KALAQAMA 17:7 - Qullaawa Maxaafa

⁷ «Atenna ane mereero, ate gedensaannino sirchikki ledo gondoori'ya soorramannokki gede asseemmo; ateranna ate gedensaanni sirchikkira Magano ikkeemmo.

KALAQAMA 17:7 ပူးပေါင်းရင်းမြစ်များ

KALAQAMA 15:18

Hakko barra Kaaliiqi Abiraami ledo gondooro eanni, «Gibitsete danninni lowohu Efiraaxisi Wayi geeshsha noo baatto sirchikkira eemmo.

KALAQAMA 17:13

Minekki ilaminohu, woxunni hirroonnihuno gatikkinni barcimona. Kunni garinni bisi'nera hee'ranno malaati hegerera gondooro ikkanno.

KALAQAMA 17:19

Maganuno, «Dee'ni! Addaho galtekki Saara labbaa beetto iltannohe; su'masino Yisihaaqi yite woshshatto; isi gedensaanni sirchisira hegerera ikkanno gede gondooro'ya isi ledo e"eemmo.

KALAQAMA 26:24

Hakko hashsha Kaaliiqi Yisihaaqira leelle, «Ani annikki Abirihaami Maganooti; ani ate ledo noommona waajjitooti! Maassi'reemmohe; soqqamaanchi'ya Abirihaami daafira yee sirchokki batiseemmo» yiisi.

KALAQAMA 28:13

Kaaliiqino aleenni hige uurre, «Ani, annikki Abirihaaminna Yisihaaqi Magani Kaaliiqaati; ateranna sirchikkira ikkitanno gede tenne goxxe nootto baatto eemmohe.

KALAQAMA 6:18

Ate ledo kayinni gondooro e"eemmo; atinna galtekki, oosokkinna oosokki seenni mitteenni markaawete giddora e'e.

KALAQAMA 9:16

Magani-seemo gomichu aana laeemmo yanna baalantera, anenna baattote aana noori lubbo afi'rino kalaqami mereero nooha hegere gondooro qaageemmo.

LAYINKI SAAMUEELI 7:24

Mannakki Israeeleno hegerera atere assi'rootto. Mooticha, atino Maganonsa ikkootto.

UMI DUDUWO 16:14

Kaaliiqi Maganonkeeti; isi baatto baalate halaale coyi'ranno.

FAARSO 81:10

Gibitsete gobbanni fushshummo'nehu ani Kaaliiqi Magano'neeti; wonsheemmo'nena afoo'ne halashshitine fanne.

FULO 3:15

Akaakka'ne Abirihaami, Yisihaaqinna Yaiqoobi Magani ani Kaaliiqi soommoheta Israeelete mannira kulinsa; hegere geeshsha su'mi'ya konneeti; dagganno ilama baala kunni su'minni woshshitannoe.

FULO 3:6

Ani akaakkakki Abirihaami, Yisihaaqinna Yaiqoobi Maganooti» yiisi. Museno Magano la"a waajjino daafira alba diphi.

FULO 6:4

Manni gobba manni gede ikkite heedhinota Kana"aani gobba ragisiiseemmonsa gede hexxo oommonsa.

FULO 6:7

Umi'ya manna assi'reemmo'ne; anino Magano'ne ikkeemmo; Gibitsete borojjimma giddonni fushsheemmo'ne yannara, ani Kaaliiqi Magano'ne ikkoommota affinanni.

ISAYAASI 61:8

Kaaliiqi, «Ani halaale baxeemmo; mulqi'ranna sao giweemmo. Ammanama'yanni manni'yara malino ba'raa'ra eemmo; insa ledono hegere gondooro e"eemmo.

ERMIYAASI 31:1

Kaaliiqi, «Israeelete ga're baalate Maganonsa ikkeemmotinna insano manna'ya ikkitanno yanna dagganno.

HIZIQEELI 28:26

Hakkiicho keere heedhanno; minnano mi'nitanno; woyineno kaasidhanno. Ajishshe la'annonsare ollaansa qorichisheemmo. Israeele kayinni yaaddo nookkiha hawaqidhe heedhanno. Hatte yannara, ani Kaaliiqi Maganonsa ikkoommota affanno» yii.

LEEWAAWOOTA 11:45

Magano'ne ikkammora Gibitsetenni fushshe abboommo'nehu ani Kaaliiqaati. Kunnira, ani qullaawa ikkoommonte gede, ki'neno qullaawoota ikke.

LEEWAAWOOTA 25:38

Kana"aani baatto aammo'neranna Magano'ne ikkammora, Gibitsetenni fushshummo'nehu ani Kaaliiqi Magano'neeti.

LEEWAAWOOTA 26:12

Mereero'ne hee'reemmo; Magano'ne ikkeemmo; ki'neno manna'ya ikkitinanni.

LEEWAAWOOTA 26:44

Tenne giddoonni kayinni, ledonsa eoommo gondooro diige, diinnansa gobbara dicallachisheemmonsa; co'o yite ba'arano diagureemmonsa. Ani Kaaliiqi Maganonsaati.

LEEWAAWOOTA 26:45

Insa daafira yee, Maganonsa ikkeemmo gede daga la'anna Gibitsete gobbanni fushshummonsa waro, annuwansa ledo eoommo gondooro qaageemmo. Ani Kaaliiqaati» yii.

LEEWAAWOOTA 26:9

Alba'ya ki'newa qoleemmo; ilantinanninna batidhinanni gede asseemmo'ne; ledo'ne eoommo gondooro seekke agareemmo.

MIKIYAASI 7:20

Bi're albi dirinni kayisse annuwankera oottonsa hexxo garinni, Yaiqoobira ammanamakki, Abirihaamira bagamannokkiha baxillekki wonshi.

MAATEWOOSI 22:32

Isi, ‹Ani Abirihaami Maganooti; Yisihaaqi Maganooti; Yaiqoobi Maganooti› yiino. Kunnira Maganu, heedhannori Maganooti ikkinnina reyitinori Magano di"ikkino» yee qolinsa.

MAARQOOSI 10:14

Yesuusi konne coye afe hanqe rosaanosi, «Maganu Gashshooti kuriuu gedeerihona, qaaqquullu anewa dayona hooltinoonte!

SOQQAMAASINETE LOOSO 2:39

Hexxote qaali ki'neranna ooso'nera, Mootichu Maganinke isiwa woshshannonsarira xeertote noori baalahooti» yii.

ROOMU SOKKA 9:4

Israeele Maganu doorino gosaati. Maganu insa oososi assi'rino; ayirrinyesi leellishinonsa; gondoorono einonsa; Seerano uyinonsa; halaalaancho magansi'ranna hexxo uyinonsa.

EFESOONI SOKKA 2:2

Hakka waro tenne gobba bunshe ha'runsitinanni heedhinoonni. Iima bubbete aana heedhanno durriissara roorricha ikkinohura hajajantinanni heedhinoonni. Hakku ayyaani xa Maganoho hajajantannokkire gashshanno.

MARRO 29:13

Ki'neranna annuwi'ne Abirihaamira, Yisihaaqiranna Yaiqoobira uyino hexxo garinni, isi ki'ne umisi manna assi'ranno'ne. Isino Magano'ne ikkanno.

IBIRAAWOOTA 11:16

Xa kayinni roore gordoho noo gobba halchitanno. Kunnira Maganu katama qixxeessinonsa daafira, «Maganonke» yite woshshidhannosita difokkanno.

IBIRAAWOOTA 8:10

«Tenne yanna gedensaanni Israeelete ledo e"eemmo gondoori konneeti» yaanno Mootichu. «Seera'ya giddonsa woreemmo; wodaninsarano borreesseemmo. Ani Maganonsa ikkeemmo; insano manna'ya ikkitanno.

EJJEETTO 2:1

Kaaliiqi sokkaasinchi Gelgelunni fule Bokiimi mare Israeelete, «Gibitsete gobbanni fushshoommo'ne. Akaakka'nera aammora coyi'roommo gobba haa're abboommo'nena, ‹Ki'ne ledo eoommo gondooro disoorreemmo.