KALAQAMA 15:17 - Qullaawa Maxaafa

¹⁷ Arrishsho e'eenna tunsihu gedensaanni, booso wiliilenna buwanno caabbichi lamewa beenki maali mereeroonni hige sai.

KALAQAMA 15:17 ပူးပေါင်းရင်းမြစ်များ

KALAQAMA 15:10

Abiraamino kore baala Kaaliiqiwa haa're masse lame lamewa dare beehi; beehinore lame ragaanni qote qoteho wori; cea kayinni lamewa dibeehino.

LAYINKI SAAMUEELI 22:9

Sanosinni hanqu wiliile fultu; afiisinnino ittanno giiranna buwanno kashili fuli.

UMI MOOTOOLLA 18:38

Hakkunni gedensaanni Kaaliiqiwiinni giira dirrite kakkalo, haqqe, kinnanna bushshano itte, balete giddo noo waano mooshshitu.

UMI DUDUWO 21:26

Daawiti hakkiicho Kaaliiqira kakkalote darga seekke shilqonnitanna mittimmate kakkalo shiqishi. Kaaliiqano huucci'reenna kakkalo ittanno giira gordunni soye huuccattosira dawaro qolisi.

FULO 19:18

Kaaliiqi giiratenni dirrino daafira, Siina Ilaala wiliile guggushshitu; ilaalu aaninni ka'anno wiliile boosonni fultannota labbanno; ilaaluno gudisame huxi'ri.

FULO 20:18

Mannu baalunku beleqonna banqo, buudu xurumbi luulonna ilaalu wiliilanna afe waajje huxi'ranni fafe uurre,

ISAYAASI 62:1

Keeraanchimmase soodo xawaabbi gede warri yita geeshshanna, gatoseno qansoonni caabbichi gede ikkite xabba geeshsha, Tsiyooni daafira sammi diyeemmo; Yerusaalamete daafirano digoxeemmo.

ERMIYAASI 11:4

Kuni gondoori siwiila daashshinanni booso gede iibbitino gobba Gibitsennitenni fushshummonsa waro akaakka'nera oommoho. Anera hajajanturonna yeemmore assituro, manna'ya ikkitannotanna anino Maganonsa ikkeemmota egensiisoommonsa.

MARRO 4:20

Ki'ne kayinni techonte gede umisi manna ikkitinara, Magani'ne Kaaliiqi ki'ne siwiila daashshinanni boosonni Gibitsetenni fushshe abbino'ne.

EJJEETTO 13:20

La'anni heedheenna, giirate buwani kakkalote darginni kae gordo hige ha'ranna, Kaaliiqi sokkaasinchino buwanu giddo hee're ha'ri. Maanuhenna galtesi konne coye la'u woyite alba higge kumbuultu.

EJJEETTO 6:21

Sokkaasinchuno amadino siqqo birxenni maalanna tima kisi. Kinchu giddonni giira fulte maalanna tima ittu. Hakkunni gedensaanni Kaaliiqi sokkaasinchi mulisinni ha'ri.