KALAQAMA 14:6 - Qullaawa Maxaafa

⁶ Hoori mannano ilaalaame Seiiri Gobbara qeeltunsa; molo baatto mule noo dargi Elfaraani yinannihu geeshsha shorritunsa.

KALAQAMA 14:6 ပူးပေါင်းရင်းမြစ်များ

KALAQAMA 16:7

Kaaliiqi sokkaasinchino halallitte gobbara wayi buicho mule afise; buichono Suurira massitanno doogo aana no.

KALAQAMA 32:3

Hakkunni gedensaanni Yaiqoobi Edoomi gobbara Seiiri yinanni baattora hee'rannohuwa rodiisi Eesawuwa alba qole manna soyi.

KALAQAMA 36:8

Kunnira, Edoomi yinannihu Eesawu ha're ilaalaame gobbara Seiiri hee'ri.

UMI MOOTOOLLA 11:18

Insano Midiyaami gobbanni ka'e Faaraani yinanniwa hadhu. Hakkiicho hee'ranno mannino insa ledo karsami. Hakkunni gedensaanni baalunku mitteenni Gibitsete gobba hadhu. Hakkiichono Gibitsete moote ledo xaaddu. Isino Hadaadira baatto, galanno minenna itanno sagale uyisi.

IMBAAQOOMI 3:3

Maganu Teemaaninni daanno; Qullaawu Maganino Faaraani Ilaalinni daanno; ayirrinyisi gordo guggushshino; galatisi baatto wo'mino.

KIIRO 10:12

Israeelete mannino Siina Halallittenni kae, gomichu mare Faaraani Halallittera uurra geeshsha basetenni base sai.

KIIRO 12:16

Hakkunni gedensaanni mannu Hatserootinni kae Faaraani Halalla mare baxxisi'ri.

KIIRO 13:3

Museno Kaaliiqi hajajino garinni Faaraani Halallinni dooyyitannore 12 roorroota soyi.

MARRO 2:12

Horootu alba Edoomi heedhanno. Eesawu sircho ikkitinori kayinni, insa shorrite huntuhu gedensaanni hakkiicho heedhino. Kunino Kaaliiqi iqqa asse uyinonsa baattora Israeelete manni assino garaati.)

MARRO 2:22

Kaaliiqi Edoomi heedhannorira Eesawu sirchirano hattonni assino. Kunino Horaawoota albinsanni shorre hune baattonsa ragidhanno gede assino; insano techo geeshsha hakkiicho heedhanno.