KALAQAMA 18:23 - Qullaawa Maxaafa

²³ Abirihaamino isiwa shiqqi yee, «Halaalinta keeraancho cubbaataammu ledo hunattoni?

KALAQAMA 18:23 ပူးပေါင်းရင်းမြစ်များ

KALAQAMA 18:24

Katamu giddo 50 keeraano heedhuro halaalinta baalanka hunattoni? Katama 50 keeraano giddo noote daafira yite dimaaratto?

KALAQAMA 18:25

Keeraano cubbaataammu ledo shaatto yee dihedeemmo; keeraano cubbaataammu gede diassatto; hatto assittoro keeraano cubbaataammu ledo qorichishakkiiti; gobba baalate gashshaanchi ati hattoo coye assattoni?» yii.

KALAQAMA 20:4

Abemeleeki kayinni ise kisinokkihura, «Mooticha'ya ani mitte sao nafa diassoommo; anenna manna'ya beebbatenni gudattonke?

LAYINKI SAAMUEELI 24:17

Daawitino manna qoomanni noo sokkaasincho afe Kaaliiqa, «Sao anete; so'roommohuno aneeti. Kuni manni beebbaataamoho. Hanqikki kunni manni aana dirrantenni anenna mini'ya manni aana dirrona» yii.

IYYOOBI 34:17

Halaalaancho yoo yaannokki manchi gashshe didandaanno; ati kayinni halaalaancho yoo yaannohanna, wolqaataamo Magano bushiishootto.

IYYOOBI 8:3

Halaalinta Maganu yoo shokkishannoni? Wo'manka Dandaanno Magani halaale dawisannoni?

FAARSO 73:28

Anera kayinni Maganunniwa gamba yaa woyyitannoe; Tsiyooni waalchira uurre dhaggenniha loososi kulate, Mooticha Magano golo'ya assi'roommo.

FULO 23:7

Beebba coyidhooti; ani busha loosannoha dikeereenseemmona, keeraancho mancho beebbatenni shitooti.

ERMIYAASI 30:21

Ilama'ne ikkinohu gashshanno'ne; umi'ne fiixa ikkinohu gashshanno'ne; isono anewa shiqqi yaanno gede woshsheemmosi; ani woshshummokkinni anewa shiqqi yee afannohu nooni?

KIIRO 16:22

Musenna Aarooni kayinni alba higge gombisante, «Mannu baalunkura lubbo worootto Magano! Mittu manchi loosino cubbira wo'munkura hanqatto?» yitanni woxarattu.

IBIRAAWOOTA 10:22

Wodaninke keeraa'manno gede busha tiianke faanseenna, bisonkeno xalalu wayinni hayishsheenna, taalu wodaninninna halaalaancho amma'nanni Maganunniwa shinqo.

YAIQOOBI 5:16

Kunnira hurtinanni gede cubbo'ne ki'ne ki'neneewa aagintaabbe; ku'u ku'unnira huucco. Keeraanchu manchi huuccatto, lowo guma uyitannota jawa wolqa afidhino.

YAIQOOBI 5:17

Eeliyaasi ninke gedee manchooti. Ikkollana xeena ganannokki gede seekke huucci'ri yannara, sase dironna lee agana baattote aana xeena diganino.