KALAQAMA 19:22 - Qullaawa Maxaafa

²² Rakke hakkiira fulte ha'ri; hakkiichira iillatto geeshsha mittorichono diasseemmo» yiisi. Kunnira, hakko katami su'ma Zooaari yini.

KALAQAMA 19:22 ပူးပေါင်းရင်းမြစ်များ

KALAQAMA 13:10

Looxi la"anno woyite, Yordaanoosi Lagi gaangaawira noo gobba baala wayi wo'minota ikkase afi; Kaaliiqi Soddoomanna Gomoora hunara albaanni, Zooaari geeshsha, gobba Kaaliiqi Gannate gede Gibitsete Laga labbannote.

KALAQAMA 14:2

woloota onte moote qassara hadhu; gaande marriri ontunku mootoolla: Soddoomu moote Beeraai, Gomooru moote Birshai, Adaama moote Shiniaabi, Tseboyimi moote Shemebeerinna Zooaari yinanni gobba moote Beelaiiti.

KALAQAMA 19:21

Mittu sokkaasinchi, «Maahoyye yoottota haa'roommo; konne ati yaatto katama dihuneemmo.

KALAQAMA 19:23

Looxi Zooaari iillita arrishsho fultu.

FULO 32:10

lowo geeshsha aaramoommo daafira, konne manna huneemmona agurie; atenna ate godowa kayinni bati'ra gosa asseemmo'ne» yiisi.

ISAYAASI 15:5

Moaabira godowinni wi'leemmo; mannu Zooaari, Egilaati-Shilishiya geeshsha darami. Shiimu manni wi'lanni Luhiiti Baga fulanno. Wolootu kayinni lowo geeshsha wi'litanni Horonayimi higge ba'ara wo'naaltanno.

ISAYAASI 65:8

Kaaliiqi, «Huuncinoonni woyine, woyinete laalo giddonni fultanno daafira, ‹Dancha coye amaddinotena huntinoonte› yinanninte gede, soqqamaano'ya daafira yee manna gudise dihuneemmo.

ERMIYAASI 48:34

«Hasebooninna Eliaale manni qoonqonsa naggi asse raaranno. Raarensa Yahaatsi Katami geeshsha iillitanno; Zooaarinni Horonayimi Egilaati-Shilishiya geeshsha iillitanno; Nimiriimi Xashshi nafa moolanno.

MAARQOOSI 6:5

Hakkiicho shiima dhiwamaano, anga aanaho wore hursa agurranna, wole maalale diassino.

MARRO 34:3

Yihudaho wodiidoonni noota Negebi baatto, Zooaarinni kayise Iyyaarko saattu hee'ranno katami geeshsha noo xawo baalanka leellishisi.

MARRO 9:14

Horonta qaanganninsakki gede baattote aaninni co'o asse huneemmona agurie. Ate kayinni insanni roore jawaatanna bati'ra gosa asseemmohe› yiinoe.

LAYINKI XIMOOTEWOOSI 2:13

Ninke ammanama hoongummoro, isi isiniira badhe wodhannokki daafira, wo'manka woyite ammaname hee'ranno» yaannohu qaalisi ammanaminoho.

TIITO 1:2

Tini ammanano hegere heeshsho hexxo aana xintantinote. Kaphannokki Magani tenne heeshsho aankera lowo dirira albaanni hexxo uyinonke.