KALAQAMA 20:7 - Qullaawa Maxaafa

⁷ Xa kayinni manchu galte qolte aguri; isi himanaancho ikkino daafira reyattokki gede aterano huuccannohe. Qola giwittoro kayinni reyattota afi; ate calla ikkittokkinni mannikki baalu ledo gooffinanni» yii.

KALAQAMA 20:7 ပူးပေါင်းရင်းမြစ်များ

KALAQAMA 12:15

Feriooni ledo gashshaano xumillese affe, Ferioonira kultu; iseno mootete minira haadhe massitu.

KALAQAMA 12:17

Ikkollana, Abiraami galte Saarayinni kainohunni Kaaliiqi Feriooniranna minisi manni baalaho shetisanno dhibba soyi.

KALAQAMA 2:17

Bushanna dancha bade afate egenno uyitanno haqqicho laalo kayinni ittooti; tenne haqqicho laalo itootto barra, halaalinta reyatto» yee kulisi.

KALAQAMA 20:3

Ikkollana kayinni mitto hashsha Maganu haaqeetenni Abemeleekira leelle, «Tini mancho ayiddaanna afidhinota ikkitinohura ise adhakkira ateri geeshshaho» yiisi.

KALAQAMA 20:8

Abemeleekino soodo gute kae, ledosi gashshaasine baala woshshe, konne coye kulinsa; insano lowo geeshsha waajjitu.

KALAQAMA 23:6

«Mooticha hanni macciishshinke; ati ninke mereero ayirrado manchooti; ninkewa galtekki madaadhattoha waammate darga doodhite adhi; galtekki madaadhatto darga atera hoolannohehu dino» yite dawartusi.

LAYINKI SAAMUEELI 24:17

Daawitino manna qoomanni noo sokkaasincho afe Kaaliiqa, «Sao anete; so'roommohuno aneeti. Kuni manni beebbaataamoho. Hanqikki kunni manni aana dirrantenni anenna mini'ya manni aana dirrona» yii.

UMI MOOTOOLLA 13:6

Iyorbiaami Maganu mancho, «Anga'ya darga higgannoe gede Maganokki Kaaliiqa huuccie» yiisi. Maganu manchino Kaaliiqa huucceennasi angasi darga higge albi gedeeta ikkitusi.

LAYINKI MOOTOOLLA 5:11

Ni"imaani kayinni hanqe, «Anera, isi daye Maganisiha Kaaliiqi su'ma woshshe, dhibbi'yara anga doyisse hursannoeha lawinoe.

UMI DUDUWO 16:22

«Doorantinore soqqamaano'ya gawajjitinoonte; himanaano'yano kissinoonte» yee qorophisiisino.

LAYINKI DUDUWO 30:18

Qoleno Efireemi, Minaase, Yisaakoorinna Zaabilooni ga'renni dayinohu keeraa'minokkihu lowo manni noo daafira, Mararrote Ayyaani jila itino. Hiziqiyaasi kayinni insa daafira, «Kaaliiqa, ati danchu Magani, ate akaakkanke Magano hasidhannori baalunku sao aguri. Qullaawu Mini seeri garinni keeraa'ma hoogguro nafa, ate wo'mu wodaninni magansidhanni noohere maarinsa» yaanni huucci.

IYYOOBI 34:19

Baalanka kalaqinohu Magano ikkinohura, isi gashshaanote alba lae godowa dihosanno; dureessa buxichunni roorse dila"anno.

IYYOOBI 42:8

Xa kunnira lamala boottanna lamala ge'reewu gocca haadhine, borojjichi'ya Iyyoobiwa marre. Shilqote kakkalono umi'nera shiqishshe; borojjichi'ya Iyyoobi ki'ne daafira huuccannona, anino hambe'ne daafira qorichisheemmo'nekki gede, huuccattosi macciishsheemmo. Ki'ne borojjichi'ya Iyyoobi gede ane daafira taalo coye dicoyidhinoonni» yii.

FAARSO 25:14

Ayirrissannosirira baalaho Kaaliiqi jaalansaati; gondoorosino egentanno gede assannonsa.

FULO 18:17

Yootoorino, «Kuni assatto coyi doogimalete.

FULO 4:16

Isi ate afoo ikke coyi'ranno; ate su'minni mannaho sokka kulanno; atino isira Maganu gede ikkite yaannore kulattosi.

FULO 7:1

Kaaliiqi Musera, «Ani ate Ferioonira Maganu gedeeha assoommohe; rodiikki Aarooni atera himanaancho ikke coyi'ranno.

ERMIYAASI 14:11

Kaaliiqi, «Kunni mannira danchare assammora huuccitootie.

ERMIYAASI 15:1

Kaaliiqi, «Musenna Saamueeli huucciteennae nafa konne manna dimaareemmona, albi'yanni ho'lanno gede assi.

ERMIYAASI 27:18

Hanni insa himanaanotero, ani coyi'roommonsari nooro, Qullaawu Mini uduunninna mootete mini uduunni Baabiloonira ha'rannokki gede, hanni ane Olantote Mooticha Kaaliiqa huuccitossieyya!

HIZIQEELI 3:18

Bushu manchi cubbisinni kainohunni reyannota kuleemmosi yannara, reyotenni gatate bushu loosisinni higanno gede qorophisiisa hoogittosiro, isi cubbisinni reyanno. Isi reyora ate xa'meemmohe.

HIZIQEELI 33:8

Bunshe loosannohu halaalinta reyanno yeemmo yannara, ati busha loososi aguranno gede qorophisiisa hoogittoro, hakku manchi cubbisinni reyanno. Reyosira kayinni ati xa'mamatto.

LEEWAAWOOTA 6:4

Aye manchino hattoo coye assiro, umisiha ikkinokkire baala qola hasiissannosi.

LEEWAAWOOTA 6:7

Qeesichuno cubbisi daafira kakkalo shiqisheenna manchoho assino cubbi baalu aguramannosi» yii.

SOQQAMAASINETE LOOSO 8:24

Simioonino, «Xa coyi'ritto coyi giddonni mittuno iillannoekki gede Magano ki'nenni huucce"e» yii.

UMI QORONTOOSI 14:4

Haaru afiinni coyi'rannohu umosi calla dhaaphanno. Maganu sokka kulannohu kayinni, beetekiristaane dhaawanno.

IBIRAAWOOTA 1:1

Maganu bi're alba addi addi doogonni himanaanote widoonni qole annuwankera batinye hige coyi'rino.

IBIRAAWOOTA 13:4

Adhanna adhama baalunku ayirrisannota ikkito; ayiddaanninna ayiddaama mimmitoho ammananto. Baashaabbannoriranna foortannorira Maganu busha yoo yaanno.

UMI YOHAANNISI 5:16

Ayino rodiisi reyote iillishannokki cubbo loosanna afiro, huuccatto assosina; cubbisi reyote iillishannoha ikka hoogiro, Maganu heeshsho aannosi. Reyote iillishanno cubbino no; hakkunnira, «Huuccona» diyeemmo.

UMI SAAMUEELI 12:19

Mannu baalunku Saamueeli, «Wolu loonsoommo cubbi ajikkinni, moote moohisannonke gede xa'mankenni lende cubbo loonsoommona, mootichanke ballo reyineemmokki gede Maganokki Kaaliiqa huuccinke» yiisi.

UMI SAAMUEELI 12:23

Anino ki'ne daafira huucca agure Kaaliiqi aana sao asseemmokki gede isinni agaroe. Qoleno danchanna suwashsho doogo rosiiseemmo'ne.

UMI SAAMUEELI 7:5

Hakkunni gedensaanni Saamueeli Israeelete mannira, «Ki'nera Kaaliiqa huucceemmona, baalunku Mitsipha gamba yiiyye» yii.

UMI SAAMUEELI 7:8

Saamueelirano, «Maganinke Kaaliiqi Filisxeemete anganni gatisannonke gede huucca agurtootinke» yitusi.