KALAQAMA 17:8 - Qullaawa Maxaafa

⁸ Wosinchimma hee'rattota Kana"aani Gobba baala, geedote ikkitanno gede ateranna ate gedensaanni sirchikkira eemmo; insarano Maganonsa ikkeemmo» yiisi.

KALAQAMA 17:8 ပူးပေါင်းရင်းမြစ်များ

KALAQAMA 12:7

Kaaliiqi Abiraamira leelle, «Tenne baatto sirchikkira eemmohe» yiisi. Kunnira, Abiraami leellinosi Kaaliiqira hakko darga kakkalote darga seekki.

KALAQAMA 13:15

La"atto gobba baala ateranna sirchikkira geedonnita asse eemmohe.

KALAQAMA 13:17

Xa ka'e atera eemmohe baatto aana ka'anna kawa ha'rante, seendillesenna hala'linyesi lai» yiisi.

KALAQAMA 23:4

«Ani ki'nera wosinchoho; qoleno manni gobba manchooti; galte'ya madaadheemmo gede, waammate darga hirre"e» yiinsa.

KALAQAMA 26:24

Hakko hashsha Kaaliiqi Yisihaaqira leelle, «Ani annikki Abirihaami Maganooti; ani ate ledo noommona waajjitooti! Maassi'reemmohe; soqqamaanchi'ya Abirihaami daafira yee sirchokki batiseemmo» yiisi.

KALAQAMA 28:4

Abirihaami maassi'rinte gede atenna sirchokki maassi'rohe; tenne Abirihaamira uyinotanna atino wosinchimma dagge hee'rootto gobba iqqa asse oohe» yiisi.

KALAQAMA 35:27

Yaiqoobi Kebirooni yinanniwa Qiriyaati Arbai mule Memire noohuwa annisi Yisihaaqiwa dayi; kuni dargino alba annisi Yisihaaqinna ahaahisi Abirihaami heedhinowaati.

KALAQAMA 36:7

Hatto assinohu isiranna Yaiqoobira lowo saada noonsa daafira, baatto ruukkiteennansaati.

KALAQAMA 37:1

Yaiqoobino annisi wosinchimma hee'rino gobbara Kana"aani hee'ri.

KALAQAMA 48:4

‹Sirchokki halashsheemmo; batiseemmohe; lowo gosano asseemmohe; tenne baattono ate gedensaanni sirchikkira hegere iqqa asse eemmonsa› yiinoe.

LAYINKI SAAMUEELI 23:5

«Ane ledo hegere gondooro eino daafira, ba"annokki namoomanna, soorrantannokki hexxo aannoe. Halaalinta Kaaliiqi sircho'ya kunni garinni maassi'ranno; tini anera halcho'yaati; qeelle'yano iseeti; Maganuno addinta konne coye wonshannoe.

UMI DUDUWO 16:18

Isino, «Kana"aani baatto eemmohe; atera iqqakki ikkitanno» yiino.

FAARSO 103:17

Kaaliiqi kayinni waajjitannosirira baalaho, hegere geeshsha bagamannokkiha baxillesi leellishannonsa; keeraanchimmasino ilamate ilamara iillishanno.

FAARSO 105:11

Qoleno, «Kana"aani baatto eemmohe; atera iqqakki ikkitanno» yiino.

FAARSO 105:9

Abirihaami ledo eino gondooronna, Yisihaaqira xaarino xaaro agaranno.

FULO 13:11

«Kaaliiqi ki'neranna annuwa'nera uyino'ne hexxo garinni Kana"aanootu gobba haa're masse, baattonsa ragisiisanno'ne yannara,

FULO 21:6

mootichisi magansi'nanniwa haa're masse, waalchunniwa shiqqi asse maccasi gontimunni qaseenna, lubbotenni noo geeshsha borojjichosi ikkona.

FULO 29:45

Israeelete manni mereero hee'reemmo; insarano Maganonsa ikkeemmo.

FULO 32:13

‹Sircho'ne gordu beeddahe gede batiseemmo; tenne kulummo'ne baatto baala sirchi'nera hegere iqqa asse eemmo› yite su'mikkinni xaarte soqqamaasinekkira Abirihaamira, Yisihaaqiranna Yaiqoobira oottonsa hexxo qaagi» yii.

FULO 40:15

Qeese ikkite soqqantannoe gede annansa buuritto gede assite insano buuri; tini qeesimmate buurama ilamate ilamara woga ikkitanno» yiisi.

FULO 6:4

Manni gobba manni gede ikkite heedhinota Kana"aani gobba ragisiiseemmonsa gede hexxo oommonsa.

FULO 6:7

Umi'ya manna assi'reemmo'ne; anino Magano'ne ikkeemmo; Gibitsete borojjimma giddonni fushsheemmo'ne yannara, ani Kaaliiqi Magano'ne ikkoommota affinanni.

ERMIYAASI 25:5

Himanaanono, ‹Kaaliiqi ki'neranna akaakka'nera geedote uyino'ne baattora heedhinanni gede, bunshetewiinni agurtine higge.

ERMIYAASI 31:1

Kaaliiqi, «Israeelete ga're baalate Maganonsa ikkeemmotinna insano manna'ya ikkitanno yanna dagganno.

HIZIQEELI 11:20

Hatte yannara Seera'ya wonshitinanni; hajajo'ya baalanta ayirrissinanni. Ki'ne manna'ya ikkitinanni; anino Magano'ne ikkeemmo.

HIZIQEELI 33:24

«Koo manchi beetto, Israeelete gobbara diigantino katammara hee'ranno manni, ‹Abirihaami callichosiiti. Ikkollana baatto baala ragi'rino; ninke kayinni batinyeho; baatto ninkera iqqinoonninkete› yaanno.

LEEWAAWOOTA 14:34

«Ani ragisiiseemmo'neta Kana"aani gobba e'inanni yannara, ani woroommoha taraawanno dhibba mitto mine affiniro,

LEEWAAWOOTA 16:34

Kuni hegerera seera ikko'ne; kunni seeri garinni, dirunni mitte hinge mannu baalunku cubbo agursiinsona» yiisi. Museno Kaaliiqi hajajinosi gede assi.

LEEWAAWOOTA 26:12

Mereero'ne hee'reemmo; Magano'ne ikkeemmo; ki'neno manna'ya ikkitinanni.

ZAKKAARIYAASI 8:8

Abbe Yerusaalamete heedhanno gede asseemmonsa; insa manna'ya ikkitanno; anino Maganonsa ikkeemmo; taalotenninna halaalunni Maganonsa ikkeemmo» yaanno.

KIIRO 10:29

Muse Midiyaamichu Yootoori beettira galtesi rodiira Hobaabira, «Kune Kaaliiqi eemmo'ne yiino gobba ha'nammora ka'noommo. Kaaliiqi Israeele duroonsannota coyi'rinona, atino tenne jiro adhattona ledonke kai» yiisi.

KIIRO 25:13

Ane Maganisi ayirrinyira xissiisi're Israeelete cubbono agureemmo gede assinoe daafira, isiranna oososira geedonniha qeesimmate gondooro oommosi» yii.

KIIRO 27:12

Mitto barra Kaaliiqi Musera, «Abariimi Ilaala fulte, Israeelete oommo gobba la"atto.

SOQQAMAASINETE LOOSO 7:5

Dayi yannara kaxxe uurranno darga nafa diuyinosi. Ikkollana hattenne gobba isiranna sirchisira iqqa asse aara xaarino. Xaarinohu Abirihaami ooso ilikkinniiti.

MARRO 14:2

Ki'ne Magani'ne Kaaliiqira qullaawa mannaati. Isira baxxitinoonni manna ikkitinara Kaaliiqi baattote aani gosa baalate giddonni doodhino'ne.

MARRO 26:18

Kaaliiqi uyino'ne hexxo garinni ki'ne mannasinna iqqasi ikkitinoonnita, hajajosi baalanta agadhitinannita isino techo lallawino.

MARRO 29:13

Ki'neranna annuwi'ne Abirihaamira, Yisihaaqiranna Yaiqoobira uyino hexxo garinni, isi ki'ne umisi manna assi'ranno'ne. Isino Magano'ne ikkanno.

MARRO 32:49

«Moaabi baattora Iyyaarko Katamira albaanni noo ilaalla Abariimitewa marte, Nebo Ilaala giddi. Hakkunni gedensaanni, Israeelete mannira ragisiiseemmota Kana"aani baatto lai.

MARRO 32:8

Wo'munkura Aliidi Magani, dagate heedhanno baatto beehinonsa. Mannu hee'rannowano badino; Israeelete ooso kiiro garinni dagate baattora danna worino.

MARRO 34:4

Hakkunni gedensaanni Kaaliiqi Musera, «Abirihaamira Yisihaaqiranna Yaiqoobira, ‹Sirchi'nera eemmo› yee xaaroommo baatto tenneeti. Illekkinni la"atto gede assoommohe; lekkakkinni kadattora kayinni dieemmohe» yiisi.

MARRO 4:37

Annuwa'ne baxino daafira, insa gedensaanni sirchonsa doodhinohura, ledo'ne hee're jawa wolqasinni Gibitsetenni fushshino'ne.

MARRO 9:5

Baattonsa martine ragidhinannihu keeraanchimma'nenni woy wodani'ne sumbenni kainohunni ikkikkinni, annuwa'nera Abirihaamira, Yisihaaqiranna Yaiqoobira aansara xaarino qaale wonshara Magani'ne Kaaliiqi tenne daga bunshensanni kainohunni albi'nenni shorrannohuraati.

IBIRAAWOOTA 9:15

Woshshantinori Maganu hexxotenni uyinonsaha hegere iqqa ragidhanno gede, Kiristoosi haaru gondoorira mereerima ikkino. Kuni ikkinohu manna umi gondoori anga hee're loosino cubbinni wode gatisara yee isi reyinohuraati.

IYYAASU 1:2

«Kuneeti, soqqamaanchi'ya Muse reyino; xaate kunni ka'a atinna Israeelete manni baalunku qixxaabbe. Ani ragisiiseemmo'ne gobba martine e'inanni gede Yordaanoosi Waa fulle.

YOHAANNIS AJUUJA 21:7

Qeelannohu konne baala ragi'ranno; ani Maganosi ikkeemmo; isino beetto'ya ikkanno.