KALAQAMA 18:25 - Qullaawa Maxaafa

²⁵ Keeraano cubbaataammu ledo shaatto yee dihedeemmo; keeraano cubbaataammu gede diassatto; hatto assittoro keeraano cubbaataammu ledo qorichishakkiiti; gobba baalate gashshaanchi ati hattoo coye assattoni?» yii.

KALAQAMA 18:25 ပူးပေါင်းရင်းမြစ်များ

KALAQAMA 18:24

Katamu giddo 50 keeraano heedhuro halaalinta baalanka hunattoni? Katama 50 keeraano giddo noote daafira yite dimaaratto?

UMI DUDUWO 16:33

Kaaliiqi baattote aana yoo yaara daanno waro, dubbu haqqe Kaaliiqi albaanni hagiirrunni faarsito.

LAYINKI DUDUWO 19:7

Halaale dawisa, mallaadanna gubbo ita Maganinke Kaaliiqi baxannokki daafira, taalo yoo yiiyye! Maganono waajje!» yiinsa.

NEHIMIYA 9:33

Ninke qorichishate assoottori baalu garaho; ninke sao assinummorono, ati ammanamakki dixeisootto.

IYYOOBI 34:10

«Ki'ne wodanchitinanniri hanni macciishshe"e. Wo'manka Dandaanno Magani, hoorontanni busha coye diassanno.

IYYOOBI 34:12

Wo'manka Dandaanno Magani, horonta busha coye diassanno; aye halaaleno didawisanno.

IYYOOBI 8:20

«Maganu ammanamino mancho dicallachishanno; busha mancho kayinni dikaa'lanno.

IYYOOBI 8:3

Halaalinta Maganu yoo shokkishannoni? Wo'manka Dandaanno Magani halaale dawisannoni?

FAARSO 50:6

Maganu yoo yaannoha ikkino daafira, gorduno halaalaanchimmasi farchi'ranno.

FAARSO 58:11

Hatte yannara mannu, «Halaalintanni keeraano angasinni ba'raa'ra adhitanno; hada baattote aana halaale coyi'ranno Magani nooni?» yaanno.

FAARSO 7:12

Bunshetenni higa gibbannorira bise gamaxi'ranno; digaanano injeessi'ranno.

FAARSO 75:3

Baattonna baattote aana noori baalu daaqanno yannara, ani baattote tuuqqa kaajjisheemmo.

FAARSO 94:2

Mannu wo'munkura yoo yaattohu, ka'e boonaleeyyete malino qoricha uyi.

FAARSO 98:9

Isi baattote aana baalunkura halaalenna taalo coyi'rara daanni noona, insa Kaaliiqa magansidho!

ROSIISAANCHO 3:17

Anino wodani'yanni, «Wo'munkuri baxxannoti yanna noo daafira, Maganu cubbaataamono halaalaanchono yoonniwa abbanno» yee hedoommo.

ROSIISAANCHO 7:15

Kunni haafu diri'yanni, lowo coye afoommo. Keeraanchu keeraanchimmasinni hee're rahe reyanna, bushu kayinni bunshesinni hee're seeda diro hee'ranna laoommo.

ERMIYAASI 11:20

Anino, «Olantote Kaaliiqa, mulenna mudukko badde afattohu, halaale coyi'rattohu ateeti. Coye'ya atera ku'loommona, halaale'ya fushshite rabba'ya qolie» yoommo.

ERMIYAASI 12:1

Kaaliiqa'ya, abbooshshi'reemmohe kiirolla, ati keeraanchoho. Xa kayinni taashshate daafira xa'mi'reemmohe; bushu mannira mayira qinaannonsa? Hexxinannikki mannira mayira injaannonsa?

HIZIQEELI 18:25

«Ki'ne Israeelete manni, ‹Mootichu assanno coyi gara di"ikkino› yitinanniha ikkanno; ki'ne Israeele ani yeemmota macciishshe. Heddinanni woyite, ani asseemmo coyi baalu gara di"ikkino? Gara ikkitinokkiti ki'ne hadhinanni doogooti.

MILKIYAASI 3:18

Hatte yannara anera soqqamannoehura danchu manchira assinannisi danchummanna soqqamannoekkihura bushu manchira iillannosi qarra manni'ya la"anno» yaanno.

KIIRO 16:22

Musenna Aarooni kayinni alba higge gombisante, «Mannu baalunkura lubbo worootto Magano! Mittu manchi loosino cubbira wo'munkura hanqatto?» yitanni woxarattu.

LAYINKI QORONTOOSI 5:10

Mittu mittunku maalunni hee're loosinoha dancha woy busha loosisi guma adhate, baalunku Kiristoosi barcimi yoonnihu albira shinqeemmo.

MARRO 1:16

Hatte yannara, daanyoota'ne, ‹Roduuwi'ne mereero kalaqamanno coye taashshitine la'e. Roduuwa ikkitino Israeelooti woy mittu Israeelichunna gobba'nera hee'rannohu wole gobba manchi coyi'ranturono coyensa taashshitine la'e.

MARRO 1:17

Yoo dawissinoonte; lowohano shiimano taashshitine la'e. Yoo Maganunnita ikkitinohura, ayeno waajjitinoonte. Wolqa'nera aleenni ikkinoha baalanka ani laeemmona, anewa abbe› yoommo.

MARRO 32:4

«Isi jawaata go'linanni kinchooti; loosisino guutaho. Doogosi baalanti suwashshote; halaalaanchohonna ammanammo Maganooti; suwashshunna taalu Magani isooti.

IBIRAAWOOTA 12:23

Su'mansa gordoho borreessinoonniriwa bayirraaddu songo ammanaanonnitewa, wo'munkura yoo yaanno Maganiwanna guuta assinoonni keeraanowa gamba yitinoonni.

EJJEETTO 11:27

Ani atera hunoommori dino; ane qasate ka"akkinni sao assitanni noottohu ateeti. Halaale afinohu Kaaliiqi Israeeletenna Amoonootu mereero yaannore techo yaanno» yee sokka soyi.