24 Abirihaami barcimi yannara 99 diri manchooti.
Abiraami Kaaliiqi kulinosinte gede, Kaaraaninni fule ha'ri; isi hatte yannara 75 diri manchooti; Looxino ledosi ha'ri.
Abiraamira 99 diro ikkisi yannara Kaaliiqi leellesi, «Ani Wo'mankare Dandeemmo Maganootina, ane ledo qaafi; wo'ma woyite dancha coye assi.
Anenna ki'ne mereero noo gondoorira malaate ikkanno gede barcintinanni.
Abirihaamino alba hige gombisame kumbuuli; oso'le kae wodanisinni, «100 diro ikkino manchi halaalinta ooso ilannoni? 90 diro ikkinoseti Saarano iltannoni?» yii.
Hatte yannara, Abirihaaminna Saara lowo geeshsha geedhe no; Saararano ilate diri sae noose.
Abirihaami beettisi Yisihaaqi ilami yannara 100 diri geerchooti.
Gedensaanni Abirihaami barcimino; barcimasi kayinni albaanni noosi amma'nanni keeraa'minota leellishshanno malaateeti. Kunnira, Abirihaami barcintukkinni amma'nitannoriranna amma'nansa keeraanchimmate kiirantannonsarira baalaho annaho.
