KALAQAMA 2:9 - Qullaawa Maxaafa

⁹ Kaaliiqi Maganu illete biiffinota sagalimmate dancha ikkitinota addi addi haqqe mu'risi. Gennetete mereerono heeshsho uyitanno haqqicho no; danchanna busha badde leellishshannoti wole haqqichono no.

KALAQAMA 2:9 ပူးပေါင်းရင်းမြစ်များ

KALAQAMA 2:17

Bushanna dancha bade afate egenno uyitanno haqqicho laalo kayinni ittooti; tenne haqqicho laalo itootto barra, halaalinta reyatto» yee kulisi.

KALAQAMA 3:22

Kaaliiqi Maganu, «Kuneeti mannu bushanna dancha bade afate ninke giddonni mittu gedeeha ikkino; xaano heeshshote haqqicho laalo adhe ite, hegerera heeshshonniha ikke hee'ra dihasiissannosi» yii.

KALAQAMA 3:24

Manna shorrihu gedensaanni, Edeni Gennetete soojjaati ragaanni kirubeeli yinanni sokkaasinenna raga baala falaqqi yitanni giirate gede wala yitanno bise heeshshote haqqichowa massitanno doogo agartanno gede wori.

KALAQAMA 3:3

ikkollana Maganu, ‹Edeni Gennetete giddo noo haqqicho laalo ittinoonte; kissinoonte; gibbine kissiniro kayinni reyitinanni› yiinonke» yite dawartusi.

KALAQAMA 3:5

Maganu hatto yiinohu, hattenne haqqicho laalo ittinanni barra ille'ne fa'nitannotanna isi gede danchanna busha baddine affinannire ikkitinannita afinohuraati» yiise.

LAWISHSHA 11:30

Keeraanchimma heeshsho uyitanno; haxawarrimma kayinni barra haransitanno.

LAWISHSHA 3:18

Egenno heeshsho uyitanno; ise cu'mi'rinohu ba'raa'rinoho.

ISAYAASI 44:25

Kaphu himanaano kultannorenna, kiilaanote kiilono mullare asseemmo. Hayyoolete hayyono diigeemmo; egennonsano gowwimmate soorreemmo.

ISAYAASI 47:10

« ‹Afannoehu dino› yite, bunshekkinni naaxxootta; hayyokkinna egennokki so'risiissinohe; atenee Maganu gede assite kiirootta.

HIZIQEELI 31:16

Ani hatte haqqicho jeennaate dirritanno gede asseemmo yannara, ubbanno woyite macciishshinanni luuli daga baala masisanno. Edeni haqqe ledo jeennaate dirrituti lowo waa agginoti dancha Libaanoosi haqqe baala ise uwara hagiidhitanno.

HIZIQEELI 31:18

«Haqqicho Gibitsete mootenna mannisi baalu lawishshaati. Edeni Gennetete noo haqqe giddo nafa hojjanna biinfille ise ikkitannoti dino. Xa kayinni, Edeni Gennetete noo haqqe gede, jeennaate dirritanno. Hakkiichono Maganiweelootu ledonna olunni shinoonniri baalu ledo karsantanno. Ani Mootichu Kaaliiqi konne coye coyi'roommo» yiie.

HIZIQEELI 47:12

Lolahanno wayi qaccuwara guma intanni haqqe danu danunkunni no. Darono dimooltanno; laaltukkinni disa'anno. Qullaawu Mini hundinni lolahanno waa agganno daafira, aganu aganunkunni guma laaltanno. Tenne haqqe gumi sagale, daronsano mannaho xagicho ikkitanno» yiie.

YOHAANNISI 6:48

Ani heeshshote sagaleeti.

UMI QORONTOOSI 8:1

Kaphu magannara kakkalate gorrinoonni maalire coyi'nanni woyite, baalunkura egenno noonketa anfoommo. Egenno naaxxisiissanno; baxillu kayinni dhaawanno.

MARRO 6:25

Xa tenne baalanta hajajo Maganinke Kaaliiqi hajajinonke garinni isi yiinore seekkine agadhinummoro, ninkera keeraanchimmate kiirantannonke› yitine kultinanninsa.

YOHAANNIS AJUUJA 2:7

« ‹Qullaawu Ayyaani beetekiristaannate yaannore macca noohu macciishsho. Qeelinohura Maganu qixxeessino gannatera noota heeshshote haqqicho laalo itara fajjeemmosi› yiino» yite borreessite soyi.

YOHAANNIS AJUUJA 22:14

Heeshshote haqqicho laalo itatenna waalchuwate widoonni hige katama ea dandiitanno gede, uddanonsa hayishshidhannori ba'raadhinoreeti.

YOHAANNIS AJUUJA 22:2

Kuni wayi katamunnita lowo doogo hige lolahanno. Waaho lamenka widoonni dirunni tonaa lame higge aganu aganunkunni laaltannoti heeshshote haqqicho no; haqqichote daro gosa hursitannote.