KALAQAMA 15:14 - Qullaawa Maxaafa

¹⁴ Ani kayinni, insa borojje assi'ranno manna qorichisheemmo; hakkunni gedensaanni lowo jiro adhite hatte gobbanni fultanno.

KALAQAMA 15:14 ပူးပေါင်းရင်းမြစ်များ

KALAQAMA 48:21

Hakkunni gedensaanni Yaiqoobi Yooseefira, «Kuneeti ani reyammoraati; Maganu kayinni ki'ne ledo hee're, galagalche annuwa'ne baatto massanno'ne.

KALAQAMA 50:24

Yooseefi roduuwisira, «Ani reyammoraatina, Maganu kayinni addintanni kaa'la'nera daanno; tenne baattonnino fushshe Abirihaamira, Yisihaaqiranna Yaiqoobira aansara xaarino baattono iillishanno'ne» yiinsa.

FAARSO 105:42

Soqqamaanchisi Abirihaamira uyinoha, qullaawa gondooro qaagi.

FAARSO 135:14

Kaaliiqi mannisira halaale coyi'ranno; soqqamaanosino mararannonsa.

FAARSO 135:9

Hakkono Feriooninna soqqamaanosi qorichishara, maalalenna dhagge assino.

FAARSO 51:4

Ani cubbo loose ate aana calla sao assoommo; ati giwatto coye assoommo; ane aana yoo yaakkinna ane bunshete kiirakki garaho.

FULO 12:29

Hashshu mereerira Kaaliiqi mootimma ragi'rannohu Feriooni beettinni kayise, usuranyu beetti geeshsha Gibitsete baattora nooha labbaaha umo ilaminoha baala qoomi; umo qalantino saadano shii.

FULO 3:10

Xa manna'ya Gibitsetenni fushshatto gede, Gibitsete mootewa soyemmohena amo» yiisi.

SOQQAMAASINETE LOOSO 7:7

Maganu qole, ‹Insa borojje asse gashshi'ranno manni aanano yoo yeemmo. Hakkunni gedensaanni borojjimmatenni fulte, hakkiichonni magansidhannoe› yee coyi'rino.

MARRO 4:20

Ki'ne kayinni techonte gede umisi manna ikkitinara, Magani'ne Kaaliiqi ki'ne siwiila daashshinanni boosonni Gibitsetenni fushshe abbino'ne.

MARRO 6:22

Ninke illenkenni la'nanna Kaaliiqi jajjabbanna waajjishshanno dhagge Gibitsete Feriooninna minisi manni baalu aana leellishino.

IYYAASU 24:17

Maganinke Kaaliiqi annuwankenna ninke Gibitsete borojjimmanni fushshinonke. Assinota jajjabba maalale anfoommo; daga baala sa'ne dangummo geeshsha keerunni agarinonke.

UMI SAAMUEELI 12:8

«Yaiqoobinna maatesi Gibitse hadhuhu gedensaanni gadadisseennansa annuwa'ne kaa'lannonsa gede Kaaliiqa huuccidhino. Kaaliiqino Gibitsete gobbanni fushshite konniicho heedhanno gede assitinonsare Musenna Aarooni soyinonsa.