KALAQAMA 17:10 - Qullaawa Maxaafa

¹⁰ Anenna ate mereero, ate gedensaannino sirchikki mereero agadhitinanni gondoori kunninni aane nooho: Ki'ne ledo hee'rannohu labbaahu baalu barcimo.

KALAQAMA 17:10 ပူးပေါင်းရင်းမြစ်များ

KALAQAMA 17:11

Anenna ki'ne mereero noo gondoorira malaate ikkanno gede barcintinanni.

KALAQAMA 17:23

Abirihaamino beettosi Ismaeeli, minesi ilantino borojjenna, woxunni hidhinore baala, maatesi baala Maganu yiino gede hakko barra barcimshiishi.

KALAQAMA 17:27

Mine ilantinorinna gobbanni woxunni hirroonniri labballu baalu isi ledo barcintu.

KALAQAMA 21:4

Maganu hajajinosi gede Abirihaami qaaqqosi Yisihaaqi settikki barra barcimshiishi.

KALAQAMA 34:15

Konne coye maahoyye yineemmohu ki'ne ninke labbinanni gede, labballo'ne baalanka barcimshiishshinirooti;

KALAQAMA 34:22

Ikkirono kuni manni ninke ledo hee'rannohunna ninkeno insa ledo mitto manna ikkineemmohu insante gede ninkehuno labbaahu baalu barcimirooti.

FULO 12:48

Kayinnilla barciminokkihu mittuno itoonke; wole gobba manchi giddo'ne hee'rironna Kaaliiqiha Mararrote Ayyaana ayirrisa hasi'riro, balaxxine minesi noo labballo baala barcimshiishshe. Hakkunni gedensaanni, gobbate beetti gede kiirame Mararrote Ayyaana ledo'ne ayirrisona.

FULO 4:25

Galtesi Siphaara reeqqiicho haadhe qaaqqose barcimshiishshu; barcimshiishshino shigginni Muse lekka amammaddu; qaaqqose barcimshiishshino daafira, «Xaate ati anera mundeete galte'yaati» yitusi. Kaaliiqino Muse marare shaa agurisi.

ERMIYAASI 4:4

Ki'ne Yihudunna Yerusaalamete manni, ki'ne ledo eoommo gondooro agadhe. Wodani'ne bunshenni kainohunni, konne gondooro agadha gibbine, cubbu giddo hee'rate hasidhiniro, hanqi'ya giirate gede buwanno; xoyissa dandaannohuno dihee'ranno» yiinsa.

YOHAANNISI 7:22

Muse ki'nera barcimate seera uyino'ne. Kuni seeri annuwatewiinni dayinoho ikkinnina Museha di"ikkino; ki'ne manna Fooliishshote Barra barcimshiishshinanni.

SOQQAMAASINETE LOOSO 7:8

Hakkunni gedensaanni barcimate gondooro uyinosi; kunnira Yisihaaqi ilamihunni settikki barra barcimshiishino. Yisihaaqino beettosi Yaiqoobi barcimshiishino. Yaiqoobino gosate annuwa ikkitinore tonaa lamenta oososi barcimshiishino.

ROOMU SOKKA 2:28

Su'mu callunni Ayihude ikkinohu halaalaancho Ayihudicha di"ikkino. Illete leellanno biso mudha halaalaancho barcima di"ikkitino.

ROOMU SOKKA 3:25

Maganu Yesuusa Kiristoosa, cubbo agursiisate kakkalo asse uyinohu, Isi kakkalama ammaninohu gatanno gedeeti. Maganu hatto assinohu, cincasinni albi cubbo hune halaalaancho yoosi leellishara yeeti.

ROOMU SOKKA 3:28

Kunnira, Maganu manna keereensannohu, Seera wonshineenna ikkikkinni amma'natenni ikkinota seekkine buunxoommo.

ROOMU SOKKA 3:30

Maganu mittoho. Isi Ayihudeno dagano amma'nansanni keereensanno.

GALATIYU SOKKA 3:28

Ki'ne baalunku Kiristoosi Yesuusinni mitto ikkitinoonnihura, Ayihudete woy Giriikete, borojjichoho woy biiloho, labbaaho woy meyate yinanniri dino.

GALATIYU SOKKA 6:12

Gobbayidi manninatinni danchuulle labbara hasidhannori barcintinanni gede giddeessitanno'ne. Hatto assitannohuno, Kiristoosi sutamanni kainohunni qarru iillannonsakki gede heddeeti.

EFESOONI SOKKA 2:11

Ki'ne ilama'nenni alba daga ikkitine heedhinoonniri, Ayihude mannu anga barcimansanni naaxxitanni ki'ne, «Barcimtinoonnikkiri» yitanno'neta qaagge!

MARRO 10:16

Kunni daafira, wodana co'o yitine keeraa'me; kakkachimma'neno agurre.

MARRO 30:6

Magano'ne Kaaliiqa wo'mu wodani'nenninna wo'ma lubbo'nenni baxxinanninna lubbotenni heedhinannni gede, Magani'ne Kaaliiqi ki'nenna sircho'ne owaatu wodanire assanno'ne.

FILIPHISIYUSI SOKKA 3:3

Magano Qullaawu Ayyaaninni magansi'neemmorenna, illete leellanno seerinni ikkikkinni Kiristoosa Yesuusa adawadhineemmore ikkinoommohura halaalunni barcimmoommori ninkeeti.

IYYAASU 5:2

Hakkunni gedensaanni Kaaliiqi Iyyaasu, «Reeqqiichotenni seekkinoonni magalaale qixxeessite Israeeloota barcimshiishinsa» yii.

IYYAASU 5:4

Israeelete manni Gibitsetenni fuli yannara, labballu baalunku barcimino. Ikkollana, halallitte gobbara hadhuhu 40 diri giddo ilantino labballi giddonni mittu nafa dibarcimino. Hatte yannara, Gibitsetenni fultu woyite olaho iillitino labballi baalunku, Kaaliiqira hajajama hoogginohura gooffino. Kuni ikkinohuno, Kaaliiqi akaakkansara aara xaarinota malawunna ado lolakkannota danchanna shaqqado baatto illensanni la'annokki gede xaarinohuraati.