KALAQAMA 2:5 - Qullaawa Maxaafa

⁵ Xeena ganinokki daafira, baattote aana mitturichi nafa dimu'rino. Baatto loosanno mannino nookkihura, baattote aana mittu haqqino difulino; mu'rinorino dino.

KALAQAMA 2:5 ပူးပေါင်းရင်းမြစ်များ

KALAQAMA 2:6

Ikkollana, baattote giddonni fulanno wayi uulla qufisanni no.

KALAQAMA 3:23

Kunnira, Kaaliiqi Maganu manna Edeni Gennetete darginni fushshi; kalaqamino baatto loose shaqqishanno gede assisi.

KALAQAMA 4:12

Baatto loosi'ratto yannara mitto laalchono diuyitannohe; baattote aana tultaawanna raataawattoha ikkatto» yiisi.

KALAQAMA 4:2

Aanchite rodoosi Abeeli iltu. Abeeli ge'reewo allaalannoho; Qaayeeli baatto loosi'rannoho.

IYYOOBI 5:10

Baattote xeena aanno; loosi'noonnirirano waa soyanno.

FAARSO 104:14

Baatto mu'ro fushshitanno gede assatto; saadate hayisso fushshatto; mannuno loosi're sagale afi'ranno.

FAARSO 135:7

Xeena amadino gomicho baattote qaccenni abbanno; xeenu yannara banqo dirritanno gede assanno; bubbeno noo darginni fushshe soyanno.

ERMIYAASI 10:12

Kaaliiqa ati, wolqakkinni baatto kalaqootto; egennokkinni kalqe xintootto; afakkinni gordo diriirsootto.

ERMIYAASI 10:13

Ati hajajatto yannara gordoho noo wayibba luultanno; baattote qaccennino gomicho gamba assite abbatto; xeenu yannarano banqo beleqqanno gede assatto; bubbeno maaxoottowiinni fushshatto.

ERMIYAASI 14:22

Dagate maganna mittuno xeena dirrisse diaffanno; gorduno umisinni shora dishoranno. Kaaliiqa Maganonke, konne baala assa dandaattohu ate ikkootto daafira, ninke ate hexxineemmo.

MAATEWOOSI 5:45

Hatto assitiniro gordoho hee'ranno Anni'nera oososi ikkitinanni. Isi bushuullehonna danchuulleho arrishsho fushshanno; keeraanotenna cubbaataammaho xeena gananno.

IBIRAAWOOTA 6:7

Lowo yanna ise aana dirranno xeena agganno baatto, kaashsho kaasi'ranno manchira guma uyitanno daafira Maganu maassi'rannose.