Saamueelira, «Moote ikkeemmonsakki gede anella mishshinota ikkinnina ate dimishshinona, yitannohere baala haa'ri.

UMI SAAMUEELI 8:9

Ati kayinni yitannoheta macciishshi; mookkannonsa mootoolla assitannonsatano kulte qorophisiisinsa» yiisi.